2017 جىلى ەلوردادا تۋىلعان 405 سابيگە ايزەرە ەسىمى بەرىلىپتى. 354 رەت بەرىلگەن ايلين ەسىمى ەكىنشى ورىندا. ۇزدىك ۇشتىكتى ءامينا ەسىمى تۇيىندەيدى. 353 اتا-انا ءوز بالاسىنا وسى ەسىمدى بەرگەن. ايارۋ, ايشا, رايانا, ايالا, كاۋسار, داريا, ءاديا, ءىنجۋ, ايىم جانە توميريس ەسىمدەرى دە وتكەن جىلى قىز بالالارعا قويىلعان ەسىمدەردىڭ اراسىندا الدىڭعى قاتاردا تۇر.
ال ۇلدار اراسىندا ءجيى قويىلعان ەسىمدەردىڭ ۇشتىگىنە ءاليحان, ءامىر جانە ءالي ەسىمدەرى كىرەدى. ەلوردادا 12 اي ىشىندە بۇل ەسىمدەر 328, 255 جانە 222 بالاعا بەرىلدى. سونداي-اق, استانالىق اتا-انالار وزدەرىنىڭ ۇل بالالارى ءۇشىن ءجيى تاڭداعان ەسىمدەردىڭ اراسىندا ايسۇلتان, سانجار, ەراسىل, ارلان, ارسەن, نۇريسلام, الان, مانسۇر, رامازان, ميراس جانە ءالينۇر ەسىمدەرى دە كەزدەسەدى.
بالالارعا ەلدە بولىپ جاتقان وقيعالارعا بايلانىستى ەسىم قويۋ ءداستۇرى دە وزگەرگەن جوق. حالىقارالىق ەكسپو كورمەسىن وتكىزۋ كەزىندە «ەسىل» اۋدانىنىڭ احات بولىمشەسىندە ۇل بالاعا قويىلعان بادىبەكسپو ەسىمى تىركەلدى.
«ەسىل», «سارىارقا» جانە «الماتى» اۋداندارىنىڭ احات بولىمشەلەرى بەرگەن مالىمەتتەرگە سايكەس, ەلوردادا 2017 جىلى استانادا دۇنيەگە 34 087 ءسابي كەلگەن.
