ەلباسى جولداۋلارى ەلدىڭ جۇرەگىنەن – استانادان جولدانادى. سوندىقتان وسىعان دەيىنگى جانە وسى جولعى جولداۋدا دا ەلوردا قۇندىلىعى ءسوز ەتىلدى. ءبىز, جوعارى مەكتەپتىڭ وكىلى جانە ەلوردانىڭ حالىق قالاۋلىسى رەتىندە ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرىنە بايلانىستى ەلباسى جولداۋىن زور شىنايى سەزىممەن قابىلدادىق. باعدارلامالىق ماڭىزى تەرەڭ, تۇجىرىمداماسى انىق بۇل جولداۋ ناتيجەلى جۇمىستارعا باستايتىنىنا سەنىمدىمىز.
پرەزيدەنت الەمدىك سىن-قاتەرلەرگە توتەپ بەرەتىن دامۋ مەن جاڭارۋدى كۇن تارتىبىنە قويۋى – بارىمىزگە ەلەۋلى مىندەت جۇكتەيدى.
مەملەكەت باسشىسى جولداۋلارىنىڭ بارىندە دەرلىك ءبىلىم-عىلىم جۇيەسى ءاردايىم ەسكەرىلەدى. بۇگىندە عىلىم مەن ءبىلىم – دامۋدىڭ العىشارتى عانا ەمەس, قوزعاۋشى كۇشى دە. تاياۋدا عانا مەملەكەتىمىزدىڭ ابىرويىن اسقاقتاتقان ەكسپو-2017 استاناداعى نازارباەۆ ۋنيۆەرسيتەتىنىڭ, ەۋرازيا ۇلتتىق ۋنيۆەرسيتەتىنىڭ, ونەر ۋنيۆەرسيتەتىنىڭ, اگروتەحيكالىق ۋنيۆەرسيتەتتىڭ, مەديتسينا اكادەمياسىنىڭ, باسقا دا جوعارى وقۋ ورىندارىنىڭ عىلىمعا, مادەنيەتكە دەگەن تالپىنىسىن ەسەلەي ءتۇستى.
ءبىلىم مەن رۋحاني جاڭعىرۋعا بايلانىستى وسىعان دەيىنگى ىزدەنىستەرىمىزدى ەلباسى نۇسقاعان دامۋدىڭ جاڭا مۇمكىندىكتەرى ساپالاندىرا تۇسەدى دەپ سانايمىز.
جولداۋدا ادام كاپيتالىنا بايلانىستى جاڭا ۇسىنىستار ايتىلىپ, تىڭ باعىتتار كورسەتىلدى. سونىڭ ىشىندە پەداگوگيكا سالاسى مەن ماماندىقتارىن ساپالاندىرۋعا بايلانىستى تۇجىرىمدار, ءبىلىم مازمۇنىن زامانا تالابىنا ساي قۇرۋعا قاتىستى ويلار, جاراتىلىستانۋ عىلىمدارى مەن اقپاراتتىق تەحنولوگيالاردى وزىق جۇيە اياسىندا دامىتۋعا قاتىستى بايىپتامالار سالا ماماندارىنىڭ كوكەيىنەن شىعىپ وتىر.
ەلباسىنىڭ ء«بىلىم بەرۋ سالاسىن ەكونوميكانىڭ جەكە سالاسى رەتىندە دامىتۋ كەرەك» دەگەن ويى دا جاڭاشىل ءارى وزەكتى. سونداي-اق ۋنيۆەرسيتەت عىلىمىنا, جاس عالىمداردى قولداۋعا قاتىستى ماڭىزدى تۇجىرىمدار زور مۇمكىندىك تۋعىزادى دەپ سەنەمىز.
جولداۋدا «جاستاردى جاڭا تەحنولوگيالىق قالىپقا دايىنداۋ» تەزيسى ەرەكشە ايتىلدى. سونداي-اق بالالار تەحنوپاركى مەن بيزنەس-ينكۋباتورىن قالىپتاستىرۋعا بايلانىستى ەلباسى باستاماسى ەلوردادان وڭىرلەرگە دەيىنگى ءبىلىم جۇيەسىنە جاقسى ىقپال ەتەدى دەگەن پىكىردەمىز.
بارلىق سالادا, اسىرەسە ءبىلىم سالاسىندا وتانشىلدىق, باسەكەگە قابىلەتتى ءبىلىم, تاجىريبە قاي قيىندىقتان بولسىن الىپ شىعادى. جولداۋداعى مەملەكەت ءتىلى باستاعان ءۇش ءتىلدى تەرەڭ مەڭگەرۋ جايى, ورتا مەكتەپتىڭ ءبىلىم مازمۇنى, كاسىپتىك ءبىلىمنىڭ الەۋەتى, تسيفرلى بىلىك, وقۋ جۇيەسىن ساپالاندىرۋعا جەكە كاپيتالدى تارتۋ جانە باسقا دا ەلەۋلى تۇجىرىمدار سالانىڭ جاڭا جاعدايداعى دامۋىنا كەڭ جول اشادى دەپ ويلايمىز.
ەلباسى ەلگە سەنەدى, ەل ءبىرتۇتاس حالقىمىز مەملەكەت باسشىنىڭ باتىل دا ساليقالى باستامالارىن قولدايدى. جولداۋدىڭ ماڭىزى دا وسىندا.
ەرلان سىدىقوۆ,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى,
قر ۇعا اكادەميگى
