فورۋمعا ءبىلىم جانە عىلىم مينيسترلىگى وكىلدەرى, اكادەميا مۇشەلەرى – قازاقستاندىق جاس پاتريوتتار, بەيبىت كۇننىڭ باتىرلارى اتانعان مەكتەپ وقۋشىلارى, پاتريوتتىق تاربيە بويىنشا «مەن – ءوز ەلىمنىڭ ازاماتىمىن!» اتتى رەسپۋبليكالىق بايقاۋدىڭ جەڭىمپازدارى, قازاقستان رەسپۋبليكاسى پارلامەنتىنىڭ دەپۋتاتتارى, قوعام قايراتكەرلەرى, دەلەگاتسيا جەتەكشىلەرى, «رۋحاني جاڭعىرۋ» باعدارلاماسىنىڭ ايماقتارداعى مەنەدجەرلەرى قاتىسادى.
ۇيىمداستىرۋشىلاردىڭ سوزىنشە شارانىڭ اشىلۋ سالتاناتىنان سوڭ «پاتريوتتىق تاربيە: رۋحاني جاڭارۋ اياسىندا. قازاقستاندىق جاس پاتريوتتار اكادەمياسىنىڭ كەلەشەكتەگى جۇمىس جوسپارى» تاقىرىبىنداعى ءباسپاسوز كونفەرەنتسياسى بولادى.
«سوڭعى ەكى جىل ىشىندە «بالداۋرەن» رەسپۋبليكالىق وقۋ-ساۋىقتىرۋ ورتالىعىندا مەكتەپ وقۋشىلارىنا ءتيىمدى پاتريوتتىق تاربيە بەرۋدە قازاقستاندىق جاس پاتريوتتار اكادەمياسىنىڭ جۇمىسىن ۇيىمداستىرۋدا ماقساتتى باعىتتالعان جۇمىستار اتقارىلۋدا. وسى ۋاقىت ارالىعىندا 1500 وقۋشى اكادەميانىڭ مۇشەلىگىنە قابىلداندى», - دەدى ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم بەرۋ دەپارتامەنتى ديرەكتورىنىڭ ورىنباسارى زەينەپ ماقسۇتوۆا.
رەسپۋبليكالىق پاتريوتتار فورۋمى اياسىندا پلەنارالىق وتىرىستار, «ماعىنالار الاڭى» ۇرپاقتار جالعاستىعىنىڭ اشىق سۇحباتى, پاتريوتتىق تاربيە بويىنشا «يننوۆاتسيالىق ويلار بانكىن» قۇرۋ, «باقىتتى بولىپ جۇرگەنىم – سەنىڭ ارقاڭ, ۇلى وتان!» اتتى توپتىق جۇمىس تۇرلەرى, «قازاقستان حالقىنىڭ ۇلتتىق ويىندارى» سپورتتىق ترەناجەر, ء«بىزدىڭ كۇشىمىز – بىرلىكتە!» مۋزىكالىق بي باعدارلاماسى سياقتى جانە تاعى دا باسقا ءىس-شارالار ۇيىمداستىرىلادى.
راۋان قايدار,
«ەگەمەن قازاقستان».
