سۋرەتتى تۇسىرگەن مايگۇل سۇلتان
الاشوردا ۇكىمەتىنىڭ ۇلتتىق اسكەرىنىڭ قالىپتاسۋ كەزەڭى جان-جاقتى سيپاتتالعان جانە سول داۋىردەگى ۋاقىتشا ءسىبىر ۇكىمەتى, كازاكتاردىڭ اسكەري توپتارى سياقتى ماڭىزدى تاريحي فاكتورلارمەن ارا-قاتىناسى زەرتتەلگەن.
الاش اسكەرىنىڭ تاريحىنا قاتىستى ارحيۆتىك قۇجاتتار جيناقتالعان قۇندى كىتاپتىڭ مازمۇنىنا توقتالعان اۆتور دەرەكتەردى ماسكەۋ, سانكت-پەتەربور, ومبى جانە تومسك قالالارىنىڭ ارحيۆتەرىن العانىن ايتتى.
«الاش تۋرالى زەرتتەلمەگەن تاقىرىپ وتە كوپ. سولاردىڭ ءبىرى – الاش اسكەرى. عالىمدارىمىز بۇدان بۇرىن دا ەستەلىكتەر جازدى. بىراق قانشا اسكەر بولدى, ونى كىمدەر باسقاردى دەگەن سياقتى قۇرىلىمىن قۇجاتتىق دەرەكتەرمەن قامتي العان جوق. ويتكەنى قۇجاتتاردىڭ بارلىعى رەسەيدىڭ ارحيۆتەرىندە ساقتاالعان. رەسەيدىڭ «بەلىي فوند» دەگەن تاريحي-اسكەري ءارحيۆى بار. سونداعى دەرەكتەر بويىنشا الاش ساربازدارىنىڭ ءتىزىمى شىعارىلدى. قازىرگە الاش اسكەرىنىڭ 700-گە جۋىعىنىڭ ناقتى ءتىزىمى كىتاپقا ەندى», دەگەن تاريحشى الداعى ۋاقىتتا سول ساربازداردىڭ ۇرپاقتارىن ىزدەۋ كەرەك ەكەنىن ايتتى.
«قۇجاتتىق ءتىزىمدى تارقاتىپ, تاقىرىپتى اشۋ ءۇشىن وسى جازدا سوعىس بولعان جەرلەردە ارنايى ەكسپەديتسيا ۇيىمداستىرساق, شەجىرەلەردى اقتارساق دەپ وتىرمىز. سونىڭ ىشىندە باتىس قازاقستان قۇجاتتارى كوپ ساقتالمادى. تورعاي اسكەرلەرىنىڭ قۇجاتتارى دا جوق. بىراق كومانديرلەرى بەلگىلى», دەيدى كىتاپ اۆتورى.
تۇركى اكادەمياسى جۇمىسىنىڭ 2017 جىلعى نەگىزگى باعىتىنىڭ ءبىرى – الاشوردا ۇكىمەتىنىڭ 100 جىلدىعىنا ارنالعان ەدى. تاريحشى بەرىك ابدىعالي ۇلىنىڭ اتالعان زەرتتەۋ ەڭبەگى وسى باعىتتاعى عىلىمي جوبا نەگىزىندە جارىق كورىپ وتىر.
مايگۇل سۇلتان,
«ەگەمەن قازاقستان»
