دەپۋتاتتار كەزدەسۋ بارىسىندا پارلامەنتتىڭ 2017 جىلعى جۇمىسىنىڭ نەگىزگى قورىتىندىلارى تۋرالى اڭگىمەلەدى. اسىرەسە, سالىق كودەكسىندەگى وزگەرىستەرگە ەرەكشە نازار اۋدارىلدى. بۇل قۇجاتتاعى جاڭالىقتار ىسكەرلىك بەلسەندىلىكتى ىنتالاندىرۋعا, جەكە جانە زاڭدى تۇلعالارعا قاتىستى سالىق زاڭناماسىن وڭايلاتۋعا باعىتتالىپ وتىر. سالىق اكىمشىلەندىرۋلەرى مەن تەكسەرۋ تارتىپتەرىنىڭ تەتىكتەرى جەتىلدىرىلىپ, قۇجات اينالىمى وڭايلايدى. ر. اكىموۆ پەن د. ادىلبەكوۆ ادال سالىق تولەۋشىلەردىڭ, ونىڭ ىشىندە شاعىن جانە ورتا كاسىپكەرلەردىڭ مۇددەلەرىن قورعاۋعا باعىتتالعان ەرەجەلەر تۋرالى جان-جاقتى ايتىپ بەردى.
شاراعا اقمولا وبلىستىق كاسىپكەرلەر قۇقىقتارىن قورعاۋ جانە سىبايلاس جەمقورلىققا قارسى كۇرەس جونىندەگى كەڭەستىڭ, ىسكەر ايەلدەردىڭ ايماقتىق كەڭەسىنىڭ جانە كاسىپكەرلەر اسسوتسياتسياسىنىڭ وكىلدەرى قاتىستى.
قازاقستان رەسپۋبليكاسى پارلامەنتى
سەناتىنىڭ ءباسپاسوز قىزمەتى
