الدا – اسقارالى اسۋلار

بۇگىن

سەزد جۇمىسى ءبىزدى جاڭا تابىستارعا جىگەرلەندىرەدى

ءبىزدىڭ دەلەگاتتار پارتيا سەزىنە ۇلكەن تابىستارمەن كەلىپ وتىر. ءوڭىرىمىزدىڭ ءوسۋ مەن وركەندەۋ جولىنداعى بۇل جەتىستىكتەرىنە, ارينە, «نۇر وتان» حدپ وبلىستىق فيليالىنىڭ قو­سىپ وتىرعان ۇلەسى دە مول. سو­نىڭ ناتيجەسىندە وبلىستا ونەركاسىپ ءونىمىن وندىرۋدە سوڭ­عى جىلدارى وڭ ىرعاق قالىپ­تاس­تى. ونىڭ كولەمى 2009 جىل­مەن سالىستىرعاندا 14,0%-عا ءوسىپ, 124,7 ملرد. تەڭگەنى قۇرادى.

ەلباسىنىڭ نەگىزگى تاپسىر­ما­لارىنىڭ ءبىرى – يندۋس­تريا­لىق-يننوۆاتسيالىق دامۋ قارقى­نىن باسەڭدەتپەۋ.  وسىعان وراي, وب­لىستا ۇدەمەلى يندۋس­تريا­لىق-يننوۆاتسيالىق دامۋ باعدار­لا­ماسى بويىنشا قۇنى 665,5 ملرد. تەڭگە بولاتىن 22 جوبا جوس­پارلانعان بولسا, وتكەن جىلى سونىڭ 52,7 ملرد. تەڭگە كولە­مىن­دەگى 7 جوباسى ىسكە قوسىلدى. ءسويتىپ 2,5 مىڭ­نان استام جۇمىس ورنى اشىلدى. مى­سا­لى, «ال با­سار» جشس-ءنىڭ گرانيت ءوڭ­دەۋ جانە گرانيت بۇي­ىم­دا­رىن شىعارۋ تسەحى, «جا­ڭا­تاس» مەتال­لۋر­­گيا­لىق كوم­بي­نا­تى» جشس-ءنىڭ بولات بالقىتۋ ءون­دى­رىسى, «مىڭارال تاس كومپاني» جشس-ءنىڭ تسەمەنت زاۋىتىنىڭ قۇرىلىسى, «تاراز مەتال­لۋر­گيا­لىق زاۋىتى» جشس-ءنىڭ فەر­رو­قو­رىتپا ءوندىرىسىن كەڭەيتۋ مەن جەتىلدىرۋ, «امانگەلدى گاز وڭدەۋ زاۋىتى» جشس-ءنىڭ شيكى مۇنايدى قايتا وڭدەۋ زاۋىتىنىڭ قۇرىلىسى جانە «فابريكا پوش-تاراز» جشس-ءنىڭ توپس ءوندىرىسى, «جاس­ۇلان جانە ك» جشس-ءنىڭ ءوند­ى­رىستىك نەگىزدە گۇل ءوسىرۋ كەشەنى ءبۇ­گىندە ءوڭىر ەكو­نوميكاسىنا جا­ڭا­شا سيپات بەرۋدە. سونىمەن بىرگە, قاراتاۋداعى «ەۋروحيم-ۋدوبرەنيا» زاۋىتى, شۋ قالا­سىن­داعى قۇس فابيكاسى جانە «قاز­فوس­فات» كومپانياسىنىڭ 12 ملرد. تەڭگە تۇراتىن كۇكىرت قىش­قىلىن شىعاراتىن تسەحىن ىسكە قوسۋ جوبالارى دا بار.

اۋىل شارۋاشىلىعى سالا­سىن­داعى تابىستارىمىز دا از ەمەس. اتاپ ايتساق, وتكەن جىلدىڭ وسى كەزەڭىمەن سالىستىرساق, قوي-ەش­كىنىڭ, جىلقىنىڭ, تۇيەنىڭ, شوش­قانىڭ سانى 1-3%, ال ەت, ءسۇت, ءجۇن جانە جۇمىرتقا ءوندىرۋ 1-3%-عا ارتتى. ال تەڭگەگە شاققاندا ءوت­كەن جىلدىڭ 9 ايىندا وندىرىلگەن مال ونىمدەرىنىڭ جالپى كولەمى 26, 5 ميلليارد تەڭگە بولسا, ول بيىلعى ءدال وسى كەزەڭدە 32, 2 ميلليارد تەڭگەگە جەتكەن.

تاۋەلسىزدىك مەرەكەسى قارسا­ڭىن­دا وتكەلى وتىرعان پارتيا سەزى ءبىزدى بۇدان دا زور تابىس­تارعا جەتەلەپ, رۋحاني تۇرعىدان جىگەرلەندىرە تۇسەرى ءسوزسىز. سەز­دە پارتيانىڭ الداعى بەس جىلعا ارنالعان «قازاقستان. 2017 ماق­ساتتارى. ۇلتتىق ءىس-قيمىل جوس­پا­رى» اتتى سايلاۋالدى تۇعىر­نا­ماسىنىڭ جوسپارى تالقىلانىپ, بەكىتىلمەك. بۇل ساياسي باعدار­لاما­نى تۋعان ەلىمىزدى وركەن­دە­تۋگە سۇبەلى ۇلەس قوساتىن جاسامپاز جاڭا قۇجات دەپ سانايمىن. ويتكەنى, جاڭا پارلامەنتتىك مەرزىمگە ارنالعان ساياسي تۇعىر­ناما جوباسى پرەزيدەنت ن. نازارباەۆ بەلگىلەپ بەرگەن «2020 ستراتە­گيا­سىن» ىسكە اسىرۋدىڭ جاراسىمدى جالعاسى جانە اداس­قاندارعا جول كورسەتەر تەمىر­قا­زىق جۇلدىز رەتىندە باعالايمىن.

 قانات بوزىمباەۆ, جامبىل وبلىسىنىڭ اكىمى,«نۇر وتان» حدپ جامبىل وبلىستىق  فيليالىنىڭ توراعاسى.

جامبىل وبلىسى.

_____________

الداعى كۇندەردەن جاقسىلىق كۇتەمىن

مەن  سەزدەگى ەڭ ما­ڭىزدى ماسەلەلەر قاتا­رىندا  مەرزىمىنەن بۇ­رىن تاراتىلعان ءماجى­لى­ستىڭ جۇمىستارىنا باعا بەرىلەتىن شىعار دەپ وي­لاي­مىن. سونى­مەن بىرگە, ارينە, «نۇر وتان» حدپ-دان سايلاناتىن كانديداتتار ءتىزىمى دە كوپتەگەن ادامداردى, ولاردىڭ وتباسى ءمۇ­شەلەرى مەن تامىر-تانىستارىن, قالابەردى بۇكىل ەلدى ەلەڭدەتىپ وتىر. مەن پارتيا تىزىمىنە ناعىز لايىقتى, ءبىلىمدى دە تاجىريبەلى, حالىققا اسا قاجەتتى, ەلىمىزدىڭ دامۋىنا, ەكونوميكامىزدىڭ ەڭسە­لەنە بەرۋىنە ىقپال ەتەتىن ءتيىمدى زاڭدار قابىلداۋعا قا­بىلەتتى ماماندار مەن ءتاجى­ري­بەلى ادامدار وتەر دەگەن سەنىمدەمىن.

ارينە, سەزد با­رىسىندا پارتيانىڭ العا قويعان مىندەت­تەرىنىڭ قالاي ورىن­دا­لىپ جاتقانى تۋرالى دا ەسەپ بەرىلەرى ءسوز­سىز. حالىق ونىڭ قا­لاي ورىندالىپ جاتقانىن كورىپ وتىرسا دا, ءتيىستى ادامداردىڭ ايتقان دەرەكتەرى جۇرتتىڭ ءبا­رىنە قاجەت. مەنىڭشە, ەلباسى نۇرسۇلتان نازارباەۆ سايلاۋ وتكىزۋدى دۇرىس مەزگىلگە بەلگىلەدى. ويتكەنى, قىستىگۇنى حا­لىق­تىڭ سايلاۋ ۇدەرىسىنە قاتىسۋ بەلسەندىلىگى كۇشتىرەك بولادى. سەزدەن تەك جاقسىلىق كۇتەمىن.

نازاردا ۇستايتىن جايلار بار

«نۇر وتان» حدپ-نىڭ كەزەكتەن تىس ءحىV سەزىنە دەلەگات بولىپ كەلدىم. پارتيانىڭ بۇل قۇرىلتايى ەرەكشە بولعالى تۇر. پارلامەنت ءماجىلىسىن كوپ پار­تيالى ەتىپ جاساقتاۋ مىندەتى قوي­ىلعاندىقتان, وعان ءوت­كىسى كەلەتىن ساياسي كۇشتەردىڭ دە پارمەنى ەرەكشە. ولاي بولسا پارتيالار اراسىنداعى باسەكە دە قىزاتىنى بەلگىلى.

 «نۇر وتان» حدپ ءوزىن جاقسى جاعىنان تانىتىپ كەلەدى. ساي­لاۋ­الدى تۇعىرنامادا كوزدەلگەن كوپ­تەگەن مىندەتتەر تولىعىمەن ورىن­دالدى جانە جۇزەگە اسا دا بەرەدى. بۇرىن «باسىم كوپشىلىك»  دەپ كەلسە, ەندىگى كەزەكتە «تىڭ­داي­تىن كوپشىلىك» دەگەن پىكىر قالىپتاسايىن دەپ تۇر. ياعني, پارتيا وزگەلەردىڭ دە پىكىرىن ەستۋگە, سولارمەن بىرلەسە ارەكەت ەتۋگە ۇم­تىلىپ وتىر. دەموكراتيانىڭ باس­تى تەتىكتەرى وسىندا دەپ ەسەپتەسەك, قۇرالتاي سول باعىتقا بەت بۇ­را­تىنىن قازىردەن بولجاۋعا بولادى.

«نۇر وتان» پارتياسىنىڭ تۇعىرناماسى قانداي بولۋى كەرەك دەگەندە, ونىڭ باسقا پارتيا­لار­دىڭ پىكىرىنە قۇلاق اساتىن جانە دە سولارمەن قويان-قولتىق بىرلەسە ارەكەت ەتەتىن مىندەتتەرمەن قامتىلادى دەپ وي­لايمىن. ەگەر پارتيا قۇجاتىندا حا­لىقتىڭ تالاپ-ارى­زى ەسكەرىلمەيتىن بولسا, وندا ونىڭ بەدەلىنە نۇقسان كەلەدى. سون­دىقتان حا­لىقتىڭ پىكىرىنە قۇلاق ءتۇ­رىپ, ونىڭ مۇڭ-مۇق­تاجىن ەسكەرەتىن دەڭگەيدە اڭگىمە بو­لارىنا ەش كۇمانىم جوق. قىزىل كەڭىر­دەكتەردەن ەمەس, حالىقتىڭ الدىنا شىعا الاتىن, سولاردىڭ ءسوزىن سويلەيتىن, ماسە­لەلەرىن شەشە بىلەتىن ادامداردان دەپۋتاتتار سايلانۋى ءتيىس.

قازىرگى تاڭدا الەم تانىعان ەلگە اينالىپ كەلەمىز. ولاي بولسا, ءبىز شيكىزاتتىق ەلدەن ءوندىرىسى دامىعان وركەنيەتتى ەلدەر سانا­تى­نا ءوتۋىمىز كەرەك. مەن ويلاي­مىن, پارتيا وسى باعىتتاعى ءمىن­دەت­تەردىڭ ءارى قاراي دا جۇزەگە اسۋىنا بارىنشا قولداۋ كور­سە­تەتىن بولادى دەپ. قازىرگى تاڭدا عىلىم مەن بىلىمگە قىرۋار قارجى بولىنۋدە. الايدا سول قارجى­لار­دىڭ ءتيىمدى جۇمسالۋىن جۇزەگە اسىراتىن تەتىكتەر ءالى دە جەتىسپەيدى. بۇرىندارى عىلىم سالا­سى­مەن اينالىسىپ جۇرگەن ازامات­تارعا ءوز كۇندەرىڭدى وزدەرىڭ كو­رىن­دەر دەپ كەلدىك. قازىر تالاپ ءوز­گەردى. ۇكىمەت تاراپىنان سول عى­لىمي سالادا جۇرگەندەرگە قارجى بولىنۋدە. ءبىلىم جانە عىلىم ءمينيسترى عىلىم سالاسىنا قانشا قارجى كەرەك, سونى ءبولۋدى قا­راستىرامىز دەگەندى ايتتى. ەندىگى ماسەلە عالىمدار ءوز باسىن­داعى پروبلەما ەمەس, ەكونو­ميكاداعى پروبلەمالاردى شەشۋمەن اينا­لىسۋى ءتيىس. ال ەكونو­ميكا ءوز كەزەگىندە عالىمداردىڭ الدىنا جاڭا مىندەتتەر قويا ءبىلۋى كەرەك.

قازىر قاراپ وتىرساق, ين­نو­ۆا­تسياعا بولىنگەن قارجىلاردىڭ 80 پايىزىن كاسىپورىندار وزدە­رى جۇمسايدى ەكەن. ال عىلىم مەن ءبىلىم وزدەرى اقشا ءبولدىرىپ, ءوز­دە­رىنشە كۇي كەشۋدە. ال ۇشتاساتىن جەر قايدا؟ مىنە, وسى جەردە ۇكىمەت ءوزى تاراپى­نان تالاپ قوي­عا­نى ءجون. مى­سالى, اۋىل شارۋا­شى­لىعىندا نەندەي ماسەلە شەشىلمەي جاتسا, سول باعىتتا تۋىن­داعان پرو­ب­لەمالاردىڭ شەشىمىن عالىم­دار ىزدەۋى كەرەك ەمەس پە؟ كا­سىپورىندار بيۋدجەتكە سالىق تولەسە, مەملەكەت سول عالىم­دار­دى قارجىلاندىرىپ وتىر. سون­دىقتان جان-جاقتى وي­لاس­تىرىل­عان بولاشاقتى مەڭ­زەيتىن يدەيالارمەن قارۋ­لانۋى­مىز كەرەك.

قورىتا ايتقاندا, «جالعىز­دىڭ شاڭى شىقپايدى» دەگەندەي, ەلىمىز جەكە-دارا ەشتەڭە ىستەي الماسى انىق. قازاقتىڭ بايلىعى بىرەۋدىڭ كوز قۇرتى بولۋى دا زاڭدى. بىرەۋلەرگە قورعان بولساق, ءوزىمىز دە سول قورعاننان پايدا تاباتىنداي جاعداي ۇنەمى نازاردا تۇرۋى – ۋاقىت تالابى. «نۇر وتان» حدپ وسىنداي مىندەتتەردى شەشە الاتىن  بىردەن-ءبىر پارتيا دەپ بىلەمىن.

راحمان الشانوۆ, «تۇران» ۋنيۆەرسيتەتىنىڭ رەكتورى.

الماتى.

________________

وڭ وزگەرىستەر ومىرشەڭ بولسىن

«نۇر وتان» پارتياسىنىڭ مۇشەسى رەتىندە كەزەكتەن تىس وتەتىن پارتيا قۇرىلتايىنا كوپتەگەن ءۇمىتىمىزدى ارقالاپ كەلىپ وتىرمىز. الدىمىزدا ءماجىلىس سايلاۋى تۇر. سول سايلاۋعا بىرنەشە پارتيا قاتىسادى. ارينە, حالىق اراسىندا بەدەلى باسىم, حالىقتىڭ داۋىسىن بيىك ۇستاعان ساياسي كۇش قانا جەڭىمپاز بولارى بەلگىلى.

ءوزىم سايلاۋشىلارمەن تىعىز قارىم-قاتىناستا بولعاندىقتان, «نۇر وتان» پارتياسى بەدەلىنىڭ جوعارى ەكەنىن بايقاپ تا, كورىپ تە ءجۇرمىن. شىعىس قازاقستان وبلىسىندا بولىپ جاتقان كوپتەگەن وڭ وزگەرىستەر «نۇر وتاننىڭ» ىقپالىنىڭ ارقاسىندا,  ءتىپتى باستاماسىمەن دە جاسالىپ جاتىر. پارتيانىڭ سايلاۋالدى تۇعىرناماسىندا مەديتسينا سالاسى ەرەكشە قاراستىرىلعان. بىرىككەن مەديتسينا جۇيە­سىنىڭ مىندەتى – مەديتسينالىق كومەكتى قاراپايىم حالىققا, سونىڭ ىشىندە اۋىل تۇرعىندارىنا جەتكىزە ءبىلۋ.

بۇرىن كوپتەگەن رەسپۋبليكالىق مەديتسينا ورتا­لىقتارىنا اۋىلدىقتاردىڭ قولى جەتە بەرمەيتىن. وسى جۇيە قوسىلعاننان بەرى ولار كەزەككە تۇرىپ, قالاعان مەديتسينالىق مەكەمەلەرىنە بارىپ, دارىگەرلىك قىزمەت الا الادى. بۇل – جاقسى جاڭالىق. ونىڭ ەنگىزىلگەنىنە دە ءبىر جىلداي بولدى. مەديتسينا قىزمەتكەرلەرىنىڭ «نۇر وتان» پارتياسى مۇشەلەرىمەن بىرلەسە وتىرىپ, وسى باعىتتى ءالى دە دامىتۋىمىز كەرەك.

مەديتسينا سالاسىندا قىزمەت ىستەيتىن دارىگەرلەردىڭ, مەدبيكەلەردىڭ جانە وزگەلەرىنىڭ ەڭ­بەكاقىسى از دەپ جاتامىز. قازىر ديففەرەنتسيالدى اقى تولەۋ كوزدەلگەن. كەرەمەت وپەراتسيانى جەدەل ءارى ساپالى جاسايتىن, جاڭالىقتاردى ەنگىزىپ كەلە جاتقان حيرۋرگتەردى ۇستاۋ ءۇشىن جانە ولاردىڭ ءارى قاراي دا دامۋىن ورىستەتۋ ماقساتىندا وسى اقى تولەۋ جۇيەسىن ەنگىزگەن ۇتىمدى. بۇل «نۇر وتان» پارتياسىنىڭ تۇعىرناماسىندا بار. ماعان دا بۇل اقى تولەۋ تەتىگى ۇنايدى. وسى ەكى وزگەرىستىڭ ءوزى قاراپايىم حالىققا مەديتسينا سالاسى بويىنشا كومەك كورسەتۋدى جاقسارتاتىندىعىنا مەن كامىل سەنەمىن.

رايا راحيموۆا, «انا مەن بالا» ورتالىعىنىڭ باس دارىگەرى.

شىعىس قازاقستان وبلىسى.

 __________________

جۇمىس قاشاندا قاۋىرت

وبلىسىمىزداعى حرومتاۋ اۋدانى بارشاعا تانىمال دەسەم, ارتىق ايتقاندىق ەمەس. سول وڭىردەن «نۇر وتان» حدپ-نىڭ كەزەكتەن تىس ءحىV سەزىنە كەلىپ وتىرمىز. سايلاۋ كۇنى بەلگىلەنگەننەن كەيىن وڭىرلەردە جۇمىس قاۋىرت باستا­لىپ تا كەتتى. مەنىڭ پايىمىمشا, حالىق ءوزى تاراپىنان سايلاۋعا ەرەكشە ىقىلاس تانىتۋدا. سەبەبى, بۇل سايلاۋ بىرنەشە پارتيا ارا­سىن­دا باسەكەلى دە تارتىستى وتە­تىن­دىگىمەن ەرەكشەلەنەتىنى بايقالادى.

قازىرگى تاڭدا ەلدىڭ الەۋ­مەت­تىك-ەكونوميكالىق جاعدايى جامان ەمەس. تاۋەلسىزدىگىمىزدىڭ 20 جىلدىعىنا  ءبىز كوپتەگەن جەتىستىكتەرمەن كەلىپ وتىرمىز. مى­سا­لى, حرومتاۋ قالاسىندا تۇر­عىن­دارعا قاجەتتى بار­لىق جاع­داي جا­سال­عان. قازىرگى تاڭ­دا اۋىل­دىق جەرلەرگە گاز جەلىسى مەن سۋ قۇ­بى­رى تارتىلىپ جا­تىر. تەك بيىل­دىڭ ءوزىن­دە ەكى ءۇل­كەن اۋىلعا گاز جانە سۋ جەتكىزىلدى. كەلەسى جىلى دا وسى مەجەدەن شىعامىز با دەگەن ويدامىز.

اۋداننىڭ بيىلعى بيۋدجەتى 4,5 ميلليارد تەڭگەنى قۇرايدى. بىزدە سونىمەن بىرگە «نۇرلى كوش» باعدارلاماسى بويىنشا ورال­ماندارعا 300 پاتەرلى باسپانا دا سالىنۋدا. وڭىرىمىزدە مىس وندىرىلەتىن بولعاندىقتان, ولار سوندا جۇمىس جاسايدى. وزگە سالالاردا جۇمىس ىستەيتىن ورال­مان­دارعا دا بارلىق جاعدايدى تۋعىزۋعا ۇمتىلۋدامىز.

ايازباي ۋسمانعاليەۆ, اقتوبە وبلىسىنداعى حرومتاۋ اۋدانىنىڭ اكىمى.

_____________________________________________________________

جاڭا مىندەتتەر جۇكتەيتىنى كۇمانسىز

«نۇر وتان» حدپ ءوزىنىڭ حا­لىق­تىق تۇ­عىر­­نا­ما­سىن تولىق­تاي ورىنداپ كەلەدى. وسى تۇعىرناماعا سايكەس جىل سايىن ەلباسى جول­داۋى جاسالىپ, ونداعى كورسەتىلگەن شارالار تولىقتاي ورىندالدى دەپ ايتۋعا بولادى. اسىرەسە, قازاقستان ەكو­نوميكاسىن يندۋس­تريالاندىرۋ – يننوۆاتسيالاندى­رۋ باعدار­لا­ما­سى  يگى ءناتي­جە­لەرىن بەرۋدە. ەلى­مىز­دىڭ بارلىق ايماقتارىندا جاڭا كاسىپ­ورىن­دار اشىلىپ, ەكو­­نو­ميكانىڭ كومىرسۋتەگى رە­سۋرس­تا­رىنا تاۋەل­دىلىگىن جويۋ باعى­تىن­دا كوپتەگەن جۇمىس اتقارىلدى.

ءبىزدىڭ سولتۇستىك اي­ماقتاردا اۋىل شارۋا­شىلىعى ءونىم­دەرىن وڭدەۋ سالا­سىندا اۋىز تولتىرىپ ايتارلىقتاي تابىستارعا قول جەتكىزىلدى. سەزدە ءبىزدىڭ تابىس­تارىمىزدى باياندى ەتۋ, ءسويتىپ, ەل­دىڭ  ەكونو­مي­كالىق پوزي­تسياسىن نى­عايتۋ باعى­تىن­دا الداعى ون­جىل­دىققا جاڭا مىندەتتەر جۇك­تەلەتىن شىعار دەپ وي­لايمىن. ويتكەنى, ءبىزدىڭ ەلىمىز قازىر الىس پەرسپەكتيۆاداعى جاڭا جوبا­لاردى يگەرۋگە ماشىقتانىپ كەلەدى. مۇنىڭ ءوزى ەكونوميكانىڭ تۇراقتانۋىنا بەرىك ىرگەتاس بو­لارى ءسوزسىز. سونىمەن بىرگە, حالقىمىزدى ءبىر ماقساتتاعى ىسكە جۇمىلدىرۋعا وڭ ىقپال ەتەتىن بولادى.

جابال ەرعاليەۆ, سەناتور.

_______________________

قازاقستاندىقتاردى توپتاستىرۋشى پارتيا

«نۇر وتان» حالىقتىق-دەموكراتيالىق پارتياسىنىڭ اتاۋىنىڭ وزىندە سايلاۋشى­لار­عا دەگەن جاقىندىق جا­تىر. جالپى حالىقتى توپ­تاس­تىرۋشى پارتيا دەۋگە ابدەن بولادى. ويتكەنى, مۇندا قو­عامنىڭ بارلىق تاپ وكىلدەرى شو­عىرلانعان. پارتيا سەزىندە الداعى باعىت-مىندەتتەردى بەلگىلەپ, ەلىمىزدىڭ دامۋىن العا قاراي جىلجىتاتىن باسىمدىقتار قا­را­لادى دەپ ەسەپتەيمىن.

وسى ورايدا الداعى وتەتىن پار­لامەنت ءماجىلىسى مەن ءماسلي­حات­تار سايلاۋى دەموكراتيالىق جاعدايدا ورىن الارىنا ەش كۇ­مان جوق. ونىڭ باستى سەبەبى, جو­عارعى زاڭ شىعارۋشى ورگاننىڭ تومەنگى پالاتاسى كوپ پارتيالى بولسىن دەگەن تا­لاپقا ساي  سول ورىن­دارعا تالاسا­تىن ساياسي كۇشتەر دە قاراپ قال­ماي­تىن سياق­تى. ولاي بولسا جاريا­لى­لىق ورىن الادى دەگەن ءسوز. ءار پارتيا ءوزىنىڭ العا قوي­عان مىندەتتەرىن جاريالاي وتىرىپ, اشىق كۇ­رە­سەتىن بولادى.

قازاقستان ۇدە­مەلى يندۋس­تريا­لىق-يننوۆاتسيا­لىق باع­دار­لاما­نى جۇزەگە اسى­را وتى­رىپ, ەكو­نوميكادا اي­تار­لىقتاي تابىستى قادامدار جاساۋدا. مى­سالى, يساتاي اۋدا­نىن­دا كوپ­تەگەن ماسە­لە­لەر شەشىمىن تابۋدا. اۋداندا 25 800 تۇرعىن بولسا, سونىڭ 12 مىڭى بەلسەندى ءومىر كەشۋدە. جۇمىسسىزدىق 4,9 پايىزعا دەيىن تومەندەگەن. رەسپۋبليكا بويىنشا بۇل وتە جاقسى كورسەتكىش.

توقبەرگەن قاراباەۆ, اتىراۋ وبلىسىنداعى يساتاي اۋدانىنىڭ اكىمى.

___________________________________________________________

الداعى جيىننان كوپ نارسە كۇتەمىن

مەن  كەزەكتەن تىس وتەتىن سەزدەن كوپ نارسە كۇتەمىن. مەنىڭ ەستۋىمشە, پارتيا وتىرىسىندا الداعى بەس جىل­عا ارنالعان ساياسي تۇعىرناما قا­بىلدانۋى ءتيىس. پارتيانىڭ الدىنداعى ساي­لاۋ­الدى تۇعىرناماسىندا كورسەتىلگەن ءمىن­دەت­تەردىڭ بارلىعى دا ورىندالعانى بەلگىلى, ولاي بولسا, جاڭا قۇجاتتا دا ماڭىزدى قادامدار جاسالا ما دەگەن ءۇمىت بار. ويتكەنى, الدىن-الا جاسالعان جوبا­لىق قۇجاتتا ەلدىڭ الەۋمەتتىك-تۇر­مىستىق جاعدايىن ايتارلىقتاي جاق­سارتاتىن ۇستانىمدار كورىنىس تاپ­قان-تىن. سوندىقتان دا ساي­لاۋشىلار «نۇر وتان» حدپ تارا­پىنان ۇلكەن جەتىستىكتەرگە باستاي­تىن جاڭا باستامالار مەن مىندەتتەر كۇتەدى. ءبىز سول ۇدەدەن شىعۋعا بارىمىزدى سالاتىن بولامىز.

پارتيانىڭ ورتالىق اپپاراتىنان باستاپ, وڭىرلەردەگى باستاۋىش پارتيا ۇيىمدارىنا دەيىن سايلاۋعا تاس ءتۇيىن دايىن. پوستكەڭەستىك كەڭىستىكتە كوپتەگەن ەلدەر قازاقستاننىڭ قول جەتكىزگەن جەتىستىكتەرىنە قىزىعا دا قىزعانا قاراپ وتىر دەسەم, ارتىق ايتقاندىق ەمەس. پاۆلودار وبلىسى ءوندىرىستى ولكە سانالعان­دىقتان, جىل سايىن كوپتەگەن نىساندار سالىنۋدا. سونىڭ ناتيجەسىندە جىل سايىن 5-6 مىڭعا تارتا جاڭا جۇمىس ورىندارى اشىلۋدا. بۇل – ۇلكەن جەتىستىك.

ۆلاديمير بەركوۆسكي, پاۆلودار وبلىستىق ەڭبەكپەن قامتۋ جانە الەۋمەتتىك  باعدارلامالار باسقارماسىنىڭ باستىعى.

------------------------------------------

سۋرەتتەردى تۇسىرگەن ورىنباي بالمۇرات.