ەرلان ماحمۇت ۇلى قوستانايداعى ينجەنەرلىك جانە ەكونوميكالىق ۋنيۆەرسيتەتتى بىتىرگەن. ول ەكونوميكا جانە بيۋدجەتتىك جوسپارلاۋ باسقارماسىنىڭ باس مامانىنان ءبولىم باسشىسىنا, باسقارما باسشىسىنىڭ ورىنباسارىنا دەيىن ءوسىپ, سودان كەيىنگى جىلدارى باسقارماعا جەتەكشىلىك ەتتى. وبلىس اكىمى ارحيمەد مۇحامبەتوۆ جاڭا ورىنباسارى جەتەكشىلىك ەتەتىن سالالاردى تانىستىردى.
«جاڭا ورىنباسار ەكونوميكا, قارجى, مەملەكەتتىك ساتىپ الۋ, سالىق جانە قارجى-نەسيە سالالارى, مەملەكەتتىك اۋديت, قارجىلىق باقىلاۋ, بيۋدجەتارالىق قاتىناس ماسەلەلەرىنە جەتەكشىلىك ەتەتىن بولادى. سونىمەن قاتار وبلىستىق بيۋدجەتتىك كوميسسياعا باسشىلىق ەتەدى, اۋىلدىق جەرلەردى دامىتۋ ءۇشىن اتقارىلاتىن شارالاردى قامتاماسىز ەتەدى» دەدى ارحيمەد بەگەجان ۇلى.
سونىمەن قاتار وبلىستاعى باسقا باسقارمالارعا جاڭا باسشىلار تاعايىندالدى.
ءنازيرا جارىمبەت,
«ەگەمەن قازاقستان»
