كىشكەنتايىمنان جان-جانۋارلاردىڭ تىرشىلىگى, سان الۋان وسىمدىكتەردىڭ ادەمىلىگى قىزىقتىراتىن. ولارمەن ادامشا سويلەسىپ, تىلدەسەتىن ەدىم. بۇگىندە بۇل ءىس مەنىڭ كاسىبىمە اينالدى. ءXحى عاسىر – تەحنيكانىڭ, كومپيۋتەردىڭ عاسىرى عوي. جاستاردىڭ دەنى بوس ۋاقىتى بولا قالسا عالامتوردان كوز المايدى. بۇل ورتالىقتى اشۋداعى نەگىزگى ماقساتىم دا بالالاردىڭ ويىن باسقا جاققا بۇرۋ, تابيعاتپەن ەتەنە جاقىن بولىپ وسۋىنە جاعداي جاساۋ ەدى», دەيدى جاس بيولوگ.
تىلەكتىڭ ايتۋىنشا, 2013 جىلى جۇمىسىن باستاعان ورتالىقتاعى جانۋارلار سانى جىلدان جىلعا كوبەيىپ كەلەدى. بۇگىندە مۇنداعى قۇستاردىڭ سانى 13-كە, باۋىرىمەن جورعالاۋشىلار مەن كەمىرگىشتەردىڭ سانى ونعا جەتىپ جىعىلىپتى. ەكزوتيكالىق ورمەكشىنىڭ سانى – 35. تىلەك مۇنداعى ءاربىر تىرشىلىك يەسىنىڭ مىنەزىن, كوڭىل كۇيىن وتە جاقسى بىلەدى. وسىنداعى جاندىكتەر مەن جانۋارلاردىڭ ارقايسىسى تۋرالى ساعاتتاپ اڭگىمە ايتۋعا بار. ماسەلەن, مىنا ءبىر يگۋانا دەيتىن كەسىرتكە نەگىزىندە وڭتۇستىك امەريكادا تىرشىلىك ەتەدى ەكەن. قازىر شامامەن ەكى جاستا. بۇل تىرشىلىك يەسى ءۇش مەترگە دەيىن وسەتىن كورىنەدى. «ولاردى وتانىندا دينوزاۆردىڭ ۇرپاقتارى دەپ ايتادى», دەيدى تىلەك. ال اۋستراليالىق «ساقالدى اگاما» دەپ اتالاتىن كەسىرتكەنىڭ تۇرقى ازىرگە كىشىلەۋ بولعانىمەن, ونىڭ دا ۇزىندىعى وسە كەلە 60 سانتيمەترگە دەيىن جەتەدى.
ورتالىق جەتەكشىسى 2016 جىلعا دەيىن بەلوۋسوۆكا كەنتىندەگى №1 مەكتەپتە وقۋشىلارعا بيولوگيا پانىنەن ساباق بەرىپتى. بىراق كەيىن بۇكىل ۋاقىتىن تەك وسى ۇيىرمەگە عانا ارناۋدى ءجون دەپ ۇيعارىپتى. ويتكەنى «بيوورتالىقتاعى» جاندىكتەر مەن جانۋارلاردىڭ قاتارى كوبەيگەن سايىن ولارعا قارايتىن ۋاقىت كەرەك. «مۇنداعى تىرشىلىك يەلەرىنىڭ بارلىعى بالا سەكىلدى. ەرەكشە كۇتىمگە, جىلۋلىققا مۇقتاج. ءوز جۇمىسىمدى جاقسى كورگەندىكتەن, ورتالىققا سەنبى, جەكسەنبى كۇندەرى دە كەلەمىن. وقۋشىلارىم دا دەمالىس كۇندەرى كەلەدى. ولارعا كۇندە ءبىر قىزىقتى مالىمەت ايتىپ, پايدالى اقپارات بەرۋگە تىرىسامىن. بالالار ورمەكشىلەردى, حامەلەونداردى كورىپ, ۇستاعىسى كەلەدى. مەنىمەن بىرگە تاماق بەرىپ, ولاردىڭ ارەكەتىن قىزىعا باقىلايدى. سونداي ساتتەردە مەن ءوزىمنىڭ ۇستازدىق ارمانىما قول جەتكىزگەندەي سەزىمدە بولامىن. بالالاردىڭ قىزىعۋشىلىعى بار, دەمەك ەڭبەگىمنىڭ زايا كەتپەگەنى», دەيدى ول.
ازامات قاسىم,
«ەگەمەن قازاقستان»
شىعىس قازاقستان وبلىسى,
گلۋبوكوە اۋدانى
سۋرەتتەردى تۇسىرگەن
تىلەۋبەك شاياحمەت
