قوستانايلىقتار «نۇر وتانمەن» بىرگە

قوستانايدا «نۇر وتان» حالىقتىق-دەموكراتيالىق پارتياسىنىڭ سايلاۋالدى تۇ­عىر­ناما جوباسى تالقىلاندى. پارتيانىڭ بۇل اسا ماڭىزدى قۇجاتى «حالىق داۋىسى» اك­تسيا­سىنىڭ بارىسىندا كەلىپ تۇسكەن ۇسىنىستار نەگىزىندە ءازىر­لەندى. اكتسياعا ميلليوننان اسا قازاقستاندىقتار قاتىستى. ولاردىڭ قاتارىندا قوستا­ناي­لىقتار دا بەلسەندىلىك تانىتتى. تۇعىرناما جوباسىنا ەكونو­مي­كا­نى دامىتىپ, ءار قازاق­ستان­دىق­تىڭ وركەندەگەن ەلدە ءومىر ءسۇرۋىن قامتاماسىز ەتۋ نەگىزگى وزەك ەتىپ الىندى. – «نۇر وتان» ەلباسى, پارتيا توراعاسى نۇرسۇلتان نازار­باەۆ­تىڭ ۇزاق مەرزىمدىك ماقساتتارىن ىسكە اسىراتىن باستى ساياسي ور­تا­لىق بولىپ تابىلادى. ەكونوميكا قۇلدىراعان 90-شى جىلدار مەن بۇگىنگى نىعايعان قازاقستاندى سا­لىستىرۋ كەلمەيدى. اينالاسى جي­ىرما جىلدىڭ ىشىندە ەكونومي­كا­سى تۇراقتى, الەۋمەتتىك كوركەيگەن ەلگە اينالدىق. وعان قوستاناي­لىق­تاردىڭ قوسقان ۇلەسى قوماق­تى, – دەپ اتاپ كورسەتتى جيىنعا اس­تانادان ارنايى كەلىپ قاتىس­قان پارتيا توراعاسىنىڭ ءبىرىنشى ورىنباسارى نۇرلان نىعماتۋلين. پارتيانىڭ وبلىستاعى ساياسي كەڭەسىنىڭ كەڭەيتىلگەن ءماجىلى­سىن­دە ءسوز العاندار وڭىردە جۇزەگە اسىرىلعان ىستەردى تىلگە تيەك ەتتى. ءوندىرىسى دە, اۋىل شارۋاشىلىعى دا قارقىندى دامىپ وتىرعان قوستاناي وبلىسى بيىل 8 ميلليون 700 مىڭ تونناداي استىق باس­تىردى. سونىمەن قاتار, نۇروتان­دىق­تار قاتارىنىڭ كوپتىگى جانە پارتيانىڭ جەرگىلىكتى ۇيىمدارىن ماتەريالدىق-تەحنيكالىق نىعاي­تۋ جونىنەن دە قوستاناي جەتەكشى ءوڭىردىڭ ءبىرى. «قارقىن» جاۋاپكەرشىلىگى شەك­­تەۋلى سەرىكتەستىگىنىڭ ديرەكتورى, قازاقستاننىڭ ەڭبەك ەرى سايران بۇقانوۆ ءوز شارۋاشىلىعىندا ەڭبەك ەتەتىن مامانداردىڭ باسىم كوپشىلىگى جاستار ەكەنىن, ءوزى اۋىل جاستارىنا مۇمكىندىگىنشە الەۋ­مەت­­تىك جاعداي جاساپ وتىرعانىن ايتا كەلىپ, اۋىلدا ينفرا­قۇ­رى­لىم­دى دامىتۋدى, الەۋمەتتىك نىسان­داردى كوپتەپ سالۋدى ۇسىندى. ن.نىعماتۋلين پارتيانىڭ ساي­لاۋالدى تۇعىرناما جوباسىنا ناقتى توقتالىپ ءوتتى. وندا 2020 جىلعا دەيىنگى جۇزەگە اساتىن ىستەر ناقتى, تياناقتى كورسەتىلگەن. حالىقتىڭ دەنساۋلىعىن جاق­سار­تۋ­دا, جولدار سالىپ, ءبىلىم ساپا­سىن كوتەرۋدە ناقتى ىستەر اتقا­رى­لادى. 400 مەكتەپ سالىنادى. مەكتەپكە دەيىنگى مەكەمەلەر سانى ەكى ەسە ارتتىرىلادى. ال بۇل ءجونى­نەن قوستاناي وبلىسى تاماشا ۇلگى بولىپ سانالادى. قازىر ءوڭىر­دەگى بۇلدىرشىندەردىڭ 90 پايىزى مەكتەپكە دەيىنگى مەكەمەلەرگە قامتىلعان. نۇرلان زايروللا ۇلى مۇنداي كورسەتكىش تەك قا­زاق­ستان­دا عانا ەمەس, تمد ەلدەرىندە جوق ەكەنىن جەتكىزە وتىرىپ, وبلىس اكىمى سەرگەي كۋلاگينگە راحمەت ايتتى. ن.نىعماتۋلين كەلەر جىلدىڭ 15 قاڭتارىنا بەلگىلەنگەن سايلاۋ­دىڭ وڭىردە ىنتىماقتى, تياناقتى وتەتىنىنە جانە پارتيانىڭ ساي­لاۋالدى تۇعارناماسى جوباسىنىڭ ءار ۇجىمعا, ءار ۇيگە, ءار ادامعا جەتەتىنىنە سەنىم ءبىلدىردى. وڭىرلىك ساياسي كەڭەستىڭ كەڭەيتىلگەن ءماجى­لىسىندە ارداگەرلەر مەن ونەردە, سپورتتا, بيزنەستە تابىسقا جەتكەن قوستانايلىقتارعا پارتيا بيلەتى تابىس ەتىلدى. سونىمەن قاتار, پارتيانىڭ ءحىV سەزىنە باراتىن دەلەگاتتار انىقتالدى. ءنازيرا جارىمبەتوۆا. قوستاناي.