جوبانى جۇزەگە اسىرۋشىلاردىڭ قاتارىندا ارداقتى انالار, قوعامدىق جۇرتشىلىقتىڭ وكىلدەرى, ىسكەر جانە تابىستى ايەلدەر ەنگىزىلگەن. سونداي-اق باستاماشى توپتىڭ باسى-قاسىندا اقتوبە وبلىسىنىڭ قۇرمەتتى ازاماتى, ەسىمى ەلگە ەلەۋلى جان, اقتوبە وبلىستىق ءماسليحاتىنىڭ حاتشىسى سانيا قالدىعۇلوۆا بار ەكەنىن دە ايتا كەتكەن ءجون.
مىنە, وسىنداي قۇرامداعى باستاماشى توپتىڭ وكىلدەرى بۇگىنگى كۇندەرى وزدەرى باستاعان ايىرىقشا جوبانىڭ تۇجىرىمداماسىن جاساپ شىقتى. قازىرگى كەزدە وسىناۋ باعا جەتپەس قۇجات وبلىس اكىمدىگى تاراپىنان قولداۋ تاۋىپ وتىر. ونىڭ باستى رۋحاني قۇندىلىعى ءارى وزگە جوبالاردان ەرەكشەلىگى مەن ارتىقشىلىعى انا دەگەن ارداقتى اتقا باس يۋگە ۇندەي بىلۋىندە. ەسىمدەرى ەلگە كەڭىنەن تانىمال ايەل-انالارعا شەكسىز قۇرمەت كورسەتۋدى قاستەر تۇتۋىندا.
«سونداي-اق بۇل كەشەننىڭ باستى رۋحاني قۇندىلىعىنىڭ ءبىرى - ەكسپوزيتسيالىق زال. وعان كەلۋشىلەر بوپاي حانىم, نۇرسۇلۋ تاپالوۆا, روزا جامانوۆا, ءاليا مولداعۇلوۆا, اققاعاز دوسجانوۆا سىندى حالقىمىزدىڭ داڭقتى قىزدارىنىڭ ءومىر جولدارى مەن جانە قازاقستان تاريحىندا ايرىقشا ورنى بار وزگە دە ايەل زاتىنان جاراتىلعان تۇلعالاردىڭ ءومىرى مەن جانە ەرلىك جولدارىمەن جاقىنىراق تانىسادى الادى», دەدى سانيا قالدىعۇلوۆا.
بۇل كەشەندە پسيحولوگيالىق جەڭىلدەتۋ جانە كەڭەس بەرۋ, قولدانبالى ونەر, جالپى دامىتۋ مۋزىكالىق تاربيە بەرۋ, ستيليستيكا جانە ديزاين وتباسىلىق دامىتۋ جاتتىعۋلارى كابينەتتەرى جۇمىس جاساماق. ورتالىقتاعى اتقارىلاتىن تاعى ءبىر باستى قىزمەتتىڭ ءبىرى ايەلدەردىڭ وتباسىنداعى ءرولىن اتتىرۋ, بولاشاق انالارعا حالقىمىزدىڭ ەجەلگى سالت-داستۇرلەرىنە ساي تاربيە بەرۋ بولىپ وتىر.
سونىمەن بىرگە, بيىل اقتوبە وبلىسىندا «باقىتتى بالالىق شاق» اتتى اۋقىمدى باعدارلامالىق جوبانى جۇزەگە اسىرۋ بەلگىلەنگەن. بۇل جوبا وبلىستا بارلىق جاقسىلىقتى بالالارعا تۋعىزۋعا باعىتتالعان. جوعارىدا اتالعانداي «انالارعا تاعزىم» ورتالىعىنىڭ قۇرىلىسى وسى جۇمىستىڭ جەتەكشى باعىتتارىنىڭ ءبىرى. جالپى ونىڭ قىزمەتى مەملەكەت باسشىسىنىڭ «رۋحاني جاڭعىرۋ» باعدارلاماسىن ىسكە اسىرۋ اياسىندا جاستاردى بيىك ادامگەرشىلىك قاسيەتتەرگە تاربيەلەۋ ارقىلى الەۋمەتتىك ماسەلەلەردىڭ شەشىمىن تابۋدى كوزدەيدى.
تەمىر قۇسايىن
اقتوبە وبلىسى
