«استانا» پرەزيدەنتتىك كلۋبىنىڭ باس دەمەۋشىسى «سامۇرىق-قازىنا» ۇلتتىق ءال-اۋقات قورى, كلۋبتىڭ قۇرىلتايشىلارى 51 داۋىسقا يە «سامۇرىق-قازىنا» ۇلتتىق ءال-اۋقات قورى» اق پەن 49 داۋىسقا يە استانا قالاسىنىڭ اكىمدىگى.
ءسىزدىڭ جەكە قولداۋىڭىزدىڭ جانە تۇراقتى قارجىلاندىرۋدىڭ ارقاسىندا كلۋب حالىقارالىق ارەنادا جوعارى ناتيجەلەرگە قول جەتكىزىپ, ەلوردا مەن قازاقستاننىڭ وڭ بەدەلىن قالىپتاستىرىپ, نىعايتۋدا.
«استانا» پرەزيدەنتتىك كلۋبى ءوز تۋىنىڭ استىنا ۇزدىك كاسىبي سپورتتىق كلۋبتاردى: الەمدىك دەڭگەيدەگى «استانا» ۆەلوكومانداسى, «استانا» فۋتبول كلۋبى, «بارىس» حوككەي كلۋبى, «استانا» باسكەتبول كلۋبى, راللي-رەيدتار بويىنشا «استانا» كومانداسى جانە «استانا ارلانس» بوكسشىلار كوماندالارىن بىرىكتىرىپ وتىر.
«استانا» كلۋبىنىڭ جەتىستىكتەرى بۇكىل الەمگە كەڭىنەن ءمالىم.«استانا» ۆەلوكومانداسى – 215 جەڭىسكە قول جەتكىزىپ, گراند-تۋرلاردا 8 مارتە جەڭىس سالتاناتىن قۇرعان, الەمدىك دەڭگەيدە تانىلىپ, ەلىمىزدىڭ تانداۋلى برەندىنە اينالعان كوماندا. ۆەلوكلۋبتىڭ قۇرامىنا «استانا» ۆەلوكومانداسى جانە 3 فارم-كلۋب: قازاقستاندىق سپورتشىلاردان تۇراتىن «Astana City» قۇرلىقتىق كومانداسى جانە «Astana Track Team» ترەك كومانداسى, سونداي-اق «Astana Womens Team» ايەلدەر كومانداسى كىرەدى.
«استانا» ۆەلوكومانداسىنىڭ سپورتشىلارى قازاقستاندى ازيادا ءنومىرى ءبىرىنشى ەتكەن ۇلتتىق قۇرامانىڭ نەگىزى بولىپ تابىلادى. «استانا» فۋتبول كلۋبى رەسپۋبليكانىڭ ءتورت دۇركىن چەمپيونى, قازاقستان كۋبوگىنىڭ ءۇش مارتە يەگەرى, قازاقستاندىق فۋتبول تاريحىندا 2015 جىلى ۋەفا چەمپيوندار ليگاسىنىڭ توپتىق كەزەڭىنىڭ جانە 2017 جىلى ەۋروپا ليگاسىنىڭ پلەي-وفف كەزەڭىنىڭ العاشقى قاتىسۋشىسى بولىپ تابىلادى. سونىمەن قاتار استانا كلۋبتىق رەيتينگتە 452-ءشى ورىننان 67-ءشى ورىنعا كوتەرىلىپ, بىرەگەي جەتىستىككە قول جەتكىزدى. بۇل كورسەتكىش «استانا» كلۋبىنىڭ ۋەفا رەيتينگىسىندە ەلىمىزگە ۇپاي اكەلەتىن جالعىز كلۋب ەكەنىن كورسەتەدى.
«بارىس» حوككەي كلۋبى شىعىس ەۋروپانىڭ, رەسەيدىڭ, قىتايدىڭ جانە تمد ەلدەرىنىڭ جەتەكشى كوماندالارى وينايتىن قۇرلىقتىق حوككەي ليگاسىنىڭ پلەي-وفف كەزەڭىنىڭ تۇراقتى قاتىسۋشىسى, سونىمەن قاتار ەلىمىزدىڭ ەرلەر, جاستار, ستۋدەنتتەر مەن جاسوسپىرىمدەر قۇرامالارىنىڭ بازالىق كلۋبى بولىپ تابىلادى.
«استانا» باسكەتبول كلۋبى ۇلتتىق ليگا جانە قازاقستان كۋبوگىنىڭ ءتورت مارتە چەمپيونى, ەلىمىزدىڭ باسكەتبول تاريحىنداعى 2017 جىلعى ازيا چەمپيوندارى كۋبوگىنىڭ العاشقى قولا جۇلدەگەرى, شىعىس ەۋروپا, رەسەي, قىتاي جانە تمد ەلدەرىنىڭ جەتەكشى كلۋبتارىنىڭ باسىن قوساتىن ۆتب ءبىرتۇتاس ليگاسىنىڭ پلەي-وفف راۋندىنىڭ تۇراقتى قاتىسۋشىسى جانە تولىققاندى مۇشەسى بولىپ تابىلادى. كلۋب ازيالىق گراندتار – قاتار مەن يراكتىڭ قۇراما كوماندالارىن جەڭىپ, 2019 جىلى الەم چەمپيوناتىنىڭ ىرىكتەۋ تسيكلىنا قاتىسىپ جاتقان قازاقستان ۇلتتىق قۇراماسىنىڭ بازالىق كومانداسى.
راللي-رەيدتار بويىنشا «استانا» كومانداسى «داكار» ترانسكونتينەنتتىك راللي-مارافونىنا قاتىسقان ەلىمىزدىڭ اۆتوسپورت تاريحىنداعى العاشقى جانە جالعىز كومانداسى, الەمنىڭ ەكى دۇركىن چەمپيونى, «داكار» راللي-مارافونىنىڭ ەكى مارتە قولا جۇلدەگەرى, سونداي-اق تەك سپورتتىق ءىس-شارا ەمەس, رەسەي, قازاقستان جانە قىتاي سياقتى ءۇش ەل ىنتىماقتاستىعىنىڭ ستراتەگيالىق جوباسى – «Silk Way Rally 2016» اتتى ءىرى حالىقارالىق راللي-مارافونىنىڭ چەمپيونى بولىپ تابىلادى.
«استانا ارلانس» بوكسشىلار كلۋبى – ءۇش دۇركىن الەم چەمپيونى جانە دۇنيەجۇزىلىك بوكس سەرياسىنىڭ رەكوردسمەنى. تەك قانا قازاقستاندىق سپورتشىلاردان تۇراتىن «استانا ارلانس» بوكسشىلارى بارلىق قۇرلىقتاردا ونەر كورسەتىپ, بىرنەشە مارتە الەمنىڭ ۇزدىك بوكسشىلارى بولىپ تانىلدى.
«استانا» برەندىنىڭ الەمگە تانىمالدىلىعىن ەسكەرە وتىرىپ, «استانا» پرەزيدەنتتىك كلۋبىنىڭ سپورتتىق جوبالارىنىڭ ءبىرتۇتاس رەبرەندينگى جۇزەگە اسىرىلدى.
ەندى «استانا» – قازاقستاننىڭ جانە ەلوردامىزدىڭ بەدەلىن حالىقارالىق ارەنادا ءبىر اتاۋ جانە ءبىر لوگوتيپپەن دامىتاتىن ءبىرتۇتاس ۇلتتىق سپورت برەندى.
بۇدان باسقا, قازىرگى تاڭدا پرەزيدەنتتىك كلۋب برەندتى ساپالى تۇردە باسقارۋ جانە مەنەدجمەنتتىڭ تسيفرلى جۇيەسىن ەنگىزۋ جولىمەن بيزنەس-پروتسەستەردى اۆتوماتتاندىرۋ بويىنشا جۇمىستار جۇرگىزىپ جاتىر.
ءبىزدىڭ كلۋبتارىمىزدىڭ بيۋدجەتى باسقا الەمدىك سپورت جوبالارىنىڭ بيۋدجەتىمەن سالىستىرعاندا – ەڭ قاراپايىم, جانە ول سوڭعى بىرنەشە جىلدار بويى وزگەرىسسىز قالۋدا. سونىمەن بىرگە كلۋب شىعىنداردى ءارى قاراي وڭتايلاندىرۋ بويىنشا جوسپارلى تۇردە جۇمىس جاساۋدا.
اسا قۇرمەتتى نۇرسۇلتان ءابىش ۇلى, سىزگە جەكە قولداۋ كورسەتكەنىڭىز ءۇشىن تاعى دا العىسىمىزدى بىلدىرۋگە رۇقسات ەتىڭىز.
ءسىزدىڭ قۇپتاۋىڭىزبەن ءبىز سالاماتتى ءومىر سالتىن ناسيحاتتاۋعا جانە ەلىمىزدىڭ سپورتتىق الەۋەتىن ارتتىرۋ ءۇشىن «استانا» پرەزيدەنتتىك كلۋبىنىڭ ودان ءارى دامۋىنا باعىتتالعان جۇمىستاردى جالعاستىرۋعا دايىنبىز.
حاتقا «استانا» ۆەلوكومانداسىنىڭ باس مەنەدجەرى, وليمپيادا چەمپيونى ا.ۆينوكۋروۆ, «استانا» باسكەتبول كلۋبىنىڭ باس مەنەدجەرى, وليمپيادا چەمپيونى ۆ.تيحونەنكو, «بارىس» حك پرەزيدەنتى ا. شوپوباەۆ, «استانا» فك پرەزيدەنتى س.حاميتجانوۆ, راللي-رەيدتار بويىنشا «استانا» كومانداسىنىڭ باس مەنەدجەرى ا.ارداۆيچۋس, پارلامەنت ءماجىلىسىنىڭ دەپۋتاتى, وليمپيادا چەمپيونى, «استانا» پرەزيدەنتتىك كلۋبى قامقورشىلىق كەڭەسىنىڭ مۇشەسى س.ساپيەۆ جانە پارلامەنت سەناتىنىڭ دەپۋتاتى, «استانا» پرەزيدەنتتىك كلۋبى قامقورشىلىق كەڭەسىنىڭ توراعاسى د.كالەتاەۆ قول قويعان.
