كورمەگە قازاق كسر دەنساۋلىق ساقتاۋ حالىق كوميسسارى حاسەن نۇرمۇحامەدوۆ پەن ونىڭ جۇبايى كيرا بەرسەنەۆانىڭ, قازاقستاننىڭ اتقارۋ كوميتەتى پرەزيديۋمىنىڭ مۇشەسى مۇحامەدقالي ءتاتىموۆ پەن ونىڭ جۇبايى شاكىتايدىڭ, الماتى وبلىسى كەگەن اۋدانىنىڭ پروكۋرورى شاكىر عايسين مەن ونىڭ جۇبايى عاينيجامالدىڭ, «الجير» تۇتقىنى سۇلۋحان باعزىباەۆانىڭ, مەملەكەتتىك بانكتىڭ دوبرۋشسك ءبولىمىنىڭ ديرەكتورى سەۆەك ليحتەنشتەين (سەندەر) مەن ونىڭ جۇبايى ەنتا ليحتەنشتەيننىڭ, كسرو مەملەكەتتىك بانكى ديرەكتورىنىڭ ورىنباسارى سولومون ءحاريننىڭ جانە ونىڭ جۇبايى سوفيا زيلبەرگتىڭ فوتوسۋرەتتەرى مەن مۇراعاتتىق قۇجاتتارى قويىلعان.
بۇل ادامدار ميلليونداعان وتباسىن جويىپ, ادامزات تاعدىرىن بۇزعان وتە قاتال ستاليندىك جازالاۋ ماشيناسىنىڭ ازاپتاۋىنان وتكەن. ديكتاتۋراعا مويىنسۇنباعاندار جاپپاي قۋعىن-سۇرگىنگە ۇشىراپ, «حالىق جاۋى» اتاندى, ال ولاردىڭ جۇبايلارى, اتا-انالارى, اعالارى, اپالارى مەن ۇل-قىزدارى تەمىر تورعا توعىتىلدى.
مۇنداي كورمەلەر حح عاسىردىڭ 30-50-ءشى جىلدارىنداعى وقيعالاردى ەستە ساقتاۋعا سەپتىگىن تيگىزەدى جانە بولاشاقتا تراگەديانىڭ قايتالانۋىن بولدىرماۋ ءۇشىن جاس ۇرپاقتىڭ بويىندا پاتريوتيزم مەن ادامگەرشىلىك سەزىمىن قالىپتاستىرۋعا ىقپال ەتەرى ءسوزسىز.
ميراس اسان,
«ەگەمەن قازاقستان»
