سونىدان سالىنعان سوقپاق

تاياۋدا قازاقستان جازۋشىلار وداعىنىڭ ادەبيەتشىلەر ۇيىندە ولەڭ كوشىندە وزىندىك قولتاڭباسى بار بەلگىلى اقىن بيعايشا مەدەۋوۆانىڭ ەل تاۋەلسىزدىگىنىڭ 20 جىلدىعىنا ارنالعان «اق بوز اتتى ارۋلار» اتتى جىر كەشى بولىپ ءوتتى. اتالعان جيىندى كىرىسپە ءسوز سويلەپ اشىپ بەرگەن جازۋشىلار وداعى توراعاسىنىڭ ورىنباسارى, حالىقارالىق «الاش» سىيلىعى­نىڭ لاۋرەاتى, عالىم جايلىباي بيعايشا مەدەۋوۆانىڭ شىعار­ما­­شى­لىعىن كوپتەن بىلەتىندىگىن ءجا­نە ونىڭ ولەڭدەرى مەن پوەما­لا­رىنىڭ شىنايىلىق شىمىر­لى­عىمەن ءارى تاربيەلىك تاعى­لىمى­مەن تارتىپ تۇراتىندىعىن جىر­سۇيەر قاۋىمنىڭ الدىندا جىلى سەزىممەن بايادادى. شىندىعىندا دا, وتكەن عا­سىر­دىڭ الپىسىنشى جىلدارى­نىڭ اياعىندا ولەڭ ولكەسىنە كەلگەن بيعايشانىڭ ورلەۋ مەن ءوسۋ بەلەستەرىندە ەكەنىن ونىڭ وقىر­مان­دارى ورىندى ماقتانىش تۇتادى. ول اقىن بولۋىمەن قاتار ۇس­تاز­دىقتان تاجىريبەسى مول تاريح­شى. رايىمبەك, تالعار, ىلە اۋدان­دا­رىندا پەداگوگتىك قىزمەت اتقار­دى. ەڭبەگى دە جەمىسسىز ەمەس. «قر ءبىلىم بەرۋ ءىسىنىڭ ۇزدىگى», «ىبى­راي التىنسارين» اتىن­دا­عى مە­دال­دىڭ يەگەرى. شىعارماشىلىق باستاۋىندا الدى­مەن ايتىس ونەرىنە ۇلەس قوسىپ, سودان كەيىن ەلەۋگە تۇرار­لىق ءۇش جيناق اۆتورى اتانعان بي­عايشانىڭ بۇل جىر كەشىنىڭ ما­ڭىز­­دىلىعى مەن مازمۇندى­لىعى جي­نال­عاندارعا قوشە­مەت­پەن قول سوقتىرىپ وتىردى. ونىڭ تاۋەل­سىز­دىگىمىزدىڭ 20 جىلدىعىنا ار­نال­عان تىڭ تۋ­ىندىلارىن مۋ­زى­كالىق كومپوزيتسيامەن ايشىق­تاپ, شالقار شابىتپەن وقۋى تىڭ­دارمان­دا­رىنا ايرىقشا اسەر قال­دىردى. سول سياقتى اقىننىڭ «قاز­اقپارات» باسپا­سىنان جا­قىن­دا عانا جارىققا شىق­قان «اق بوز اتتى ارۋلار» اتتى جىر كىتا­بى­نىڭ تۇساۋكەسەر ءراسىمى دە نازاردان تىس قالعان جوق. بيعاي­شاعا جازۋشىلار وداعى تارا­پىنان كورسەتىلگەن سىي-قۇر­مەتكە كورەر­مەن كوپشىلىك اسقان ريزا­شىلىق­تارىن ءبىلدىردى. جينالعاندار اقىننىڭ «ءتا­ۋەل­سىزدىك تولعاۋى», «ايشا ءبيبى, ساعان كەلە جاتىرمىن», «ۇلكەن تۇركىستان», تاعى باسقا پوەما­لا­رى مەن كوپتەگەن ولەڭ­دەرىن وقى­عان ب.مەدەۋوۆاعا ءسات­تىلىك تىلەدى. مۇن­دا ت.جۇرگەنوۆ اتىنداعى ونەر اكادەميا­سى­نىڭ, ءال-فارابي اتىنداعى قا­زاق ۇلتتىق ۋنيۆەر­سيتەتىنىڭ ستۋ­دەنتتەرى مەن ال­ماتى قالا­سىنداعى مۇقاعالي ماقاتاەۆ اتىنداعى مەكتەپ ءشا­كىرتتەرى اقىن كەشىنىڭ ويداعىداي وتۋىنە بار قابىلەت-قارىمدارىن جۇم­سادى. سون­داي-اق, وسى جىر كەشىندە ءسوز العان تالعار اۋدا­نىنىڭ قۇرمەتتى ازاماتى, ەڭبەك ارداگەرى مۇحتار ءالىموۆ, اقىن ايتاقىن ابدىقال سياقتى اعا­لار وعان جىر جولىندا بۇدان دا جوعارى جەتىستىكتەرگە جەتۋىنە تىلەكتەستىكتەرىن ءبىلدىردى. قانات تاكەباەۆ. الماتى.