تاۋەلسىزدىك تويىنا تارتۋىمىز

قازاق ءباسپاسوزىنىڭ قاراشاڭىرا­عى «ەگەمەن قازاقستان» گازەتىن بىلمەيتىن كوزى قاراقتى وقىرمان جوق دە­سەم, جاڭساقتىق بولا قويماس. عا­سىر­عا جۋىق تاريحى بار وسى اعا با­سىلىمدى مەنىڭ دە سەرىك ەتىپ كەلە جات­قانىما ۇزاق جىلدار بولدى. سال­ماقتى باسىلىم­داعى سالماعى باسىم دۇنيەلەردى, ءاسى­رەسە, ورتا جاستى ال­قىمداعان ءبىزدىڭ بۋىننىڭ ءسۇيىپ وقيتىنىنا ەش ءشۇبا كەلتىرمەيمىن. قاي كەزدە دە حالىقتىڭ جوعىن جوقتاپ, مۇڭىن مۇڭدايتىن ىرگەلى با­سى­لىمنىڭ بولاشاعى جارقىن بو­لارىنا ءۇمىت زور. وسىدان ەكى-ءۇش جىل بۇرىن الاش ارىستارى ىرگەتاسىن قالاعان بۇل گازەتتىڭ توقسان جىلدىق تورقالى تويىنا ەلباسى ن.ءا.نازارباەۆتىڭ ارنايى كەلۋى اتا باسىلىمعا دەگەن قۇرمەتتىڭ بەلگىسى بولدى. سونداي-اق ونىڭ تارالىمىنىڭ جىل ساناپ ارتىپ كەلە جاتقاندىعى دا وعان دەگەن وقىرمانداردىڭ ىستىق ىقىلاسىنىڭ ارتا تۇسكەنىن بىلدىرسە كەرەك. ارينە, بۇل رەتتە گازەت باسشىلىعى مەن ونداعى جۋرناليستەردىڭ ەرەن ەڭبەكتەرىن دە ايتپاي كەتۋگە بولمايدى. ولاردىڭ كۇندىز-ءتۇنى وقىرماندار ءۇشىن يگى جۇمىستار جاساپ جاتقان­دى­عىنىڭ ارقاسىندا گازەت تارالى­مى­نىڭ وسە تۇسكەندىگى تىكەلەي ەڭبەككە بايلا­نىستى ەكەنىن ايتقان ابزال. مەن مۇنى كاسىپكەر رەتىندە, ەڭبەكتىڭ قادىرىن ءبىر كىسىدەي تۇسىنەتىن جان رەتىندە ايتىپ وتىرمىن. بۇگىندە وقىرماندارىن ەلدىڭ تىنىس- تىرشىلىگىمەن, سونداي-اق ايىنا ءبىر رەت جارىق كورەتىن تانىمعا تولى «ەتجەڭدى ەگەمەنىمەن» قاۋىشتىرىپ وتىرعان گازەت تارالىمىنىڭ كوبەيە بەرۋىنە نيەتتەستىگىمدى ءبىلدىرىپ, ەل گازەتىنە ەلىمىز تاۋەلسىزدىگىنىڭ 20 جىل­دىق مەرەكەسى قۇرمەتىنە ۇجىمىمىز­داعى ەلۋ قىزمەتكەردىڭ كەلەر جىلعا جازىلىپ, بەلسەندىلىك تانىتقانىن ايتقىم كەلەدى. بۇل كورسەتكىش الداعى ۋاقىتتا دا ءوز جالعاسىن تابا بەرەدى دەگەن سەنىمدەمىن. ۇمبەت جۇسىپباەۆ, «ياسسى» كونسورتسيۋمىنىڭ توراعاسى, قالالىق ءماسليحات دەپۋتاتى. وڭتۇستىك قازاقستان وبلىسى, تۇركىستان قالاسى.