حاتتا «ەلىمىزدىڭ كومىر وندىرىسىندەگى كوپ جىلعى ەڭبەگىڭىز ءۇشىن العىس ايتامىن. ءسىزدىڭ ءومىر جولىڭىز – بۇل ادالدىق, مىندەت پەن كاسىبيلىكتىڭ ناعىز ۇلگىسى. ءسىز سالانىڭ الەۋمەتتىك-ەكونوميكالىق دامۋىنا ۇلكەن ۇلەس قوستىڭىز. بۇگىندە ءبىلىمىڭىز, تاجىريبەڭىز بەن دانالىعىڭىز قاراعاندى كەنشىلەرىنىڭ ءداستۇرىن جالعاستىرۋشى جاس ۇرپاقتى تاربيەلەۋدە پايداسىن تيگىزۋدە», دەلىنگەن.
سونىمەن قاتار وبلىس اكىمى مەملەكەت باسشىسىنىڭ اتىنان مەرەيتوي يەسىنە التىن بەلگىنى تابىستادى. القالى جيىندا ەلىمىزدىڭ دامۋىنا زور ۇلەسىن قوسقان ارداگەردىڭ ەسەلى ەڭبەگى ايتىلدى. ءوز زامانداستارى ونى «كەن ونەرىنىڭ گەنەرالىنا» تەڭەيتىندىگىن جەتكىزدى. ولار نيكولاي ءدريدجدىڭ ومىربايانىنداعى ەڭ جارقىن كەزەڭ قازاقستاننىڭ «قارا ءىنجۋى» – شۇباركول كومىر رازرەزى ەكەنىن دە اتاپ ءوتتى.
بۇگىندە ۋنيۆەرسيتەتتە پروفەسسور دريجد قۇرعان «كەن مەتاللۋرگيا كەشەنىنىڭ مەتان ەنەرگەتيكاسى» زەرتحاناسى جۇمىس ىستەپ تۇرعانىن ايتا كەتەيىك. زەرتحانا تانىمال الەمدىك وندىرۋشىلەردىڭ جابدىقتارىمەن جابدىقتالعان.
نيكولاي دريجد سالالىق «قاراعاندى كومىر» بىرلەستىگىندە بولىمشە باسشىسىنان اتقارۋشى ديرەكتور قىزمەتىنە دەيىن جەتتى. ول كەنشىلەردىڭ بىرنەشە بۋىنىن دايارلادى, ولاردىڭ اراسىندا بۇگىنگى شاحتا جەتەكشىلەرى دە بار. جاسىنا قاراماستان, پروفەسسور وقىتۋشىلىق قىزمەتىن جالعاستىرۋدا.
نيكولاي دريجد – جاراتىلىستانۋ عىلىمىنىڭ, قازاقستان ۇلتتىق اكادەمياسىنىڭ, رەسەي تاۋ-كەن عىلىمى اكادەمياسىنىڭ اكادەميگى. كسرو مەملەكەتتىك سىيلىعىنىڭ ەكى مارتە لاۋرەاتى, لەنين وردەنىنىڭ ەكى مارتە, ەڭبەك قىزىل تۋ وردەنىنىڭ يەگەرى. «دوستىق», «قۇرمەت» جانە احمەت بايتۇرسىنوۆ اتىنداعى وردەندەرمەن ماراپاتتالعان. «كەنشى داڭقى» بەلگىسىنىڭ تولىق يەگەرى.
ميراس اسان,
«ەگەمەن قازاقستان»
قاراعاندى وبلىسى
