جيناقتىڭ العىسوزىن بەلگىلى مەملەكەت جانە قوعام قايراتكەرى ءشامشا بەركىمباەۆا جازىپتى. اباي وسيەت ەتىپ كەتكەن «تولىق ادامدى» قالىپتاستىراتىن, ۇلگىلى دە تاربيەلى ەتىپ شىعاراتىن ۇستاز ەكەنىن ايتىپ, م.اۋەزوۆتىڭ ۇستاز « ۇلى ەسىم» دەگەنىن العا تارتادى.
ۇستازدار كىتابىندا 130-عا تاياۋ ۇرپاققا ءبىلىم بەرگەن اياۋلى جانداردىڭ ءومىر جولى, جەتكەن جەتىستىگى, العا قويعان ماقساتتارى باياندالادى. ساباق بەرۋدەگى ءادىس-تاسىلدەرى دە نازاردان تىس قالماعان. استانا ۇستازدارىنىڭ اراسىنان شىققان «ىبىراي التىنسارين» توسبەلگىسى يەگەرلەرى مولىنان قامتىلعان ەكەن. تەك قازاق مەكتەپتەرىنىڭ ۇستازدارى عانا ەمەس, ورىس مەكتەپتەرىندە قىزمەت جاساپ جۇرگەن ۇلگىلى دە ونەگەلى ازاماتتاردىڭ ءومىر جولى دا قامتىلىپتى. ءبىر سوزبەن ايتقاندا, ۇستازدار قاۋىمى تۋرالى جيناقتان الار تاعىلىم, مالىمەت از ەمەس. ءتورت ءجۇز بەتتەن اسا جيناقتى قۇراستىرىپ, ءوز قارجىسىمەن شىعارعان, بۇكىل سانالى عۇمىرىن ءبىلىم بەرۋ سالاسىنا ارناعان قازاقستاننىڭ ءبىلىم بەرۋ ءىسىنىڭ قۇرمەتتى قىزمەتكەرى, «قۇرمەت بەلگىسى» وردەنىنىڭ يەگەرى وسپان سۇلەيمەن ۇلى ەكەنىن ايتا كەتكەنىمىز ابزال.
سۇلەيمەن مامەت,
«ەگەمەن قازاقستان»
