وڭتۇستىك كورەياداعى قىسقى وليمپيا ويىندارىنا قاتىسىپ جاتقان قازاقستاندىق سپورتشىلارعا قولداۋ كورسەتۋ ماقساتىندا شاڭعىدان اۋداندىق جارىس ۇيىمداستىرىلدى. وعان 145 مەكتەپ وقۋشىسى قاتىستى. شاراعا اۋدان اكىمى باستاعان ءبىر توپ باسشىلار دا قولداۋ كورسەتىپ, جارىس الاڭىنا شىقتى.
– قىسقى سپورت تۇرلەرىنە ءبىراز ۋاقىت كوڭىل بولىنبەدى. وسى ولقىلىقتىڭ ورنىن تولتىرۋ ءۇشىن بارلىق مەكتەپتەرگە شاڭعى, كونكي الىندى. قازىر ءار مەكتەپتىڭ ءوز كومانداسى بار, – دەيدى اۋدان اكىمى سەرىك ارىستان.
بالالاردىڭ بوس ۋاقىتتارىن ءتيىمدى وتكىزىپ, شىڭدالىپ ءوسۋى ءۇشىن مۇنداي جارىستاردىڭ ماڭىزى زور. يندەرلىك وقۋشىلار ايماقتىق سايىستارعا دا قاتىسىپ, جۇلدەلى ورىندار يەلەنىپ ءجۇر. ەندى ودان دا جوعارى كورسەتكىشتەرگە قول جەتكىزەتىندەرىنە سەنىمدى.
باقىتگۇل باباش,
«ەگەمەن قازاقستان»
اتىراۋ
