ءموبيلدى قوسىمشانى بۇگىننەن باستاپ جۇكتەپ الۋعا بولادى, ول ءۇشىن App Store نەمەسە Play Market ء–تىڭ ىزدەۋ جولىنا ACQ اتىراۋ دەپ جازسا جەتكىلىكتى. قوسىمشا قۇرىلىمى 6 نەگىزگى بولىمنەن تۇرادى, ولار جۇمىسقا ورنالاسۋ, قوعامدىق باقىلاۋ, تكش, قوعامدىق كولىك, ءبىلىم, سۇراق قويۋ سەكىلدى ماڭىزدى ماسەلەلەر مەن سالالارعا ارنالعان.
ءار بولىمدە ءمازىر بار, قولدانۋشى قاجەت باعاندى تاڭداپ, ساۋالىن قالدىرا الادى. بارلىق بولىمدە فوتو مەن بەينە ەنگىزۋ قىزمەتى ورناتىلعان, ءتۇرلى بۇزۋشىلىقتارعا كۋا بولعان ازاماتتار فوتو مەن بەينەجازباسىن جىبەرە الادى.
جوعارىدا كورسەتىلگەن بولىمدەر بويىنشا وبلىس ورتالىعىنىڭ تۇرعىندارى ساۋالدارىن جولداپ, انىقتالعان بۇزۋشىلىقتار تۋرالى اقپارات جىبەرەدى نەمەسە مەملەكەتتىك ورگانداردان تۇپكىلىكتى مالىمەت الادى.
مىسالى, ءبىلىم باعانىندا بالاباقشا, كوللەدج, ۋنيۆەرسيتەتتەر تۋرالى مالىمەت الىپ, ءوتىنىمىن بەرە الادى. ال جۇمىس ىزدەۋشىلەرگە ەڭبەك بيرجاسى مەن بوس جۇمىس ورىندارى تۋرالى اقپارات پايدالى بولماق, بۇل ءبولىم كۇن سايىن جاڭارتىلادى.
بولاشاق تالاپكەرلەر وقۋ ورىندارىنىڭ تىزىمىمەن, مەكەن-جايىمەن تانىسىپ, قىزىقتىرعان سۇراقتارىن قالدىرا الادى. جاقىندارى دەسترۋكتيۆتى ءدىني اعىمداردىڭ ىقپالىنا تاپ بولعاندار نەمەسە سەزىكتەنەتىندەر پسيحولوگتارعا حابارلاسىپ, ءدىنتانۋشى مامانداردان اقپارات الادى. بۇل بولىمدە ءوتىنىمدى ءانونيمدى تۇردە قالدىرۋعا بولادى.
