بىراق 2018 جىلعى بەكىتىلگەن بيۋدجەت بويىنشا 5,4 ملرد تەڭگە عانا بولىنگەن. ياعني, 3-10 سىنىپ ارالىعىنداعى وقۋشىلاردى وقۋلىقتار مەن وقۋ-ادىستەمەلىك كەشەندەرمەن قامتاماسىز ەتۋدى 100 پايىزعا جەتكىزۋ جانە كىتاپحانا قورىن 20 پايىزعا جاڭارتۋ ءۇشىن 2,2 ملرد تەڭگە قوسىمشا قارجى قاجەت.
سونىمەن قاتار وڭتۇستىك قازاقستان وبلىسى بويىنشا مەكتەپكە دەيىنگى تاربيە مەن وقىتۋعا جالپى سيپاتتاعى ترانسفەرتتەردى (سۋبۆەنتسيا) ەسەپتەۋ بارىسىندا 2018 جىلدىڭ 1 قاڭتارىنا 143 702 ورىنعا جانە جاڭا 10 690 ورىنعا 1 بالاعا 19354 تەڭگەدەن 34,4 ملرد تەڭگە قارجى جانە ەكولوگيالىق اۋداندارعا 1 بالاعا 3 841 تەڭگەدەن رەسپۋبليكالىق بيۋدجەتتەن نىسانالى ترانسفەرتتەر ەسەبىنەن 1,6 ملرد تەڭگە, بارلىعى 154 392 ورىنعا 36,0 ملرد تەڭگە قارجى بولىنگەن. بىراق ەلىمىزدىڭ 2007 جىلعى 27 شىلدەدەگى ء«بىلىم تۋرالى» زاڭى 62 بابىنىڭ 4-1 تارماعىنا, ءبىلىم جانە عىلىم مينيسترلىگىنىڭ 2017 جىلدىڭ 27 قاراشاسىنداعى «مەكتەپكە دەيىنگى تاربيە مەن وقىتۋدى, ورتا, تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىم بەرۋدى جان باسىنا نورماتيۆتىك قارجىلاندىرۋ ادىستەمەسىن بەكىتۋ تۋرالى» بۇيرىعىنا سايكەس, مەكتەپكە دەيىنگى تاربيە مەن وقىتۋدى جان باسىنا قارجىلاندىرۋ ءنورماتيۆى بويىنشا 2018 جىلعى 154 392 ورىنعا قوسىمشا 15,6 ملرد تەڭگە قارجى كەرەك.
وقو ەلىمىزدەگى حالىق ەڭ كوپ شوعىرلانعان ءوڭىر. وبلىستىڭ 844 ەلدى مەكەنىندە 3 ملن جۋىق حالىق تۇرادى. وڭىردەگى حالىق سانىنىڭ تابيعي وسىمىنە بايلانىستى جىل سايىن 35-40 مەكتەپتىڭ قۇرىلىسىن جۇرگىزۋ قاجەتتىلىگى تۋىنداۋدا. ءبىرىنشى كەزەكتە شەشۋگە ءتيىس ماسەلەنىڭ ءبىرى – ءبىلىم ستاندارتىنا سايكەس كەلمەيتىن ءۇش اۋىسىمدى جانە اپاتتى مەكتەپتەر. وسى ماسەلەنى شەشۋ ءۇشىن ءبىلىم بەرۋ سالاسى بويىنشا جالپى قۇنى 6,3 ملرد. تەڭگە, جوبالىق قۋاتىلىعى 5 100 ورىندى قۇرايتىن 9 نىساننىڭ جوبالاۋ-سمەتالىق قۇجاتتاماسى ازىرلەنگەن, وسىعان سايكەس نىسانداردىڭ قۇرىلىسىنا 2018 جىلعا 8,5 ملرد تەڭگە قارجى قاجەتتىلىگى تۋىنداۋدا.
جالپى, وڭتۇستىك قازاقستان وبلىسىنداعى ءبىلىم سالاسى ماسەلەلەرىنىڭ ءبارىن شەشۋ ءۇشىن رەسپۋبليكالىق بيۋدجەتتەن قوسىمشا 26,4 ملرد تەڭگە بولىنسە سالانىڭ ودان ءارى دامۋىنا وڭ ىقپال تيگىزەتىنى انىق. وسى ماسەلەلەردى العا تارتا وتىرىپ پرەمەر-مينيستر باقىتجان ساعىنتاەۆتىڭ اتىنا دەپۋتاتتىق ساۋال جولدادىق.
ءالىمجان قۇرتاەۆ,
سەنات دەپۋتاتى
