وركەندى وزگەرىستەر جولباسشىسى

كەشە «قازاقستان» ورتالىق كونتسەرت زالىندا «نۇر وتان» حالىقتىق-دەموكراتيالىق پارتياسى استانا قالالىق فيليالى ساياسي كەڭەسىنىڭ كەڭەيتىلگەن وتىرىسى ءوتتى. وعان استانا قا­لا­سى­نىڭ اكىمى, «نۇر وتان» حدپ استانا قالالىق فيليالىنىڭ جەتەكشىسى يمانعالي تاسماعامبەتوۆ توراعالىق ەتىپ, جۇرگىزىپ وتىردى. ي.تاسماعامبەتوۆ كىرىسپە ءسو­زىن­دە الداعى سايلاۋدىڭ ساياسي ما­ڭىزدىلىعىن اتاپ كورسەتسە, كۇن تارتىبىندە ەكى ماسەلە قارالدى. ءبىرىنشى ماسەلە بويىنشا فيليال توراعاسىنىڭ ءبىرىنشى ورىن­با­سا­رى ءامىرحان راحىمجانوۆ «نۇر وتان» حالىقتىق-دەموكراتيالىق پار­تياسى قازاقستان. 2017. ماق­سات­تا­رى. ۇلتتىق ءىس-قيمىل جوسپا­رى» تا­قىرىبىندا بايانداما جا­سادى. شەشەن ءوز سوزىندە جاڭا پار­لا­مەنت­تىك مەرزىمگە ارنالعان ساياسي تۇ­عىرناما جوباسى پرەزيدەنت ن. نازارباەۆ بەلگىلەپ بەرگەن «2020 ستراتەگياسىن» ىسكە اسى­رۋدىڭ قا­رىش­تى قادامى, زاڭدى جالعاسى بو­لىپ تابىلاتىنىن اتاپ كور­سەت­تى. تاۋەلسىزدىك العان 20 جىل ىشىندە قازاقستان وزىندىك دامۋ جولىنا ءتۇسىپ, ەكونو­مي­كا­لىق قۋاتتى ەلگە اينالدى. جا­سام­پازدىق پەن قا­رىش­تى ورلەۋى­مىز­دىڭ بىردەن-ءبىر كەپىلى بولىپ تا­بىلاتىن ەلباسى­مىز­دىڭ باسشى­لى­عىنداعى «نۇر وتان» حدپ ۇزاق مەرزىمدى جىل­دار­دى قام­تي­تىن باعدارلاماسىن ساتتىلىكپەن جۇزەگە اسىرىپ كەلەدى. وسى مەرزىم ىشىندە جەتەكشى ساياسي كۇشكە اينالىپ, بۇكىلحالىقتىق قول­داۋ­عا يە بولدى. سالماقتى دا سىن­دارلى شەشىمدەرى قوعامنىڭ ىلگەرى دامۋىنا بارىنشا ىقپال جاساپ, رەفورمالاردىڭ دايەكتىلىك­پەن جۇزەگە اسۋىنا زور ۇلەس قو­سىپ كەلەدى, دەدى. ودان ءارى كەز كەل­گەن سايلاۋدىڭ تۇپقازىعى, جە­ڭىسكە جەتۋدىڭ باستى كەپىلى ساي­لاۋالدى باعدارلاما بولاتىنىن ءسوز ەتە كەلىپ, «نۇر وتاننىڭ» 2012 جىلعى 15 قاڭتاردا بولاتىن پارلامەنت سايلاۋىنا ارنالعان باعدارلاما جوباسىنىڭ وزەكتى تۇس­تارىنا توقتالدى. استانا­لىق­تار قاشاندا پرەزيدەنتتىڭ سەنىمدى تىرەگى بولىپ قالا بەرمەك, دەپ تۇيىندەدى ءوز ءسوزىن ءا.راحىمجانوۆ. جارىسسوزگە ءبىرىنشى بولىپ كوتەرىلگەن «استانا لوكوموتيۆ دەپوسى» اق-تىڭ ماشينيست-نۇس­قاۋ­شىسى ۆلاديمير ۋليانەن­كو­نىڭ ءسوزىن زالداعىلار زەيىن قويا تىڭدادى. تاجىريبەلى جۇمىسشى ءوز ويىن قاراپايىم تىلمەن جەتكىزىپ, جينالعاندار نازارىن ين­نو­ۆاتسيا­لىق-يندۋستريالىق جوبا­لار­­دىڭ ورىندالۋ جايىنا اۋدار­دى. لوكوموتيۆ ومىرىنەن مىسال­دار كەلتىرىپ, تاعى ءبىر وزىق باع­دارلامانىڭ قول­عا الىنعانىن جەتكىزدى. «كوز – قور­قاق, قول – با­تىر» دەگەن ءسوز بار. كۇش بىرىكتىرسەك, المايتىن اسۋى­مىز بول­ماي­دى. كوش باسىنان اركەز نۇروتان­دىق­تاردى كورىپ كەلەمىز. ولار مۇنداي قۇرمەتكە لاي­ىق, دەدى ول. № 54 مەكتەپ-گيمنا­زياسى ورىس ءتىلى ءپانىنىڭ مۇعالىمى البينا كو­پەەۆا ساياسي ۇيىمداعى جاستار رولىنە توقتالسا, «ۇلتتىق مەديتسينا حولدينگى» اق باسقارما توراعاسىنىڭ ورىنباسارى تامارا ۆوششەنكو مەديتسينا جايىن ءسوز ەتتى. ەۋرازيا ۇلتتىق ۋنيۆەر­سيتە­تىنىڭ رەكتورى ەرلان سىدىقوۆ پارتيانىڭ الداعى جىلداردى قام­تيتىن تۇعىرناماسىندا ىشكى-سىرت­قى ۇستانىمداردىڭ ناقتى كور­سە­تىل­گەنىن ايتا كەلىپ, ەرتەڭگى كۇنى ەلىمىزدىڭ قانداي جولمەن داميتى­نى ءبىزدىڭ ارقايسىمىزعا تىكەلەي بايلانىستى دەگەن وي تاستادى. ەكىنشى ماسەلەدە «نۇر وتان» حدپ كەزەكتەن تىس ءحىV سەزىنە دەلەگاتتار سايلاندى. ساياسي كەڭەستىڭ كەڭەيتىلگەن وتىرىسىن ي.تاسماعامبەتوۆ قو­رى­تىندىلادى. ول اسا ماڭىزدى ساياسي ناۋقان ءبىر رەتتىك شارا ەمەس­تىگىن, الداعى جۇيەلى ءىس-قيمىل­داردى ءتۇزىپ بەرەتىنىن, سول سەبەپتى ءار نۇروتاندىقتان اسقان جاۋاپكەرشىلىكتى, جيناقىلىقتى, ساياسي كو­رە­گەندىلىكتى قاجەت ەتەتىنىن اتاپ كورسەتتى. ەلوردانىڭ الەۋمەتتىك-ەكونوميكالىق دامۋى جىل وتكەن سايىن جوعارى قارقىن­مەن دامىپ كەلەدى. بيىل ىشكى جالپى ءونىم 360 ميلليارد تەڭگەنى قۇراپ وتىر. ونەركاسىپ ونىمدەرىن شى­عارۋ 150 ميلليارد تەڭگەگە جەتتى. 400 ميلليارد تەڭگەنىڭ ينۆەس­تيتسيالارى تار­تىل­د­ى. ورتاشا ايلىق جالاقى 122 مىڭ تەڭگەدەن اينالدى. الەۋ­مەتتىك باعدارلا­مالار پار­تيانىڭ ايرىقشا قادا­عالاۋىنا الىنعان. ساياسي كەڭەس وتىرىسىنا «نۇر وتان حدپ ساياسي كەڭەسى بيۋرو­سى­نىڭ مۇشەسى, ەكونوميكالىق دامۋ جانە ساۋدا ءمينيسترى قايرات كەلىمبەتوۆ قاتىستى. ءومىر ەسقالي.