ءىس-قيمىلدى جالعاستىرۋ تاپسىرىلدى

كەشە قازاقستان رەسپۋبليكاسى پرەزيدەنتىنىڭ كومەكشىسى – قاۋىپ­سىزدىك كەڭەسىنىڭ حات­شىسى م.ءتاجين باس پروكۋراتۋرادا ەكونومي­كا­لىق قىلمىسقا جانە سى­بايلاس جەمقورلىققا قارسى كۇرەس اگەنتتىگىنىڭ توراعاسى ق.قو­جام­جاروۆتىڭ, ىشكى ىستەر ءمينيسترى ق.قاسىموۆتىڭ, پرەزيدەنت اكىمشى­لىگى­نىڭ ءبولىم مەڭگەرۋشىسى ا.شپەكباەۆتىڭ, پرەزيدەنت اكىمشىلىگىنىڭ, قۇ­قىق قورعاۋ ورگاندارىنىڭ باسقا دا جاۋاپتى قىز­مەت­كەرلەرىنىڭ قاتى­سۋى­مەن ازاماتتاردىڭ كونستيتۋتسيالىق قۇقىقتارىن ساقتاۋدى قام­تاماسىز ەتۋدەگى قۇقىقتىق ستاتيستيكا جانە ارنايى ەسەپكە الۋدىڭ ات­قا­راتىن ورنىنا ارنالعان كەڭەس وتكىزدى, دەپ حابارلادى باس پروكۋ­را­تۋرانىڭ ءباسپاسوز قىزمەتى. باس پروكۋرور اسحات داۋىلباەۆ جانە  باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونiندەگi كوميتەتىنىڭ توراعاسى مارات احمەتجانوۆ باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونiندەگi كوميتەتىنىڭ تال­دامالى جانە اقپاراتتىق-بولجامدىق جۇمىستارىندا يننوۆاتسيالىق تەحنو­لو­گيالاردى قولدانۋىنىڭ ناتيجەلە­رى تۋرالى باياندادى. قىلمىستىق جاع­داي­دىڭ ءۇردىسى نەعۇرلىم جەتىلدىرىلگەن پرەۆەنتيۆتى قۇقىق قورعاۋ شارا­لا­رىن قابىلداۋ ءۇشىن بۇكىل قۇقىق قورعاۋ بلوگىنىڭ كۇشتەرىن شوعىر­لان­دىرۋ قاجەتتىگى ەرەكشە اتاپ ءوتىلدى. قوعامداعى قۇقىقتىق قۇبىلىس­تىڭ بارىنشا كوپ سپەكترلەرى تۋرالى ەڭ تولىق جانە راستالعان قۇقىقتىق اق­پاراتتارعا يە زاماناۋي اقپاراتتىق تەحنولوگيالار جۇمىستاعى اسا ما­ڭىز­دى تىرەك بولىپ تابىلادى, ونى زاڭ­دى­لىق پەن قۇقىقتىق ءتارتىپتى قامتا­ما­سىز ەتۋ ىسىنە دەر كەزىندە جانە شەبەر قولدانۋدىڭ ماڭىزى زور. كوميتەت ءبىر ينتەگراتسيالاندى­رىل­عان دەرەكتەر بانكىنە بىرىكتىرىلگەن ارنايى ەسەپكە الۋدىڭ 13 ءتۇرىن ءجۇر­گى­زۋدى قامتاماسىز ەتەدى. ولاردىڭ ارا­سىن­دا سونداي-اق تەرروريستىك قىزمەت­تى جۇزەگە اسىرعانى جانە سوت تەرروريستىك دەپ تانىعان قىزمەتتى ۇيىم­داس­تىرعانى ءۇشىن جاۋاپكەرشىلىككە تارتىلعان ادامدار تۋرالى; ەكسترە­ميزم ءۇشىن جانە سوت ەكسترەميستىك دەپ تانىعان قىزمەتتى ۇيىمداستىرعانى ءۇشىن جاۋاپكەرشىلىككە تارتىلعان ادامدار تۋرالى مالىمەتتەر دە بار. وزەكتىلىكتى جانە قۇقىقتىق تال­داۋ­دى ەسكەرە وتىرىپ, جاڭا ءمالى­مەت­تەر دە قالىپتاستىرىلۋدا. وسى جىلى مەملەكەتتىك قىزمەتتەن تەرىس سەبەپتەر بويىنشا شىعارىلعان ادامداردى ەسەپكە الۋ ەنگىزىلدى. كەلەشەكتە كامە­لەتكە تولماعاندار اراسىندا ءوز-وزىنە قول جۇمساۋ, جكو جانە وندا زارداپ شەككەندەردىڭ ەسەبىن جۇرگىزۋ جوسپار­لانىپ وتىر. قولداعى قۇقىقتىق اقپاراتتار 43 ءتۇرلى ستاتيستيكالىق ەسەپتەمەلەر ەسەبىنەن ۇدايى تولىقتىرىلىپ تۇرادى. ولار­دىڭ بارلىعى جاڭا اقپاراتتىق تەحنولوگيالار نەگىزىندە بىرىڭعاي بىرەگەيلەندىرىلگەن ستاتيستيكالىق جۇيەگە ەنگىزىلگەن. ەندى, قۇقىق بۇزۋشى تۋرالى تولىق اقپارات الۋ ءۇشىن قۇقىق قورعاۋ ورگان­دارى ءبىر ەلەكتروندىق ساۋال جىبەرسە بولدى, لەزدە جاۋاپ الا الادى. بۇل رەتتە, قازىرگى زامانعى قۇقىقتىق ستاتيستيكا قۇقىق قورعاۋ ورگاندارىن قۇ­قىق بۇزۋ­شىلىقتاردىڭ الدىن الۋعا باعىتتاۋ ءۇشىن تالداۋ جانە بولجاۋ جۇمىستارىن جۇرگىزۋگە مۇمكىندىكتەر بەرەدى. قاتىسۋشىلار كوميتەتتىڭ ارنايى ەسەپكە الۋدى جۇرگىزۋدى ۇيىمداستىرۋ جانە قىلمىستىق-قۇقىقتىق ستاتيستيكا قالىپتاستىرۋ جونىندەگى جۇمىس­تارىمەن تانىستى. قاۋىپسىزدىك كەڭەسىنىڭ حاتشىسى م.ءتا­جين قۇقىق قورعاۋ ورگاندارى قىز­مەتىنىڭ تيىمدىلىگىن ەداۋىر ارت­تى­رۋعا مۇمكىندىك بەرەتىن قۇقىقتىق ستاتيستيكا جۇيە­سىندەگى يننوۆاتسيالىق جوبالاردى ىسكە اسىرۋ ناتيجەلەرىنە وڭ باعا بەردى.  ول قۇقىق بۇزۋشى­لىق­تار­دىڭ الدىن الۋ, ازاماتتاردىڭ قۇ­قىقتارىن پارمەندى قورعاۋ بويىنشا دەر كەزىندەگى شارا­لار­دى بولجاۋعا جانە قابىلداۋعا باعىت­تالعان اقپاراتتىق-تالداۋ جۇمىستارىن ودان ءارى جەتىلدىرۋ جونىندەگى ءىس-قي­مىل­دى جالعاستىرا بەرۋدى تاپسىردى.