داستارقان تولى نان-توقاش

وبلىس ورتالىعىندا ەل تاۋەلسىزدىگىنىڭ 20 جىلدى­عىنا ارنالعان وبلىس اكىم­دىگىنىڭ ۇيىمداستىرۋىمەن «بە­­رەكە باستاۋى – نان» اتتى  فەستيۆال بولىپ ءوتتى. اۋىل-اۋىلدان, قالالاردان كەلگەن  نان پىسىرۋشىلەر ءوز ونىمدەرىن كوپكە تانىستىرىپ ءبىر جاساپ قالدى. قارا نان, اق نان دەيسىز بە, سىرتىنا بال جاعىلعان ءتاتتى توقاشتار مەرەكەنىڭ ءسانى مەن مانىنە اينالدى. اس اتاسى – ناننىڭ داستارقانعا قانداي ەڭبەكپەن كەلىپ جەتەتىنىن وسىنداي استا-توك مولشىلىق پەن بەرەكە-بىرلىكتى, تاتۋلىقتى اي­قىندايتىن مەرەكەلەر ۇق­تىرار. بيىل وبلىستا 400 مىڭ توننادان استام استىق جينالدى. استىق باعاسى   ارزان. جيىن-تەرىن ۋاقىتى دا اياقتالدى. بۇل مەرەكەنى  وب­لىستىڭ اۋىلشارۋاشىلىق جىلىن قورىتىندىلاعان جيى­نى دەپ تە  ايتۋعا بولار. دي­قاندار مەن ناۋبايشىلار, كا­سىپكەرلەر, ۇننان ءتۇرلى ءتات­تىلەر جاسايتىندار وزدەرى ءوسىرىپ, وزدەرى پىسىرگەن نان-توقاش, باۋىرساق, ءبالىش-سامسالاردىڭ ءتۇر-ءتۇرىن اكە­لىپ, وسى مەرەكەلى كۇننىڭ مەجەلى ساتىنە تارتۋ جاساعانداي بولدى. اۋىلشارۋاشىلىق كور­مەسىنە 200-گە جۋىق نان-توقاش  ونىمدەرى قويىلدى. ۇن تارتۋشى كاسىپورىندار مەن ناۋبايحانالار, دۇكەندەر سا­نى كوبەيگەنىن وسىدان-اق بايقاۋعا بولادى. مىسالى, ەكىباستۇزدا تاۋلىگىنە 24 مىڭ بولكە نان شىعاراتىن «ەنەر­گيا كاپيتال» كاسىپورنى قۇ­رىلدى.  ال, ءتۇرلى تاتتىلەر, نان-توقاش پىسىرەتىن شارۋا قوجالىعىنىڭ باسشىسى نۇر­جامال قاراشاشەۆا پىسىرەتىن ونىمدەردى شارباقتىلىقتار جاقسى بىلەدى.  الەكساندر پولياكوۆ باسقاراتىن «پوبەدا» سەرىكتەستىگى سالماعى بىرنەشە   كيلو تارتاتىن «كاراۆاي» نا­نىن ءپىسىرىپ اكەلىپتى. سەرىكتەستىك بىرنەشە جىل بويى بي­داي­دىڭ ەلي­تالىق تۇرلەرىن ءوسىرۋ­مەن اينالىسادى. سونى­مەن بىرگە, پاۆلودار اۋدانى­نىڭ جەكە كاسىپكەرى اننا سولداتوۆا نان-توقاشتاردىڭ 8 ءتۇ­رىن پىسىرەدى. كۇنىنە ءبىر مىڭ بولكە نان شىعارادى.  اۋىل­داعى ءدۇ­كەنىندە كۇنىنە 400 بولكە نان ساتىلاتىن كورىنەدى. زەينەتكەرلەرگە 10 پايىزدىق جەڭىل­دىك بەرىلگەن. فەستيۆالعا قاتىسۋشىلار «ۇزدىك نان-تو­قاش ونىمدەرى كورمەسى ءۇشىن», «ءونىم تۇرلەرىن كو­بەيتكەنى جانە ماركەتينگ سايا­ساتىن جەتىلدىرگەنى ءۇشىن», «ۇزدىك ناۋ­بايشى», «ۇزدىك كون­ديتەر» جانە  باسقا  اتا­لىم­دار بويىن­­شا ماراپاتتالدى. فاريدا بىقاي, پاۆلودار.