اعىمداعى جىلدىڭ ناۋرىز ايىنىڭ ءۇشىنشى جۇلدىزىندا ءۇرجار اۋدانىنىڭ اباي اتىنداعى ورتا مەكتەبىنىڭ شاڭعى جولىندا جەرلەسىمىز, شاڭعىدان قازاقستان رەسپۋبليكاسىنىڭ ۇلتتىق قۇراما كومانداسىنىڭ مۇشەسى, سوچي وليمپياداسىنا قاتىسۋشى, وليمپيادا تۋىن ۇستاعان, سپورت شەبەرى, ازيا ويىندارىنا قاتىسۋشى, قر-نىڭ بىرنەشە دۇركىن چەمپيونى, حالىقارالىق دارەجەدەگى سپورت شەبەرى احماديەۆ ەردوس جەكسەن ۇلىنىڭ قۇرمەتىنە شاڭعىدان اۋداندىق چەمپيونات وتكىزىلدى. بۇل باستامانى اتاقتى شاڭعىشىنىڭ ءوزى كوتەرگەن.
بۇل جارىس ءداستۇرلى تۇردە ەكىنشى جىل قاتارىنان وتۋدە. جارىسقا 12 كوماندا قاتىسىپ, 110-گە جۋىق بالا قامتىلدى. جارىستىڭ باعدارلاماسى بويىنشا ۇلدار – 5 شاقىرىم, قىزدار – 3 شاقىرىمدا باعىن سىنادى. اشىلۋ سالتاناتىندا قازاقستان رەسپۋبليكاسىنىڭ مەملەكەتتىك ءانۇرانى ورىندالىپ, دەنە شىنىقتىرۋ جانە سپورت ءبولىمىنىڭ باسشىسى سارسەنحان قابدولدانوۆ ءسوز الىپ, ۇلكەن سپورتتىڭ جاناشىرى, اۋدان اكىمى سەرىك زاينۋلديننىڭ اتىنان سپورتشىلارعا ساتتىلىك تىلەدى. باس تورەشى س.التىنبەكوۆ جارىستىڭ ءوتۋ تارتىبىمەن تانىستىرىپ ءوتتى.
جارىس جەڭىمپازدارىنا ەردوس جەكسەن ۇلىنىڭ ارنايى دايىنعان باعالى سىيلىقتارى, مەدالدارى مەن ماقتاۋ قاعازدارى تابىس ەتىلدى. جانە دە ەردوس باۋىرىمىز بارلىق سپورتشىلارعا ءوزىنىڭ جولىن بەرسىن, ءوزى جەتپەگەن جەتىستىكتەرگە جەتسىن دەپ,- باتاسىن بەردى.
وڭداسىن ەلۋباي.
شىعىس قازاقستان وبلىسى.
ءۇرجار اۋدانى.
سۋرەتتە: ەردوس جەرلەستەرىمەن.
