Apples.kz
بۇل حابارلاما تۇتىنۋشىلار مەن كومپانيا اراسىنداعى كەرى بايلانىستىڭ جاقسى جولعا قويىلعانىن كورسەتكەنىمەن, ماسەلەنىڭ زاڭدىق جاعى تاعى بار. وسى ماسەلەگە قاتىستى كاليفورنيا, نيۋ-يورك جانە يللينويس شتاتتارىندا كومپانيا مەن تۇتىنۋشىلاردىڭ قۇقىعىن قورعاۋ ورگاندارى اراسىندا سوت پروتسەسى ءجۇرىپ جاتىر. سونداي-اق, يزرايل مەن فرانتسيا تۇرعىندارى دا ءوز قۇقىقتارىنىڭ اياق استى بولعانىنا نارازى.
تەلەفون قولدانۋشىلار اpple كومپانياسىن تۇتىنۋشىعا تيەسىلى نارسەگە رۇقساتسىز زيان كەلتىردى جانە بۇل تۋرالى الدىن الا اشىق اقپارات تاراتپادى دەپ كىنالاپ وتىر. سونىمەن بىرگە, بوستون ۋنيۆەرسيتەتىنىڭ زاڭ عىلىمدارىنىڭ پروفەسسورى ۆان لو دا «سىزدەر مەنىڭ تەلەفونىمدى ماعان زياندى جولمەن وزگەرتۋمەن قاتار, سىزدەر ماعان ونى ەسكەرتكەن دە جوقسىزدار», - دەپ ءوز قارسىلىعىن بىلدىرگەن بولاتىن.
الايدا, كومپانيا قىزمەتكەرلەرى بۇل جاعدايدى ۋاقىت وتە كەلە تەلەفون قۋاتتاعىشتارى ءوز قىزمەتىن باياۋلاتادى دەپ قانا تۇسىندىرگەن. سونىمەن قاتار, كومپانيا وسى ولقىلىقتىڭ ورنىن تولتىرۋ ءۇشىن قۋاتتاعىش قۇنىن تومەندەتەتىنىن حابارلادى.
اتالمىش كومپانيا سمارتفوندارىن قولدانۋشىلار كومپانيا ەسكى مودەلدەرىنىڭ جۇمىسىن قاساقانا باياۋلاتۋ ارقىلى جاڭا ونىمدەرىنە سۇرانىستى ارتتىرادى دەگەن پىكىرلەر بۇرىننان بار. الايدا, تۇتىنۋشىلاردىڭ قارسىلىعى مەن سوت پروتسەستەرىنە قاراماستان, Apple كومپانياسى ەسكى قۋاتتاعىشپەن جۇمىس ىستەيتىن سمارتفوندار قىزمەتىن تومەندەتەتىنى تۋرالى ەشقانداي مالىمدەمە تاراتقان جوق.
ءمادينا جالەلقىزى,
"ەگەمەن قازاقستان"
