بۇل جاعداي قاڭتاردىڭ باستاپقى كۇندەرىندە بولعان. قىتاي ءوندىرىسى شىعارعان «VAN» اۆتوبۋسى اۋليەكول اۋدانىنا تۇنگى ساپارمەن كەتىپ بارا جاتىپ, قاتتى ايازعا شىداماي, مايى اعىپ كەتەدى دە توقتاپ قالادى. ال جولاۋشىلاردىڭ اراسىندا بالالار مەن ايەلدەر دە بار بولاتىن. اۆتوبۋس ءتۇن ىشىندە توقتاپ تۇرا بەرگەندە ولاردى ۇسىك شالۋى ابدەن مۇمكىن ەدى.
وسى كەزدە تاس جول بويىندا كەزەكشىلىكتە جۇرگەن پوليتسەيلەر سىنىپ تۇرعان اۆتوبۋستى كورەدى. ولار اۆتوبۋس جولاۋشىلارىن تاس جولدان وتكەن كولىكتەرگە توپ توبىمەن وتىرعىزىپ, قالاعا جەتكىزىپ سالۋىن ءوتىندى. الدىمەن بالالار مەن ايەلدەردى جىبەردى. جۇرگىزۋشى ەۆگەني كيم ءوزىنىڭ ارىپتەسىن كۇتتى, ول ارنايى مايىن جەتكىزگەن سوڭ, اۆتوبۋس وتالادى دا, ونى پوليتسەيلەر قوستانايعا دەيىن جەتكىزىپ سالدى.
وسىنشا ادامدى ءۇسىپ كەتۋدەن قۇتقارعان اعا سەرجانتتاردىڭ پوليتسيادا قىزمەت ەتكەندەرىنە ون جىلداي بولدى. وسى جىلدار ىشىندە تاس جول بويىنداعى ءتۇرلى جاعدايلارعا كۋا بولىپ كەلەدى. قىس قاھارىنا مىنگەن كەزدە جەرگىلىكتى پوليتسيانىڭ جول-پاترۋلدىك باتالونى دا سىرتقى جولدار بويىندا كەزەكشىلىكتى كۇشەيتە ءتۇستى.
ءنازيرا جارىمبەت,
«ەگەمەن قازاقستان»
