«بۇگىن قازاقستان رەسپۋبليكاسىنىڭ پارلامەنتىندە حالىققا جاڭا الەۋمەتتىك باستامالارمەن ءسوز باستايمىن. مەن بۇل ءىستى بۇرنىننان ويلاپ جۇرگەن ەدىم, بىراق بىزگە كۇش پەن قارجى جيناۋ قاجەت بولدى. ەندى مىنە ونىڭ ۋاقىتى كەلگەن سەكىلدى. قوعامنىڭ الەۋمەتتىك بىرلىگىن نىعايتا تۇسۋگە قاجەتتى ناقتى كۇش-جىگەر قابىلدايتىن ءارى ونى اۋقىمدى الەۋمەتتىك جوبالار ارقىلى جۇزەگە اسىراتىن ۋاقىت جەتتى. «قازاقستان – ءبىزدىڭ ورتاق ءۇيىمىز» يدەياسى جاڭا مانگە يە بولۋى كەرەك», دەدى نۇرسۇلتان نازارباەۆ.
ەلباسى ءوز سوزىندە ءاربىر قازاقستاندىقتىڭ جاعدايىن ودان ارى جاقسارتۋعا نەگىزدەلگەن جاڭا الەۋمەتتىك باستامالاردى تالقىلاۋ ءۇشىن پارلامەنت پالاتالارىنىڭ جانە ۇكىمەتتىڭ بىرلەسكەن وتىرىسىنا باستاماشىلىق ەتكەنىن مالىمدەدى.
مەملەكەت باسشىسى ۇسىنىلىپ وتىرعان بارلىق ۇسىنىس جان-جاقتى قاراستىرىلعانىن جانە قازىرگى ۋاقىتتا ىسكە اسىرىلىپ جاتقان مەملەكەتتىك باعدارلامالاردىڭ جالعاسى بولاتىنىن ايتتى.
