بولاشاق بايلانىستار ارناسى كەڭ

قازاقستان مەن امەريكا قۇراما شتات­تا­رى اراسىنداعى قارىم-قاتىناستاردى نى­عاي­تۋ جانە بولاشاق ارىپتەستىك ماسەلەلەرىن كەشە «نۇر وتان» پارتياسى توراعاسىنىڭ ءبىرىنشى ورىنباسارى نۇرلان نىعماتۋلين مەن اقش-تىڭ قازاقستانداعى جاڭا ەلشىسى كەننەت فەيرفاكس تالقىلادى. ەكى ەل اراسىنداعى ديپلو­ما­تيالىق قارىم-قاتىناستار 20 جىل بۇرىن باستالعان. ۆاشينگتون قازاقستاندى اقش-تىڭ ورتالىق ازياداعى ءىس جۇزىندە ەڭ سەنىمدى جانە بولا­شاعى بار ارىپتەسى رەتىندە قا­راستىرادى. نۇرلان نىعماتۋلين ايتىپ وتكەندەي, قازاقستاننىڭ 20 جىلدا قول جەتكىزگەن جەتىستىكتەرى, سونداي-اق حالىقارالىق ارەناداعى بەدەلى ەلباسى, «نۇر وتان» پارتياسىنىڭ توراعاسى نۇرسۇلتان نازارباەۆتىڭ ەسىمىمەن تىكەلەي بايلانىستى. نۇرلان نىعماتۋلين سونداي-اق يادروسىز الەم قۇرۋداعى جانە ەلدەگى دەموكراتيالىق قايتا قۇرۋلارداعى ەلباسى­نىڭ ەرەكشە ءرولىن اتاپ ءوتتى. پارتياارالىق بايلانىس­تار­عا كەلسەك, «نۇر وتان» مەن اقش دەموكراتيالىق پار­تيا­سى اراسىندا كوپ جىلعى ءارىپ­تەستىك قاتىناستار ورناعان. ۇلتتىق دەموكراتيالىق ينستيتۋت ءتورايىمى مادلەن ول­برايت حانىمنىڭ جانە ۇدي پرەزيدەنتى كەننەت مىرزانىڭ شاقىرۋىمەن دەموكراتتار امە­­ريكا پرەزيدەنتى لاۋازى­مى­نا ءوز ۇمىتكەرىن ۇسىنعان حالىق­ارالىق كوشباسشىلار فو­رۋمى­نا «نۇر وتان» حا­لىق­تىق-دەموكراتيالىق پارتيا­سى­نىڭ دەلەگاتسياسى قاتىسقان بولا­تىن. كەننەت فەيرفاكس قازاق­ستان­دىقتاردى تاريحي مەرەكە – تاۋەلسىزدىكتىڭ 20 جىلدىق مەرەيتويىمەن قۇتتىقتاي كەلە, قازاقستاننىڭ قول جەتكىزگەن جەتىستىكتەرىنە جوعارى باعا بەردى. تاراپتار كەڭ اۋقىمدى ءما­سەلەلەر بويىنشا ءوز ويلارى­مەن ءبولىسىپ, قازاقستان مەن اقش اراسىندا تابىستى بو­لا­شاق ارىپتەستىكتى جالعاستىرۋ ءۇشىن ۇلكەن الەۋەت بار ەكەنىن اتاپ ءوتتى. «ەگەمەن-اقپارات».