«مەنىڭ اۋلام» باعدارلاماسى اياسىندا اتقارىلاتىن بۇل جۇمىستار اسفالت توسەۋ, جارىقتاندىرۋ, كولىك تۇراقتارى مەن بالالاردىڭ ويىن الاڭىن رەتتەۋ, جاياۋ جۇرگىنشىلەر جولىن جوندەۋ جانە كوگالداندىرۋدى قامتيدى. سونداي-اق جۋىلعان كىردى ىلەتىن الاڭقايلار مەن اۋلا الاڭدارىنا قورشاۋلار ورناتىلىپ, قوقىس جيناۋعا ارنالعان كونتەينەرلەر الاڭى جاسالادى.
ايتا كەتەتىن ءجايت, قالا تۇرعىندارى وزدەرى تۇراتىن اۋلاعا قاجەتتى اباتتاندىرۋ جۇمىستارىن وزدەرى انىقتايدى. وسىعان وراي اۋلالاردى ىرىكتەۋ ءتارتىبى مەن باسىمدىعىن انىقتاۋ ءۇشىن ارنايى جۇمىس توبى قۇرىلعان. ءوز كەزەگىندە وبلىس اكىمى دانيال احمەتوۆ بۇل ماسەلەنى اسىقپاي شەشۋدى ءجون كوردى.
«بۇل جۇمىستاردى جالعان باسەكەلەستىككە اينالدىرىپ, اسىعىس شەشىم قابىلداۋدىڭ قاجەتى جوق. بۇل ادامداردىڭ ءومىر ءسۇرۋ ساپاسىنا اسەر ەتەتىن جۇمىس. مەن ناقتى مىندەت قويىپ وتىرمىن. ەڭ باستىسى بولىنگەن اقشانى يگەرىپ, جوعارى ساپالى جوندەۋ جۇمىستارىن جۇرگىزۋ قاجەت», - دەدى ايماق باسشىسى.
وبلىس اكىمىنىڭ ءباسپاسوز قىزمەتىنىڭ تاراتقان مالىمەتتەرىنە سۇيەنسەك, قازىرگى ۋاقىتتا قالانىڭ بارلىق شاعىن اۋداندارىنان «مەنىڭ اۋلام» جوباسىنا قاتىسۋ ءۇشىن 90 ءوتىنىش تۇسكەن, ونىڭ ىشىندە 30 اۋلانى اعىمداعى جىلى قامتۋ جوسپارلانىپ وتىر. وتكەن جىلدىڭ تاجىريبەسى كورسەتكەندەي, ءبىر اۋلانى كۇردەلى جوندەۋ ءۇشىن 1,5 اي ۋاقىت كەرەك.
ايتا كەتەيىك, وبلىس ورتالىعىندا 946 اۋلا بار, ونىڭ 311-ءى كۇردەلى جوندەۋگە مۇقتاج.
ازامات قاسىم,
«ەگەمەن قازاقستان»
