پارتيانىڭ جاڭا بەلەستەرى

«نۇر وتان» پارتياسىنىڭ ورتالىق اپ­پا­راتىندا پارتيا توراعاسىنىڭ ءبىرىنشى ورىن­باسارى نۇرلان نىعماتۋلين جەردىڭ وڭتۇستىك پوليۋسىنە العاشقى قازاقستاندىق ەكسپەديتسيا­نىڭ باستالۋىنا بايلانىستى توپ مۇشەلەرىمەن كەزدەستى. ايتۋلى وقيعانىڭ ەل تاۋەل­سىزدىگىنىڭ 20 جىلدىعىمەن وراي­لا­سۋىنىڭ دا وزىندىك ءمانى بار. ەلباسى, پارتيا توراعاسى نۇر­سۇلتان نازارباەۆتىڭ باسشى­لى­عى­مەن قازاقستان وسى جىلدار ىشىندە زور جەتىستىكتەرگە قول جەتكىزىپ, قارقىندى دامىپ كەلە جات­قان ەلدەر قاتارىنا كىردى, دەپ اتاپ ءوتتى كەزدەسۋدە ءسوز العان پارتيا توراعاسىنىڭ ءبىرىنشى ورىن­باسارى. پارتيا مەملەكەت بەدەلىن كوتەرەتىن سالماقتى جوبالاردى ءار­قاشاندا قولداپ كەلەدى. سون­دىق­تان, ەكسپەديتسيا قۇرامىنا ءوز وكىلىن – «نۇر مەديا» اقپاراتتىق حولدينگىنىڭ جەتەكشىسى قايسار جاناحانوۆتى قوسۋ ارقىلى وسى جوباعا تىكەلەي قاتىسىپ وتىر. توپ جولساپارىن «نوۆولازارەۆسكايا» ستانساسىنان باستاپ, ءتاۋ­ەلسىزدىك كۇنى وڭتۇستىك پوليۋسكە جەتەدى. ءدال ايتۋلى كۇن قار­ساڭىندا انتراكتيدادا قازاقستان تۋى جەلبىرەيتىن بولادى. قازاق گەوگرافيا قوعامى كومانداسىنىڭ قۇرامىنا زەرتتەۋشىلەر دە قو­سىلدى. عالىمدار انتراكتيدادا ورنالاسقان پوليارلىق ستانسالاردا بولىپ, اق قۇرلىقتىڭ تابيعات­تىق, كليماتتىق, ەكولوگيالىق كورسەتكىشتەرى تۋرالى اقپاراتتار جيناماق. بۇل ساپار تەك عىلىمي جاعى­نان ماڭىزدى بولىپ قانا قويماي, ەلىمىزدىڭ بۇكىل الەم الدىنداعى ابىرويىن ارتتىرۋدا دا ەرەكشە ءرول اتقارادى. جوبا باستاما­شى­لارى – «نۇر وتان» پارتياسى مەن قازاق گەوگرافيا قوعامى وكىلدەرى وسى ارقىلى قازاقستاندىقتار­دىڭ, اسىرەسە, جاستاردىڭ تۋعان ەلىنىڭ جەڭىسىنە دەگەن ماقتانىش سەزىمىن تۋعىزۋدى كوزدەيدى. ەلباسى, پارتيا توراعاسى نۇر­سۇلتان نازارباەۆتىڭ اتاپ ءوت­كەنىندەي, پاتريوتيزم – ءاربىر قا­زاقستاندىقتىڭ تابىسقا جەتۋ ابى­رويى جانە ءوز مايدا­نىندا قانداي جاعدايدا بولما­سىن بيىكتى باعىندىرۋعا دەگەن تالپىنىسى. جانە ءاربىر ازامات ءوزىنىڭ وسى جەتىستىگىن وتانىنىڭ اتىن شى­عارۋ­عا, ونىڭ الەم ال­دىن­داعى بەدەلىن كوتەرۋگە ار­ناۋعا ءتيىس. كەزدەسۋدى اياقتاي كەلە نۇرلان نىعماتۋلين ەكسپەديتسياعا جەردىڭ وڭتۇستىك پوليۋسىنە ىلىنەتىن «نۇر وتان» پارتياسىنىڭ تۋىن تابىس ەتتى. «ەگەمەن-اقپارات».