قازىرگى كەزدە وتباسى قۇندىلىقتارىن نىعايتۋ جانە دەموگرافيالىق ساياسات ماسەلەلەرىن تەرەڭدەتۋ ءىسىنىڭ ءمانى مەن ماڭىزى جوعارى. سونىمەن بىرگە بۇگىنگى كۇنى وتباسىن قۇرعان جاستار اراسىندا اجىراسۋ دەرەكتەرىنىڭ كوپتىگى دە الاڭداتپاي قويمايدى. مۇنداي تەرىس دەمورافيالىق كورىنىستىڭ الدىن الۋ ماسەلەلەرى دە قوعامدىق جۇرتشىلىقتى ويلاندىرۋعا ءتيىس. ايتالىق, وتكەن جىلى اقتوبە وبلىسىندا جەتى مىڭعا جۋىق جۇپ وتباسىن قۇرسا, سونىڭ 2600-دەن استامى اجىراسىپ ۇلگەرگەن.
"ەرلى-زايىپتىلار ءوزارا كەلىسىم مەن ورتاق تۇسىنىستىككە كەلە الماي, ەكى جاققا كەتكەندە ەڭ الدىمەن بالالار جازىقسىز جاپا شەگەدى. بۇل جايت ءوز كەزەگىندە وتباسى پروبلەمالارى مەن تۇيىندەرىن ءبىر جۇيە مەن ىزگە كەلتىرۋگە سەپتىگىن تيگىزە الاتىن ارناۋلى ورتالىقتىڭ قاجەت ەكەنىن كورسەتەدى. سوندىقتان دا بيىل وڭىردە «وتباسى اكادەمياسى» جوباسى جۇزەگە اسۋدا. ونىڭ قىزمەتىنە ءبىرىنشى كەزەكتە پسيحولوگ ماماندار مەن مەدياتورلاردى مەيلىنشەك كوبىرەك تارتۋ كوزدەلگەن", دەدى اقتوبە وبلىسى اكىمىنىڭ ورىنباسارى ەربول نۇرعاليەۆ.
ونىڭ مالىمدەۋىنشە بۇعان ءار ءتۇرلى تۇسىنبەۋشىلىكتەر مەن كەلەڭسىز جاعدايدارعا تاپ بولعان ەرلى-زايىپتىلار عانا ەمەس, سونىمەن بىرگە ۇيلەنۋدى نەمەسە تۇرمىس قۇرۋدى ويلاستىرىپ جۇرگەن بولاشاق شاڭىراق يەلەرى دە تارتىلماق.
بولاشاق اتا-انالار مەكتەبى دە اتالعان «وتباسى اكادەمياسى» جوباسى اياسىندا جۇمىس ىستەمەك.
تەمىر قۇسايىن
اقتوبە وبلىسى
