سۋرەتتەردى تۇسىرگەن ورىنباي بالمۇرات, «ەگەمەن قازاقستان»
مۇنداعى جادىگەرلەردىڭ ىشىندەگى ەڭ كونەسى 1532 جىلى ەسكى لاتىن تىلىندە جارىق كورگەن كىتاپ (سۋرەتتە). تۋىندىنىڭ سىرتقى مۇقاباسى ادامنىڭ تەرىسىنەن جاسالىپتى.
تاعى ءبىر قۇندى دۇنيە حV عاسىردا ءومىر سۇرگەن پارسى اقىنى ابدىراحمەن ءجاميدىڭ (ابد ءار-راحمان نۇر ءاد-دين يبن احمەد جامي) اۋىزىنان جازىپ الىنىپ, موللا سامارقانيدىڭ كوشىرمەسىمەن بۇگىنگە جەتكەن ۇلكەن كىتاپ. مۇندا اقىننىڭ عاقليا جىرلارى توپتاستىرىلعان.
سونىمەن قاتار كورمە سورەسىنەن – ءحVىى عاسىر تۋىندىسى ابۋلعاري سۇلتان ابدۋلدىڭ وراما قولجازباسى, العاش رەت قازاق تىلىندە اراب گرافيكاسىمەن 1920 جىلدارى جازىلعان ءشادى تورەنىڭ «سيار شاريف» اتتى جازباسى, قوجا احمەت ءياساۋيدىڭ ليتوگرافيالانعان «ديۋاني حيكمەت» كىتابىنىڭ ءحVىى عاسىرداعى نۇسقاسى, شىعىس شايىرلارى – حافيز, جامي, فيزۋلي, بەديا, رۋمي, الىشەر ناۋايلەردىڭ پارسى تىلىندە جازىلعان كونە تۋىندىلارى جانە ءحVىىى عاسىر مۇراسى شاعاتاي تىلىندە قۇسني حات ۇلگىسىندە جازىلعان وسيەت-ولەڭدەر توپتاماسىن بايقادىق.
سيرەك كىتاپتار قورىنىڭ مامانى ءمولدىر بايماحانبەتوۆانىڭ ايتۋىنا قاراعاندا, بۇل جازبالاردىڭ دەنى مۇحامەد (س.ع.س) پايعامباردىڭ ءومىربايانى جانە ساحابالارى جايلى ءدىني قيسسا-داستاندار ەكەن.
بەكەن قايرات ۇلى,
«ەگەمەن قازاقستان»
