سونىڭ ىشىندە اگروونەركاسىپ كەشەنىن قارقىندى دامىتۋ مۇمكىندىگى تۋرالى ايتۋى زاڭدى. مۇنى ەلباسى جىل سايىنعى جولداۋىندا ۇنەمى جادىنان شىعارعان ەمەس. نەگە؟ ويتكەنى قازىرگىدەي وركەنيەت كەزەڭى داۋىرلەپ تۇرعان شاقتا اۋىلشارۋاشىلىق سالاسىن جاڭا تەحنولوگياعا بەيىمدەۋ ۋاقىت تالابىنان تۋىنداپ وتىر. ەڭ ءبىرىنشى, بەس جىل ىشىندە ەڭبەك ونىمدىلىگىن 2,5 ەسەگە ۇلعايتۋ قاجەتتىگىن العا تارتتى. سوسىن وڭدەلگەن ءونىمنىڭ ەكسپورتىن ۇلعايتۋ ماسەلەسى دە بۇگىنگى كۇنى باسى اشىق ماسەلە. بۇل – دۇرىس. بىراق, قايتىپ كوتەرۋ كەرەك؟ ايتالىق, جۇمىستى تسيفرلى جۇيەگە اۋىستىرۋ قازىر جەر-جەردە ءىشىنارا بولسا دا بىرتىندەپ قولعا الىنىپ جاتىر. ماسەلەن, ءبىزدىڭ «قارقىن» جشس-ندە مۇنى باستادىق. قىستىڭ كۇنى تاعى نىعايتا تۇسەمىز. ياعني بۇل جاعىنان قىرۋار جۇمىس ىستەلىپ جاتىر.
ەكىنشىدەن, وتاندىق ونىمدەردى حالىقارالىق نارىققا شىعارۋدىڭ ستراتەگيالىق جولىن تابۋ ارقىلى قولعا العان شارۋانى العا باستىرا بەرۋ قاجەتتىگى دە بەكەر ەمەس. بۇل رەتتە ءونىمنىڭ ساپاسىنا باستى نازار اۋدارىلۋى ءتيىس. ونسىز ەكسپورتتى ۇلعايتۋ مۇمكىن ەمەس. بۇگىندە ەلىمىزدە كومباين, تراكتور سەكىلدى اۋىلشارۋاشىلىق تەحنيكالارى قۇراستىرىلىپ جاتىر. جەرگىلىكتى تاۋار وندىرۋشىلەر وزىمىزدەن شىققان تەحنيكالاردى الۋى كەرەك. سوندا سالىق تا, قارجى دا شەتەل اسپاي, ءوز ىشىمىزدە قالادى. ونىڭ ۇستىنە, وتاندىق تەحنيكا ساتىپ العان كاسىپكەرلەرگە ۇكىمەت 25% سۋبسيديا تولەيدى. بۇل – ۇلكەن جاردەم.
جالپى, بۇل جولعى جولداۋدا دا كوپتەگەن ماسەلە كوتەرىلدى. بۇل ءبىر جاعىنان اۋىلدا تۇراتىن ەڭبەكشى قاۋىمدى ىنتالاندىرا تۇسەدى. ماسەلەن, ەلباسى بىلتىرعىمەن سالىستىرعاندا الەۋمەتتىك سالاعا بولىنەتىن قارجىنىڭ 12 پايىزعا وسكەنىن ايتتى. جاعىمدى جاڭالىق! ويتكەنى حالىقتىڭ جارتىسى اۋىلدا تۇرادى. اۋىل وركەندەسە, شارۋاشىلىق جۇمىستارى تەجەلمەيدى. تەك مەملەكەت اۋىلدارعا اۋىز سۋ قۇبىرىن تارتىپ, جولىن جوندەپ بەرسە شارۋا ءبىراز ەڭسەرىلىپ قالار ەدى.
ءوز باسىم جولداۋدان كوپ نارسە ۇقتىم. مۇنى جۇزەگە اسىرۋ كەزەك كۇتتىرمەس شارا دەپ بىلەمىن.
سايران بۇقانوۆ,
قازاقستاننىڭ ەڭبەك ەرى
قوستاناي وبلىسى
