قالانىڭ ەكى شاعىن اۋدانىندا 400 جەكە تۇرعىن ءۇي قۇرىلىسى جوبالانۋدا. قۇرىلىس اۋماعى شامامەن 40-50 مىڭ شارشى مەتر جەردى الادى. پيلوتتىق جوبا اياسىندا سالىناتىن كوتتەدجدەر كەنتى بىرىڭعاي بىردەي ساۋلەت ۇلگىسىندە بوي كوتەرمەكشى.
قالا اكىمدىگىنىڭ حابارىنشا, الداعى ساۋىردەن باستاپ جەكە ءۇي سالعىسى كەلەتىن تۇرعىندارعا 120, 160 جانە 200 شارشى مەتردەن ۋچاسكەلەر بەرىلمەك. بانكتەردىڭ وكىلدەرى ۇسىنىستارىن ايتىپ, پايىزدىق مولشەرلەمەلەرى تانىستىرىلماق. قۇرىلىس جۇمىستارىنا جەرگىلىكتى جانە استانالىق ەكى-ءۇش كومپانيا قاتىسۋى مۇمكىن. قالادا قازىر 3500-عا جۋىق ادام ء ۇي كەزەگىندە تۇر. ال جاڭادان سالىناتىن كوتتەدجدى اۋداندا ءبىر مەكتەپ, ەكى بالاباقشا قۇرىلىسى دا جوسپارلانىپ وتىر.
فاريدا بىقاي,
«ەگەمەن قازاقستان»
