ءراپىل سەيىتحان ۇلى 1963 جىلى دۇنيەگە كەلگەن. قىرعىز مەملەكەتتىك ۋنيۆەرسيتەتىن, سانكت-پەتەربۋرگ ەكونوميكا جانە قارجى ۋنيۆەرسيتەتىن تامامداعان. ەكونوميكا عىلىمدارىنىڭ دوكتورى. اعىلشىن ءتىلىن مەڭگەرگەن. ءبىرىنشى سىنىپتى توتەنشە جانە وكىلەتتى ۋاكىل ديپلوماتتىق دارەجەسى بار. 1985 جىلدان عىلىمي جۇمىسپەن اينالىسقان. 1993 جىلدان قازاقستان رەسپۋبليكاسى سىرتقى ىستەر مينيسترلىگىنىڭ حالىقارالىق ەكونوميكالىق قاتىناستار باسقارماسىنىڭ ءۇشىنشى حاتشىسى, ەكىنشى حاتشىسى. 1996 جىلدان قازاقستان رەسپۋبليكاسى سىرتقى ىستەر مينيسترلىگى تمد دەپارتامەنتىنىڭ ءبولىم باستىعى. 1998 جىلدان قازاقستان رەسپۋبليكاسىنىڭ بالتىق ەلدەرىندەگى ەلشىلىگىنىڭ ءبىرىنشى حاتشىسى, كەڭەسشىسى. 2000 جىلدىڭ تامىزىنان قازاقستان رەسپۋبليكاسى پرەزيدەنتىنىڭ حاتتاما قىزمەتى باستىعىنىڭ ورىنباسارى.
2003 جىلدىڭ شىلدەسىنەن قازاقستان رەسپۋبليكاسى پرەزيدەنتى اكىمشىلىگىنىڭ كونفەسسياارالىق قاتىناستار جونىندەگى ءبولىمىنىڭ مەڭگەرۋشىسى. 2004 جىلدىڭ قازانىنان قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى. 2007 جىلدىڭ قازانىنان قازاقستان رەسپۋبليكاسى سىرتقى ىستەر مينيسترلىگىنىڭ جاۋاپتى حاتشىسى. ال 2013 جىلدىڭ اقپانىنان ەكسپو-2017 حالىقارالىق مامانداندىرىلعان كورمەسىنىڭ كوميسسارى لاۋازىمىندا قىزمەت ەتتى.
