تولىق دايىندىقپەن بارادى

شىمكەنت قالاسىندا وتكەن «اق جول» قدپ ورتالىق كەڭەسى ءتور­ال­قاسىنىڭ كوشپەلى ماجىلىسىندە پارتيانىڭ سايلاۋ الدىنداعى سەزىن 27 قاراشادا الماتى قالاسىندا وتكىزۋ تۋرالى شەشىم قابىلداندى. 9 قاراشادا پارتيانىڭ كەزەكتەن تىس وتكەن ءىح سەزىنەن كەيىن قدپ ورتالىق ورگاندارى في­لي­ال­­دار­داعى پارتيا مۇشەلەرىنىڭ ۇلەس سالماعى بويىنشا قالىپ­تاس­تى­رىلا باستادى. ناتيجە­سىن­دە, «اق جولدىڭ» ورتالىق باس­شى­لىعىنىڭ قۇرامى بۇرىن­عى­داي استانا جانە الماتى وكىل­دە­رى­نىڭ باسىم­دى­عى­مەن ەمەس, جاڭا باسشىلىق الما­تى, اقتوبە, شى­عىس قازاقستان, قاراعاندى, قى­زىل­وردا جانە وڭ­تۇستىك قازاق­ستان وبلىستارىنىڭ ايماقتىق ليدەرلەرى باسىمدىققا يە بولىپ قۇرىلدى. وسىعان باي­لا­نىستى, پار­تيا ورتالىق ورگان­دار­دىڭ كوشپەلى ماجىلىستەرىن ءىرى پارتيا ۇيىمدارىندا وتكىزەتىن ءتار­تىپ­تى ەنگىزدى. العاشقى وسىن­داي ءما­جى­لىس «اق جول» پار­تيا­سىنىڭ 25 مىڭ­نان استام مۇشەسى بار وڭ­تۇستىك قازاقستاندا ءوتتى. تورالقا كەزەكتەن تىس پارلامەنتتىك سايلاۋعا قاتىسۋ تۋرالى ماسەلەنى قاراپ, پارتيانىڭ كەزەكتەن تىس سەزىنىڭ وتكىزىلەتىن كۇنى مەن ۋاقىتىن بەلگىلەدى, دەلەگات­تار­دىڭ وكىلدىك نورماسىن انىقتادى. وبلىستىق فيليالداردىڭ ءتور­اعا­لارىنا 26 قاراشاعا دەيىن سەزد دەلەگاتتارىن سايلاۋ ءجونىن­دە «اق جول» قدپ وبلىستىق كون­فە­رەنتسيالارىن ۇيىمداستىرىپ, وتكىزۋ تاپسىرىلدى. بۇدان باسقا, بۇل كونفەرەنتسيالاردا دەلەگاتتار ءدال وسى مەرزىمدە كەزەكتەن تىس سايلاۋ وتەتىن جەرگىلىكتى ءماسلي­حات­تارعا ۇسىنىلاتىن, پارتيا كان­ديداتتارىنىڭ ءتىزىمىن بەكىتۋى ءتيىس. تورالقا سونداي-اق «اق جول» قدپ سايلاۋالدى تۇعىر­ناما­سى­نىڭ جوباسىن قارادى جانە شا­قىرىلىپ وتىرعان پارتيا سەزىنە ەنگىزۋ ءۇشىن ونى شيراتا ءتۇسۋ جونىندە ۇسىنىمدار بەردى. پارتيا توراعاسى ازات پەرۋاشەۆ ءوزىنىڭ سوزىندە: «اق جول» پار­تياسى سايلاۋعا مىقتى ۇيىمدىق قۇرىلىممەن جانە ءىس-ارەكەتتىڭ ناقتى باعدارلاماسىمەن, تولىق جۇمىلدىرىلعان دايىندىقپەن شىعادى», دەپ اتاپ ءوتتى. باقتيار تايجان. شىمكەنت.