ماڭىزدى مالىمدەمەدە ءبىز ءومىر ءسۇرىپ جاتقان بۇگىنگى جاڭا تەحنولوگيالىق كەزەڭدەگى ەلدىڭ دامۋىن قامتاماسىز ەتۋگە باعىتتالعان جاڭا يدەيالار مەن مىندەتتەر ناقتىلانعان. سونىمەن قاتار تسيفرلى تەحنولوگيانى دامىتۋ مەن مەملەكەتتىڭ زاماناۋي الەم جانە ناقتى ارەكەتتەرى اراسىنداعى بايلانىستى ورناتۋ قاجەتتىلىگى ايقىندالعان. وعان قوسا ادامي كاپيتالدى, ءبىلىم بەرۋدى دامىتۋ جانە حالىقتىڭ ءومىر ءسۇرۋ ساپاسىن ارتتىرۋ ماسەلەسى دە قالىس قالماعان.
جولداۋدا بەلگىلەنگەن, قوعامدى ءارى قاراي ەكونوميكالىق ءوسىرۋ مەن جەتىلدىرۋ بويىنشا مەملەكەتتىڭ العا قويعان ماقساتتارى اراسىندا ءوزارا ۇيلەسىم تاپقان مىندەتتەردىڭ جۇزەگە اسىرىلاتىندىعىنا بەك سەنىمدىمىن.
پرەزيدەنتتىڭ ءوز حالقىمەن وسىنشالىق تىكەلەي جانە اشىق ديالوگقا بارۋىنان ءبىز قازاقستاندىقتاردىڭ نەلىكتەن ءوز كوشباسشىلارىن ماقتان تۇتاتىندىعىن اڭعارعاندايمىز.
مەن بۇل ەلدە ەكونوميكانى ارتتىرۋ جانە حالىقتىڭ جاعدايىن جاقسارتۋ ءۇشىن جۇزەگە اسىرىلىپ جاتقان بارلىق جۇمىستار قازاقستان مەن برازيليا اراسىنداعى ىسكەرلىك بايلانىستاردى دا نىعايتاتىندىعىنا كۇمان كەلتىرمەيمىن.
قازاقستان-برازيليا ارىپتەستىگىنىڭ ودان ءارى دامۋىنا ءوز ۇلەسىمدى قوسۋعا بەيىلمىن. قازاقستاننىڭ جانە ونىڭ پرەزيدەنتىنىڭ العا قويعان مىندەتتەرىن جەمىستى جۇزەگە اسىرۋىنا تىلەكتەستىك بىلدىرەمىن.
توماس ليكو مارتينس,
«برازيليا-قازاقستان» ساۋدا-ونەركاسىپ پالاتاسىنىڭ مۇشەسى,
برازيليا-امەريكالىق «Optimal Capital Partners» كومپانياسىنىڭ نەگىزىن قالاۋشى
