دامۋ جانە وركەندەۋ جولىمەن

الماتىدا «نۇر وتان» حالىقتىق-دەموكراتيالىق پار­تيا­سىنىڭ قالالىق فيليالى ساياسي كەڭەسىنىڭ كەڭەيتىلگەن وتى­رىسى بولىپ ءوتتى. وندا «نۇر وتان» حدپ الماتى قالالىق في­ليالىنىڭ توراعاسى احمەتجان ەسىموۆ ءسوز سويلەدى. ساياسي كەڭەس وتىرىسىنىڭ كۇن تارتىبىنە بۇگىنگى تاڭداعى وزەكتى ماسەلەلەردىڭ ءبىرى – پارتيانىڭ سايلاۋالدى تۇعىرناماسى شىعا­رى­لىپ, جان-جاقتى تالقىلاندى. سونداي-اق, بىرقاتار پىكىرلەر مەن ۇسىنىستار ورتاعا سالىندى. «نۇر وتان» حدپ-نىڭ كەزەكتەن تىس وتە­تىن XIV سەزىنە قاتىساتىن دەلەگاتتاردى سايلاۋ جانە پار­تياعا جاڭا مۇشەلەردى قابىلداۋ جۇزەگە اسىرىلدى. كوپشىلىككە بەلگىلى, قازاق­ستان­دىق­تاردىڭ سەنىمىنە يە بولعان «نۇر وتان» پارتياسىنىڭ نەگىزىن مەملەكەتىمىزدىڭ تۇرعىندارى قۇ­راي­دى دەسەك, ال پارتيانىڭ كۇشى ولاردىڭ, ياعني حالقىمىزدىڭ ءما­دە­ني جانە رۋحاني ءال-اۋقاتى بو­لىپ تابىلاتىندىعى ايتپاسا دا تۇسىنىكتى. مىنە, وسىنداي باستى سەبەپتەن پارتيا ءوز قاتارىن ءتاۋ­ەل­سىزدىگىنە جيىرما جىل تولعان مەملەكەتتىڭ ودان ءارى دامىپ, ءور­كەن­دەۋىنە لايىقتى ۇلەس قوساتىن ازاماتتارمەن جانە تانىمال ءارى بەدەلدى تۇلعالارمەن تولىق­تى­رۋ­دى باستى ماقساتقا اينالدىرۋى قۇپتارلىق ءجايت. پارتيا ۇيىمدارىنىڭ ساي­لاۋ­الدى تۇعىرناماسىنىڭ جوباسى مەملەكەت باسشىسى, «نۇر وتان» پارتياسىنىڭ توراعاسى نۇرسۇل­تان نازارباەۆ ۇسىنعان ەلىمىزدىڭ 2020 جىلعا دەيىنگى ستراتەگيالىق دامۋ جوسپارىن تيىمدىلىكپەن ءجۇ­زە­گە اسىرۋداعى مىندەتتەرگە نەگىزدەلگەن. بۇل ورايدا, ەڭ باستى نازار قازاقستاندىقتاردىڭ ءومىر سا­پاسىن جاقسارتۋعا, دەنساۋلىق ساقتاۋ مەن ءبىلىم بەرۋ سالالارىن ودان ءارى جەتىلدىرۋگە اۋدارىلىپ وتىر. سونىمەن قاتار, قازاق حال­قىنىڭ جانە ەلىمىزدە قونىس­تان­عان وزگە دە ۇلتتاردىڭ مادەنيەتى مەن سالت-ءداستۇرىن ساقتاپ, دامىتۋ قاجەت. «نۇر وتان» حدپ الماتى قالالىق فيليالىنىڭ توراعاسى, قالا اكىمى احمەتجان ەسىموۆتىڭ ايتۋىنشا, «پارتيا مۇشەلەرى ۇلت­ارالىق جانە كونفەسسيا­ارا­لىق كەلىسىم مەن ۇلتتار ارا­سىنداعى ىنتىماقتى, دوستىقتى ساقتاپ, ونى ودان ءارى نىعايتۋعا ءوز تاراپىنان ىقپال ەتۋى قاجەت». «نۇر وتان» حدپ-نىڭ ال­ما­تى قالالىق فيليالىنىڭ كەڭەي­تىل­گەن باسقوسۋىندا ءسوز العان پارتيانىڭ رەسپۋبليكالىق ساياسي كەڭەسى بيۋروسىنىڭ مۇشەسى الەكساندر پاۆلوۆتىڭ ايتۋىنشا, «وڭ­تۇستىك استانانىڭ وندىرىستىك كور­سەت­كىشتەرى, بۇل باعىتتاعى ءتاجى­ريبەسى ايتارلىقتاي». – ۇلان-بايتاق ەلىمىزدىڭ الەۋ­مەت­تىك-ەكونوميكالىق دامۋىنا ال­ماتىلىقتاردىڭ قوماقتى ۇلەس قوسىپ وتىرعاندىعى انىق. سوعان وراي, الماتى قالاسىنداعى پار­تيا­نىڭ 72 مىڭعا جۋىق مۇشەسى پارتيانىڭ العا قويعان ماق­سات­تا­رى مەن مىندەتتەرىن كەڭىنەن ناسي­حاتتاۋلارى قاجەت ەكەندىگىن ايت­قىم كەلەدى. ۇلت كوشباسشىسى نۇر­سۇلتان نازارباەۆتىڭ سارابدال ساياساتىنىڭ ناتيجەسىندە ءتاۋ­ەلسىزدىگىنە نەبارى جيىرما جىل عانا تولعان مەملەكەتىمىز الەمگە تانىلىپ, ۋاقىت وتكەن سايىن كوركەيە تۇسۋدە. بولاشاققا باعىتتالعان قازاقستاندىق جول­دىڭ كەلەشەگىنىڭ دە كەمەل بولا­تىنىنا سەنىم مول, – دەدى الەكساندر پاۆلوۆ. كەڭەيتىلگەن جيىندا پارتيا­نىڭ كەزەكتەن تىس وتەتىن XIV سەزىنە دەلەگاتتار سايلاندى. «نۇر وتان» حدپ سايلاۋالدى تۇ­عىر­ناماسىنىڭ جوباسى پارتيا­نىڭ الماتى قالالىق فيلي­الى­نىڭ ساياسي كەڭەسىنىڭ باسقوسۋىندا ءبىراۋىزدان ماقۇلداندى. جيىن سوڭىندا پارتيا قاتارىنا قابىل­دانعاندارعا پارتيا بيلەتتەرى سالتاناتتى تۇردە تاپسىرىلدى. ولاردىڭ اراسىندا مەملەكەتتىك سىيلىقتىڭ لاۋرەاتى ەل تۋىنىڭ اۆتورى شاكەن نيازبەكوۆ, سوعىس جانە ەڭبەك ارداگەرى سۇلتان جيەنباەۆ, حالىق ءارتىسى ەسكەندىر حاسانعاليەۆ جانە باسقالار بار. باقىت بالعارينا. الماتى.