ويتكەنى ەلىمىزدەگى ەڭبەك قاۋىپسىزدىگىنە جاسالعان تالداۋ بويىنشا جىل سايىن 2 مىڭعا جۋىق ادام وندىرىستىك جاراقات الىپ, 200-دەن استام ادام قازا بولادى. وسى ورايدا قازاقستان كاسىپوداقتار فەدەرتسياسىنىڭ توراعاسى باقىتجان ءابدىرايىم وندىرىستىك كەڭەستەردىڭ جۇمىسىن باقىلاۋ كۇشەيتىلىپ جاتقانىن اتاپ ءوتتى. 2016 جىلى بەكىتىلگەن جاڭا ەڭبەك كودەكسىندە ەڭبەك قاۋىپسىزدىگىن ساقتاۋ ماقساتىنداعى قۇرال رەتىندە العاش رەت ەڭبەكتى قورعاۋ جونىندەگى وندىرىستىك كەڭەستەر ەنگىزىلدى. بۇل زاڭناما بويىنشا وڭدىرىستىك كەڭەستىڭ شەشىمى جۇمىس بەرۋشىلەر ءۇشىن مىندەتتى جانە ونى ورىنداماعان جۇمىس بەرۋشىلەر جاۋاپقا تارتىلادى. ءبىز وندىرىستىك كەڭەستەرگە جاڭا قارقىن بەرۋىمىز ءتيىس. سوندىقتان بۇگىندە جەرگىلىكتى باستاۋىش جانە سالالىق كاسىپوداقتارعا كوپ كوڭىل ءبولىنىپ وتىر, دەدى ب.ءابدىرايىم.
«لوكوموتيۆ قۇراستىرۋ زاۋىتى» بۇگىنگە دەيىن 300-دەن اسا تەپلوۆوز جاساپ, قازاقستان مەن تمد ەلدەرىندەگى لوكوموتيۆ پاركتەرىنىڭ جاڭارۋىنا ۇلكەن ۇلەس قوستى. زاۋىتتىڭ كاسىپوداق كوميتەتىنىڭ توراعاسى نۇرلىبەك جۇماشتىڭ ايتۋىنشا, كاسىپورىنداعى وندىرىستىك كەڭەس ەكى جىلدان بەرى جۇمىس ىستەيدى جانە ءىس جۇزىندە ەڭبەك قاۋىپسىزدىگىن باقىلاۋدىڭ كەپىلىنە اينالدى. كاسىپورىن ەلباسىنىڭ قاتىسۋىمەن 2009 جىلدىڭ شىلدە ايىندا اشىلعاننان بەرى كاسىپوداق ۇيىمى دا جۇمىسشىلار مۇددەسىن قورعاپ كەلەدى. زاۋىتتا ەڭبەك ەتەتىن 600 ادامنىڭ 99 پايىزى كاسىپوداق ۇيىمىنا مۇشە. جۋىردا 2018-2020 جىلدارعا ارنالعان ۇجىمدىق شارتقا زاۋىت باسشىلىعى مەن سالالىق كاسىپوداق ۇيىمى اراسىندا قول قويىلدى. 2015 جىلى ەڭبەك جانە الەۋمەتتىك قورعاۋ مينيسترلىگىنىڭ «ەڭ ۇزدىك ۇجىمدىق شارت» اتالىمى بويىنشا ماراپاتتالعان كاسىپورىنداعى كاسىپوداق ۇيىمىنىڭ مۇشەلەرى سول دەڭگەيدەن تومەندەمەۋ باستى ماقسات ەكەنىن ايتادى.
قازىرگى كەزدە قازاقستاندا 12 مىڭ ءوندىرىس كەڭەس قۇرىلسا, ونىڭ ىشىندە 581 ءوندىرىس كەڭەس قانا شىنايى سەكتورداعى كاسىپورىنداردا قىزمەت ەتەتىنىن ايتا كەتكەن ءلازىم.
دۋمان اناش,
«ەگەمەن قازاقستان»
