جاڭا جىل قارساڭىندا «ازاماتتارعا ارنالعان ۇكىمەت» مەملەكەتتىك كورپوراتسياسى مەن «ۇلتتىق اقپاراتتىق تەحنولوگيالار» اق ءسابيلى بولعان انالارعا مەملەكەتتىك قىزمەتتەردى پرواكتيۆتى تاسىلمەن كورسەتۋ جوباسىن جۇزەگە اسىرا باستادى. اقپاراتتىق جۇيەلەردىڭ بىرىگۋىنىڭ ارقاسىندا جاڭا تۋعان نارەستەنى تىركەۋ بويىنشا ءوتىنىش اۆتوماتتى تۇردە كەلەتىن بولادى.
قاناتقاقتى جوبا ىسكە قوسىلعاننان بەرى SMS-حابارلاما ارقىلى 1208 ايەلگە SMS-حابارلاما ارقىلى قۇتتىقتاۋ كەلىپ, ءسابيدى تىركەۋ بويىنشا مەملەكەتتىك قىزمەتتەردى پرواكتيۆتى پرينتسيپپەن الۋ ۇسىنىسى جاسالدى. بۇل ورايدا ەلەكتروندى ۇكىمەت پورتالى بارلىق مالىمەتتەردى ءتۇرلى مەملەكەتتىك ورگانداردىڭ اقپاراتتىق جۇيەلەرىنەن جيناپ, ال وزگە دەرەكتەردى SMS حابارلاما ارقىلى اتا-انادان سۇرايدى.
سونداي-اق تەلەفون ارقىلى شوت ءنومىرىن جىبەرىپ, جاردەماقىلاردى راسىمدەۋگە جانە بالاباقشاعا كەزەككە قويۋعا بولادى. ال حالىققا قىزمەت كورسەتۋ ورتالىعىنا بالانىڭ كۋالىگىن الىپ كەتۋ ءۇشىن عانا كەلۋ كەرەك نەمەسە ۇيگە جەتكىزۋ قىزمەتىن پايدالانۋعا بولادى.
