قار استىنان كۇنباعىس ورۋدا

ماسساعان!

باتىس قازاقستان وبلىسىندا وسىمدىك مايىن شىعاراتىن زاۋىت جۇمىس جاسايدى. ەندەشە, ونى قا­جەتتى شيكىزاتپەن قامتۋ ءبىرىنشى كەزەكتەگى ءىس بولىپ قالا بەرمەك. وسى ماقساتتا بيىل 80 مىڭ گەك­­تارعا جۋىق القاپقا كۇنباعىس دا­قىلى ەگىلگەن ەدى. الايدا سوڭعى ءما­لىمەتتەر 5830 گەكتار القاپتىڭ داقىلى قار استىندا قالىپ قويعا­نىن ايعاقتايدى. ونىڭ دەنى زەلەنوۆ اۋدانىنىڭ ەنشىسىنە تيەدى. بۇگىندە وسى اۋدانعا قاراستى «ءجار­دەم» شارۋا قوجالىعىندا قار­با­­لاس جۇ­مىس ءجۇرىپ جاتىر. ولاردىڭ ماقسا­تى قار استىندا قالعان كۇن­با­عىس­تى جي­­ناپ الۋ. ءبىز جاۋىن-شا­شىن­دا, اۋا رايىنىڭ باسقا دا قولايسىز كەزەڭ­دە­رىندە ەگىس ورىپ كوردىك. بىراق اق قاردا كۇنباعىس ورۋعا العاش رەت ءتۇسۋىمىز. «قالاۋىن تاپسا, قار جانار» دەگەندەي, ونىڭ دا ورايىن كەلتىرۋگە ۇمتىلۋ­دا­مىز, دەيدى قوجالىق جەتەكشىسى سەرىك­قا­لي اجيەۆ. سونداي-اق وبلىستىڭ سولتۇستىك شى­عىسىنداعى شىڭعىرلاۋ اۋدانىن­دا دا مايلى داقىلدىڭ ءبىراز بولىگى قار اس­تىندا قالىپ قويىپتى. وسىن­دايدا نەگە دەگەن ساۋال ەرىكسىز تۋ­ىن­دايدى. بۇ­­­عان شىڭعىرلاۋ اۋداندىق كاسىپكەرلىك, اۋ­ىل شارۋاشىلىعى ۆەتەريناريا ءبو­لى­مى­نىڭ باستىعى ناۋ­رىز­باي مانكەەۆ كۇن­باعىس كۇننىڭ كو­زىن سۇيەتىن داقىل. سون­دىقتان دا كۇن شۋاعى جەتىسپەسە ءپىسۋى كەشەۋىلدەي بەرەدى. بيىل وڭىردە وسى­ن­داي اۋا رايى قالىپتاستى. ونىڭ ۇستىنە كۇز ايلا­رى­نىڭ جاڭبىرلى بو­لۋى جانە قا­را­شا ايىنىڭ باسىندا تۇسكەن قار ءون­ىم­دى ۋاقىتىندا جيناپ الۋعا ءمۇم­كىندىك بەرمەدى دەپ جاۋاپ قايتاردى. تەمىر قۇسايىن. باتىس قازاقستان وبلىسى.