وتكەن جىلى كۇزدە وبلىس اكىمشىلىگى سپورتشىلاردى ماتەريالدىق ىنتالاندىرۋ ماقساتىمەن «قر سپورت تۇرلەرىنەن ۇلتتىق قۇراما كومانداسىنىڭ قۇرامىنا كىرگەن سپورتشىلارعا, سونداي-اق ولاردىڭ جاتتىقتىرۋشىلارىنا, سپورتتىڭ ويىن تۇرلەرىنەن قر قۇراما كوماندالارىندا وينايتىن سپورتشىلار مەن ولاردىڭ جاتتىقتىرۋشىلارى جانە كلۋبتىق كوماندالار جەتەكشىلەرىنە اي سايىن تولەنەتىن قارجىلاي قولداۋدىڭ كولەمىن بەكىتۋ تۋرالى» قاۋلى قابىلداعان بولاتىن. وسى قاۋلىعا سايكەس, 2018 جىلى وليمپيادالىق سپورت تۇرلەرىمەن رەسپۋبليكالىق قۇراما كوماندالارىنىڭ قۇرامىنا ەنگەن سپورتشىلار ايىنا 88,4 مىڭ تەڭگە, ال وليمپيادالىق ەمەس سپورت تۇرلەرىنەن رەسپۋبليكالىق قۇرامالارعا ەنگەن سپورتشىلار 79,6 مىڭ تەڭگە الىپ تۇراتىن بولدى. بۇل ءۇشىن وبلىستىق بيۋدجەتتەن قارجى بولىنەدى.
وبلىستا وسى كەزگە دەيىن سپورتشىلاردى بۇلاي قولداۋ تاجىريبەدە بولعان جوق. بۇل ەلىمىزدەگى «دەنە شىنىقتىرۋ مەن سپورت تۋرالى» زاڭعا ەنگىزىلگەن وزگەرتۋلەر مەن تولىقتىرۋلارعا وراي قولعا الىندى.
ءنازيرا جارىمبەت,
«ەگەمەن قازاقستان»
