سالتاناتتى شاراعا قازاقستان رەسپۋبليكاسى جوعارعى سوتىنىڭ جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىسى نۇرسەرىك ءشارىپوۆ, جامبىل وبلىستىق سوتىنىڭ توراعاسى رۇستەم مىرزاكارىم, سوت جۇيەسىنىڭ ارداگەرى قۇدايبەرگەن ۇسەنباەۆ قاتىسىپ, جاڭا عيماراتتىڭ لەنتاسىن قيدى. سونىمەن قاتار, اتالعان شاراعا وبلىس بويىنشا سوتتار اكىمشىسىنىڭ باسشىسى بەرىك قۇلتاسوۆ, اۋدان اكىمىنىڭ مىندەتىن اتقارۋشى ابدىكەرىم ۇركىمباەۆ, سونداي-اق قۇقىق قورعاۋ ورگاندارىنىڭ جەتەكشىلەرى, «نۇر وتان» پارتياسى فيليالىنىڭ قىزمەتكەرلەرى, سۋديالار مەن سالا ارداگەرلەرى جانە ۇكىمەتتىك ەمەس ۇيىمداردىڭ وكىلدەرى مەن اۋدان تۇرعىندارى قاتىسىپ, قولداۋ ءبىلدىردى.
نۇرسەرىك ءشارىپوۆ ءوزىنىڭ قۇتتىقتاۋ سوزىندە مەملەكەتتىڭ سوت بيلىگىنىڭ وركەندەۋىنە ولشەۋسىز قولداۋ كورسەتىپ وتىرعانىن ايتا كەلە, كەيبىر ازاماتتاردىڭ سوت جۇيەسىمەن بايلانىسۋىنا تۋرا كەلەتىنىن, سوندىقتان سوت ولار ءۇشىن سادىلدىككە جەتۋدىڭ سوڭعى ءۇمىتى ەكەنىن دە ايتىپ ءوتتى. ال رۇستەم مىرزاكارىم سوت قىزمەتكەرلەرىن قۇتتىقتاپ, 1984 جىلدان بەرى ىڭعايلاستىرىلماعان ەسكى عيماراتتا ورنالاسقان اۋداندىق سوت ۇجىمىنىڭ ەندى تىڭ سەرپىنمەن قىزمەت ەتەنىنىنە سەنىم ءبىلدىردى.
جاڭا عيماراتتىڭ جالپى الاڭى 1482,9 شارشى مەتر بولسا, جالپى قۇنى 288 ميلليون تەڭگەدەن استام قارجىنى قۇرايدى. ىرگەتاسى وتكەن جىلدىڭ ماۋسىم ايىندا قالانىپ, جىل باسىندا پايدالانۋعا بەرىلگەن سوت عيماراتىندا زاماناۋي تالاپقا ساي سالىنعان ءۇش سوت ءماجىلىسى زالى, سۋديالاردىڭ كەڭەسۋ بولمەلەرى, كۇتۋ زالدارى, پروكۋرور مەن ادۆوكاتتاردىڭ كابينەتتەرى بار. سونداي-اق, مۇراعات پەن اسحانا دا جاڭا عيماراتتان ورىن العان.
حاميت ەسامان,
«ەگەمەن قازاقستان»
