№1 ترەند: ءساندى دەنيم. دەنيم دجينس تىگەتىن ماتانىڭ «تۋىسقانى», اقشىل-كوك تۇستەرى بار ماقتادان توقىلعان جۇمساق ماتا. بيىل دا قاراكوك, كوكشىل, سۇر, قارا دەنيمنەن تىگىلگەن كومبينەزوندار مەن جەيدەلەر ساننەن قالمايدى.
№2 ترەند: جىلى توقىمالار. دەنەگە ىڭعايلى دا جايلى كيىمدەردى ۇناتاتىندار توقىمانىڭ امبەباپتىعىن بارلىق كەزدە باعالايدى. كۇندەلىكتى جۇمىستا تريكوتاجدان تىگىلگەن كويلەك, كوستيۋم, بەلدەمشە, كەۋدەشە, توپتار مەن سۆيتشوتتاردىڭ ىڭعايلى ەكەنىن ۇمىتپايدى. ال ديزاينەرلەر ونىڭ الپىنشاق-سالپىنشاقتارىن بارىنشا ازايتىپ, ءمىنسىز ءپىشىم ارقىلى سانقويلاردىڭ كوڭىلىن تابۋعا تىرىساتىن بولادى.
№3 ترەند: ۆودولازكا مەن كويلەك ۆودولازكالار. موينى قايىرىلاتىن كويلەك-كوفتالار بارلىق كەزدە كەرەك. ول قىز-كەلىنشەكتەردىڭ عانا ەمەس, ەرلەردىڭ دە گاردەروبىنان تابىلۋى ءتيىس ىڭعايلى كيىم سانالاتىندىقتان ساننەن قالمايدى. كۇن سۋىقتا پيدجاكتىڭ دا ىشىنەن كيە سالۋعا بولاتىن, كلاسسيكالىق كيىمدەرمەن دە ۇيلەسەتىن ۆودولازكا ءتۇرلى-ءتۇرلى ديزاينمەن الداعى جىلدا دا دۇكەن سورەلەرىنە شىعادى.
№4 ترەند: Woman in black. «قارا كويلەكتى ايەل» ءستيلىن كىم بىلمەيدى؟! ق ۇلىن مۇشەسى كەلىسكەن قىزداردى بىلاي قويعاندا, بادەندى كەلىنشەكتەردى دە تارتىمدى دا ارىق ەتىپ كورسەتەتىن قارا كويلەكتى مىڭ قۇبىلتىپ كيۋگە بولادى.
№5 ترەند: قىپشا بەل. مىقىنعا بەلدىك بولىپ تۇسكەن عاجايىپ اكتسەنت بيىل دا, كەلەر جىلى دا ساندىك مىنبەرلەردىڭ تورىنە تالاي شىعادى. ءبىر قاراعاندا جالپيعان دورەكىلەۋ, مەتالدارى بار بەلدىكتەر ءبارىبىر بەلدى نازىك ەتىپ كورسەتەدى.
№6 ترەند: قالتالارى قامپيعان پالتولار. قالىڭ توندارىمىزدى تاستاپ, جۇقالاۋ پالتولار كيەتىن كەزگە جەتكەنىمىزدە قالتالارى سىرتىنا نەشە ءتۇرلى سۇلگىمەن, كوزگە تۇسەتىندەي ەتىپ تىگىلگەن سىرت كيىمدەردى كيۋگە بولادى. قىس ءوتىپ, كوكتەم جەتكەندە پالتو-مانتو, پالتو-كارديگان, كيمونو كيەتىن كۇندەر كەلەدى.
№7 ترەند: قامپيعان پۋحوۆيكتەر. قاقاعان ايازدى كۇندەردە قۇس ءجۇنى تولتىرىلعان سىرت كيىمدەر نەتكەن جايلى, قانداي جىلى؟! قامپيسا دا جەپ-جەڭىل بۇل كيىمدى كەلەر جىلى دجينسمەن دە, كويلەكپەن دە كيە بەرۋگە بولادى. ونى ءىرى توقىلعان باس كيىم تولىقتىرا الادى.
№8 ترەند: بەلدىگى بار توندار. نەشە ءتۇرلى بۇلعىن تونداردى قانداي بەلدىكپەن تاقساڭىز دا قيالىڭىزدىڭ شىرقاۋ شەگى ءبىلسىن. جىڭىشكە نەمەسە جالپاق بەلدىكتى ۇيلەسىمىنە قاراي تاڭداپ تاقساڭىز, بەلىڭىز دە جىلى جۇرەدى.
№9 ترەند: بالاعى قايىرىلعان شالبارلار. كەڭ-مول, مانجەتپەن تىگىلگەن شالبارلار سپورتتىق اياق كيىمدەرمەن عانا ەمەس, ءبىز وكشە تۋفليمەن دە جاراسا كەتەدى. تەك بيىلعى ءساندى ۇزىندىق توبىققا دەيىنگى – 7/8 ۇزىندىق.
№10 ترەند: اشىق ءتۇستى ش ۇلىقتار. الداعى كۇندەرى نەشە ءتۇرلى اشىق ءتۇستى كولگوتكالار مەن ش ۇلىقتاردى كيىمدەرمەن كەلىستىرىپ كيىپ جۇرۋگە بولادى. ش ۇلىقتاردىڭ قالىڭ توقىلعاندارىنان باستاپ, ەڭ جۇقاسىنا دەيىن ءساندى كورىنەدى. ال ءتۇرلى-ءتۇستى, گۇلدى, ورنەكتى كولگوتكالار 70-80-جىلداردى ەسكە ءتۇسىرىپ, جاڭا ماۋسىمدا قايتا ورالادى.
№11 ترەند: جەيدە-كويلەك. قىز-كەلىنشەكتەردىڭ جىگىتتەردەن «تارتىپ العان» تاعى ءبىر كيىمى – جەيدەلەر. بىراق بۇل كيىم قىزدارعا جاراسا كەتكەنىن كىم جوققا شىعارسىن؟! سوندىقتان جاڭا ماۋسىمدا ديزاينەرلەر نازىك تە ءساندى كويلەك-جەيدەلەر تىگۋدىڭ جارىسىن باستاپ تا كەتتى.
№12 ترەند: كەڭ-مول پىشىلگەن كيىمدەر. ءسان ۇلگىسىندە دە ەركىندىككە يە بولۋ قاشاندا ماڭىزدى. ءجۇز جەردەن مودا قۋامىن دەسەك تە ول ىڭعايلى كيىمگە جەتپەيدى. نەبىر كەربەزدەردىڭ ءوزى «وۆەرسايز» ءستيلىن ۇناتادى جانە كلاسسيكالىق كيىم ۇلگىلەرىن ءوزى ەركىن ءجۇرىپ-تۇرۋعا ىڭعايلىلىقتى ۇمىتپايدى.
№13 ترەند: شىلتەر. 2018 جىلى ءسان الەمىندە ديزاينەرلەردىڭ باستى قارۋى جەلبىرشەك بولادى. ولار نازىك شىلتەرلەرمەن كويلەك, سارافانداردى عانا ەمەس, شالبار, شورت, كومبينەزون, ءتىپتى سۋعا شومىلۋعا ارنالعان كيىمدەردى دە ساندەۋگە قولداناتىن بولادى.
ايناش ەسالي,
«ەگەمەن قازاقستان»
