قورىتىندى جاسالىپ, مىندەتتەر قابىلداندى

جەتىگەندە قورعانىس ءمينيسترى ادىلبەك جاقسىبەكوۆتىڭ قاتى­سۋىمەن قازاقستان رەسپۋبليكاسى قارۋلى كۇشتەرى اۋە قور­عا­نىسى كۇشتەرى باسشىلىق قۇرامىنىڭ ۇيىمداستىرۋ-ءادىس­تەمەلىك جيىنى ءوتتى. قر قك اۋە قورعانىسى كۇشتە­رىنىڭ باس قولباسشىسى گەنەرال-لەيتەنانت الەكساندر سو­رو­كيننىڭ جەتەكشىلىك ەتۋىمەن باسشىلىق قۇرام اۋە شابۋى­لى­نا قارسى جانە جەردەگى سترا­تەگيالىق نىساندار­دى قاناتتى راكەتالاردان قورعاۋ­دىڭ ادىستە­مە­لەرىن, سونداي-اق وعان ءازىر­لىكتى جەتىلدىرۋدىڭ نەگىزگى باعىت­تارىن قاراستىردى. جيىن بارى­سىندا باسشىلىق قۇرام لەك­تسيا­لىق ساباقتارعا قاتىسىپ, ءادىس­تەمەلىك شارالاردى جۇزەگە اسىر­دى جانە وزدەرى ەسەپ بەردى. ۇشاقجايدا قورعانىس ۆەدوم­ستۆو­سىنىڭ باسشىسى جۋىردا قا­زاقستاننىڭ ۇلتتىق قۇراماسى ساپىندا فۋيانگ قالاسىندا (قحر) وتكەن ازيا مەن وكەانيانىڭ XIV حالىقارالىق, سونداي-اق قىتاي­دىڭ اشىق ينتەرناتسيونالدىق چەمپيوناتىنا قاتىسىپ قايتقان قازاقستان رەسپۋبليكاسى قارۋلى كۇشتەرى اۋە قورعانىسى كۇشتە­رىنىڭ پاراشيۋتشىلەردى دايىنداۋ ورتالىعىنىڭ سپورتشىلارىمەن كەزدەستى. ءبىزدىڭ سپورتشىلار ەكى كۋبوك پەن 10 التىن مەدالعا قول جەتكىزگەن بولاتىن. قورعانىس ۆەدومستۆوسىنىڭ باس­شىسى اۋە شابۋىلىنا قارسى اسكەرلەر بولىمدەرىنىڭ اۋە شابۋى­لىنا قارسى ۇرىستار جۇرگىزۋىن, قاناتتى راكەتالارعا توسقاۋىل قويۋىن, جويۋشى اۆياتسيانىڭ جا­ۋىنگەرلىك قيمىلدارىن, سونداي-اق ستراتەگيالىق نىسانداردى با­سىپ الاتىن ديۆەرسيالىق توپتى ترانسپورتتىق ۇشاقتان ءتۇسىرۋ ادىستەرى مەن تاسىلدەرىن باقىلادى. ادىلبەك جاقسىبەكوۆ اۋە قورعا­نىسى كۇشتەرىنىڭ قارۋ-جا­راعى مەن اسكەري تەحنيكاسىنىڭ, اسىرەسە, اۆياتسيالىق تەحنيكا­نىڭ, اۋە شابۋىلىنا قارسى كۇ­رەس اسكەرلەرى تەحنيكاسىنىڭ, بايلا­نىس جانە راديوتەحني­كا­لىق قام­تا­ماسىز ەتۋ اسكەر­لە­رىنىڭ قىسقى جاعدايعا ءازىر­لىگىنىڭ دە ەرەكشەلىكتەرىن نازاردان تىس قالدىرعان جوق. شارانىڭ سو­ڭىندا 2011 جىلعا قورىتىندى جاسالىپ, 2012 جىلعا مىندەتتەر قابىلداندى. وكسانا پارپۋرا, قورعانىس مينيسترلىگى ءباسپاسوز قىزمەتىنىڭ وكىلى. سۋرەتتى تۇسىرگەن ەرمەك سارباسوۆ.