مەملەكەت باسشىسى ءوزىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جىل سايىنعى قازاقستان حالقىنا جولداۋى اياسىندا مەملەكەتتىك ورگانداردىڭ ۆەدومستۆوعا قاراستى ۇيىمدارىن قىسقارتۋ ەسەبىنەن كەڭەيتۋمەن جەكەشەلەندىرۋ جوسپارىن ىسكە اسىرۋدى جىلدامداتۋدى, سونداي-اق اكىمشىلىك شىعىنداردى ازايتۋ ءۇشىن مەملەكەتتىك ورگانداردىڭ ۆەدومستۆوعا قاراستى ۇيىمداردى مۇمكىندىگىنشە شوعىرلاندىرۋدى تاپسىردى.
«قازىرگى ۋاقىتتا 2016-2020 جىلدارعا ارنالعان جەكەشەلەندىرۋدىڭ كەشەندى جوسپارى 904 وبەكتىنى قامتيدى. ولاردىڭ 876 وبەكتىسى تۋرالى تولىق اقپاراتتار gosreestr.kz ۆەب-پورتالىنا شىعارىلدى. بۇل تىزىمگە قايتا قۇرىلاتىن جانە قايتا تىركەۋدەن وتەتىن 28 رەسپۋبليكالىق مەنشىك وبەكتىسى ەنگىزىلگەن جوق», — دەدى باقىت سۇلتانوۆ.
ەكى جىل ىشىندە كەشەندى جوسپاردىڭ 476 وبەكتىسى ساۋدا-ساتتىققا شىعارىلىپ, 164 ملرد تەڭگە سوماعا 367-ءسى ساتىلدى. 2018 جىلدىڭ 1 قاڭتارىنداعى جاعداي بويىنشا 255 وبەكتى قايتا ۇيىمداستىرىلۋ جانە تاراتىلۋ ساتىسىندا.
قارجى ءمينيسترىنىڭ ايتۋىنشا, جالپى جەكەشەلەندىرۋدىڭ كەشەندى جوسپارىنىڭ ورىندالۋى 71% قۇرايدى.
2017 جىلى ساۋدا-ساتتىققا شىعارۋعا 463 وبەكتى جوسپارلانعان. جوسپار 97% ورىندالدى: 289 وبەكتى ساۋدا-ساتتىققا شىعارىلىپ, ونىڭ 190-ى ساتىلدى. 162 وبەكتى قايتا ۇيىمداستىرىلدى جانە تاراتىلدى. 12 وبەكتى اۋىرتپالىقتارعا بايلانىستى 2018 جىلعا اۋىستىرىلدى.
«مينيسترلىك ۇسىنعان تالداۋ كورسەتكەندەي, وبەكتىلەردى وتكىزۋ قارقىنى جىلدامداعانىن كورسەتتى. وسىلايشا, 2017 جىلى وتكىزۋشىلىك وتكەن كەزەڭدەگى سايكەس كورسەتكىشتەن 15% استى. ساتىلعان وبەكتىلەردىڭ باعاسى ولاردىڭ تەڭگەرىمدىك قۇنىنان 8%-عا استى. بۇرىنعىداي ساتۋدىڭ نەگىزگى ءادىسى اۋكتسيون مەن تەندەر بولىپ قالدى – 73%», — دەپ مالىمدەدى قارجى ءمينيسترى.
سونداي-اق, باقىت سۇلتانوۆ وتكىزىلىپ جاتقان جەكەشەلەندىرۋگە قىزىعۋشىلىق ەداۋىر ارتقانىن اتاپ ءوتتى. ساۋدا الاڭىنا بەلسەندى كەلۋشىلەر سانى 12% ارتتى. بۇدان وزگە, ساۋدا-ساتتىقتاعى باسەكەلەستىك ارتتى — ءبىر ساۋدا-ساتتىققا قاتىسۋشىلاردىڭ ورتاشا سانى شامامەن 4-5 قۇرايدى, ال بۇعان دەيىن ولار 3-تەن اسپايتىن.
ۇلتتىق ەكونوميكا ءمينيسترى تيمۋر سۇلەيمەنوۆ ءوز كەزەگىندە مەملەكەتتىك مەنشىكتەگى ءىرى وبەكتىلەردى جانە «سامۇرىق-قازىنا» ۇاق» اق-نىڭ اكتيۆتەرىن جەكەشەلەندىرۋ ماسەلەلەرى تۇراقتى نەگىزدە قر ەكونوميكاسىن جاڭعىرتۋ ماسەلەلەرى جونىندەگى مەملەكەتتىك كوميسسياسىندا قارالاتىنىن اتاپ ءوتتى.
مەملەكەتتىك كوميسسيانىڭ ۇسىنىسى نەگىزىندە جەكەشەلەندىرۋگە جاتاتىن ۇيىمداردىڭ تىزبەسى مەملەكەتتىك مەنشىكتەگى بەس ۇيىمدى جانە «بايتەرەك» ۇبح» اق-ءنىڭ بىر وبەكتىسىن الىپ تاستاۋ ارقىلى وزەكتەندىرىلەدى. قازىرگى ۋاقىتتا قر ۇكىمەتى قاۋلىسىنىڭ سايكەس جوباسى ازىرلەندى, قازىر مەملەكەتتىك ورگانداردا كەلىسۋدە جاتىر.
«مەملەكەت باسشىسىنىڭ تاپسىرمالارىن ورىنداۋ ماقساتىندا قر ۇەم بارلىق مۇددەلى تاراپتاردىڭ قاتىسۋىمەن مەملەكەتتىك ورگانداردىڭ باعىنىشتى ۇيىمدارىن تولىق تۇگەندەۋ جۇرگىزۋ ءۇشىن جۇمىس توبىن قۇرادى. وسىلايشا, جەكەشەلەندىرۋگە جاتاتىن وبەكتىلەر تىزبەسىن جاڭارتۋ بويىنشا الداعى جۇمىس مەملەكەت باسشىسىنىڭ تاپسىرمالارى شەڭبەرىندە جۇزەگە اسىرىلاتىن بولادى», — دەدى تيمۋر سۇلەيمەنوۆ.
جەكەشەلەندىرۋ جۇرگىزۋ بارىسى بويىنشا سونداي-اق «سامۇرىق-قازىنا» ۇاق باسقارۋشى ديرەكتورى نۇرلان راحمەتوۆ, «بايتەرەك» ۇبح باسقارما توراعاسىنىڭ ورىنباسارى عالىمجان تاجياقوۆ, «قازاگرو» ۇبح باسقارما توراعاسى نۇرلىبەك مالەلوۆ تۇسىنىكتەمە بەردى.
تالقىلاۋ قورىتىندىسى بويىنشا باقىتجان ساعىنتاەۆ مەملەكەتتىك ورگاندار مەن حولدينگتەردىڭ باسشىلارىنا وبەكتىلەردى ساتۋ كەستەسىن ساقتاۋ قاجەتتىگى تۋرالى ەسكە سالىپ, ولاردى بەكىتىلگەن مەرزىمدەردە وتكىزۋدى تاپسىردى. پرەمەر-مينيستر ايتىپ وتكەندەي مەملەكەت باسشىسىنىڭ جەكەشەلەندىرۋدى جۇرگىزۋ بويىنشا تاپسىرماسى 2018 جىلدىڭ سوڭىنا دەيىن ورىندالۋى ءتيىس. ەشقانداي دالەلدەر قابىلدانبايدى. باقىتجان ساعىنتاەۆ جەكەشەلەندىرۋدى جۇرگىزۋ بارىسىن كىم ورىنداپ جاتقانىن جانە كىم قالىپ كەلە جاتقانىن كورسەتە وتىرىپ, توقسان سايىن تەكسەرۋدى تاپسىردى.
تاپسىرمالاردىڭ ورىندالۋىن باقىلاۋ پرەمەر-ءمينيستردىڭ ورىنباسارى ەربولات دوساەۆقا جۇكتەلدى.
