ەرلان ساعاديەۆ پەن ماڭعىستاۋ وبلىسىنىڭ اكىمى ەرالى توعجانوۆ ش.ەسەنوۆ اتىنداعى كمتجيۋ پروفەسسورلارى مەن وقىتۋشىلارىنا ارنالعان 75 پاتەرلىك ءۇيدىڭ اشىلۋ راسىمىنە قاتىسىپ, 10 ۇستازعا جاڭا پاتەردىڭ كىلتىن بەردى.
«قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا پەداگوگتار الدىندا ءبىلىم بەرۋ مەن عىلىمدى دامىتۋ بويىنشا ناقتى مىندەتتەر قويىلعانى بارشامىزعا ءمالىم. «رۋحاني جاڭعىرۋ» باعدارلاماسى اياسىندا العاش رەت وبلىستاعى بارلىق ءبىلىم بەرۋ ۇيىمدارىندا «جاسىل مەكتەبىم – جاسىل مەكەنىم» اتتى جوباسىن ىسكە قوستىق. جوبا اياسىندا كەزەڭ-كەزەڭىمەن بارلىق مەكتەپتەردە جىلىجايلار سالىنىپ, مەكتەپ اۋلالارى كوگالداندىرىلاتىن بولادى. ايماقتىڭ كليماتتىق ەرەكشەلىگىنە بايلانىستى قولعا الىنىپ وتىرعان بۇل جوبا مەتسەناتتار تاراپىنان قولداۋ تاپتى», دەدى ايماق باسشىسى ەرالى توعجانوۆ.
«ەلباسى جولداۋىنداعى كورسەتىلگەن مىندەتتەردىڭ اراسىندا ءبىلىم سالاسىنا ارنالعان بىرقاتار تاپسىرما بار. ارينە ونىڭ ءبارىن ۇيىمداستىرىپ, ورىنداۋ ءۇشىن ۇستازداردىڭ مارتەبەسىن كوتەرۋ كەرەك. مىنە بۇگىن دە ولارعا كورسەتىلگەن قامقورلىق پەن ءىلتيپاتتىڭ كۋاگەرى بولىپ وتىرمىز. جاڭا قونىستى بولعان ۇستازداردى مينيسترلىكتىڭ اتىنان قۇتتىقتايمىن! شاڭىراقتارىڭىز شاتتىققا تولسىن!» دەدى قۇتتىقتاۋ سوزىندە ءبىلىم جانە عىلىم ءمينيسترى ەرلان ساعاديەۆ.
«تسيفرلى قازاقستان» باعدارلاماسى اياسىندا مەكتەپتەر 90% كەڭ جولاقتى ينتەرنەت جەلىسىمەن قامتاماسىز ەتىلدى. وسى جىلدىڭ سوڭىنا دەيىن ينتەرنەتپەن قامتۋ ماسەلەسى تولىقتاي شەشىلەدى. مينيسترلىك تاراپىنان 600-دەن استام مۇعالىم اعىلشىن ءتىلى كۋرستارىنان ءوتىپ, جەرگىلىكتى بيۋدجەت قارجىسىنا 300 اۋىل مۇعالىمى اعىلشىن ءتىلىن مەڭگەرۋدە. قاڭتار ايىنان باستاپ وقۋشىلارعا ءوز كاسىبىن اشۋدى ۇيرەتۋ ماقساتىندا وبلىستىڭ 30 مەكتەبىندە كاسىپكەرلىك نەگىزدەرى جاڭا جوباسىن باستالدى.
مينيستر ماڭعىستاۋ وبلىسىنىڭ جوعارى وقۋ ورىندارىنىڭ اكادەميالىق كەڭەستەرىمەن كەزدەسىپ, ەلباسىنىڭ ء«تورتىنشى يندۋستريالدى رەۆوليۋتسيا جاعدايىندا جاڭا دامۋ مۇمكىندىكتەرى» جولداۋىن تالقىلادى.
گۇلايىم شىنتەمىرقىزى,
«ەگەمەن قازاقستان»
