«ەسىل سۋ» مەملەكەتتىك كاسىپورنىندا وتكەن جۇزدەسۋگە ماجىلىسمەندەر ولگا پەرەپەچينا مەن پەتر شاراپاەۆ قاتىسىپ, ءوڭىردى اۋىزسۋمەن قامتاماسىز ەتۋ, ەلدى مەكەندەرگە ساپالى تىرشىلىك ءنارىن جەتكىزۋ جايىمەن تانىستى. ۇجىمدا ءبىر مىڭعا جۋىق ادام ەڭبەك ەتەدى. جيىندا اتقارىلعان كەشەندى شارالارعا قاراماستان توزعان, ەسكىرگەن ماگيسترالدى قۇبىرلارعا اۋىستىرۋعا قاراجاتتىڭ جەتىمسىزدىگى ايتىلىپ, ىقپال ەتۋ سۇرالدى.
پەتروپاۆل ماشينا جاساۋ كوللەدجىندە حالىق قالاۋلىلارى وقۋشىلاردىڭ جاڭا باعدارلامامەن وقىپ جاتقاندارىن, شاكىرتاقى الىپ, تەگىن تاماقتاناتىنىن ءبىلدى.
قىزىلجار اۋدانى كوندراتوۆ ورمان شارۋاشىلىعىندا وتكەن كەزدەسۋگە پاۆەل كازانتسەۆ پەن پەتر شاراپاەۆ قاتىسىپ, پارلامەنت جۇمىسى جايلى جان-جاقتى اقپار بەردى. قابىلدانعان زاڭداردىڭ وزەكتىلىگىن ءسوز ەتتى. جەرگىلىكتى جاعدايدىڭ تىنىس-تىرشىلىگىمەن تانىسىپ, تۇرعىنداردىڭ ءوتىنىش-تىلەكتەرىنە نازار اۋداردى.
بۇدان كەيىن پارلامەنت ءماجىلىسىنىڭ دەپۋتاتتارى م. جۇماباەۆ اۋدانىندا بولىپ, قوعامدىق قابىلداۋ ۇيىمداستىردى. ءوتىنىش-تىلەكتەرمەن قايرىلعان ازاماتتاردىڭ ماسەلەلەرىن شەشۋدى ءوز باقىلاۋلارىنا الاتىن بولدى. «سەمەينىي» سۋپەرماركەتىندە, «ازيا ۆۋدس» جشس-دە وتكەن كەزدەسۋلەردە ەلىمىزدە بولىپ جاتقان ساياسي-ەكونوميكالىق ماسەلەلەر تالقىلانىپ, ەلباسى, ۇكىمەت تاراپىنان اتقارىلىپ جاتقان جۇمىستارعا وڭ باعا بەرىلدى.
حالىق قالاۋلىلارىنىڭ ەلدى مەكەندەردەردى ارالاۋ ساپارى جالعاسۋدا.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
