رودنيكوۆكا تۇرعىندارى ءۇشىن 320 وقۋشىعا ارنالعان جاڭا مەكتەپتىڭ اشىلۋى قۋانىشتى وقيعا بولدى. جوبانى جۇزەگە اسىرۋعا «نۇرلى جول» باعدارلاماسى اياسىندا 700 ملن. تەڭگە بولىنگەن. ءۇش قاباتتان تۇراتىن عيمارات زاماناۋي ءبىلىم بەرۋ تالاپتارىنا تولىق سايكەس كەلەدى: كومپيۋتەرلىك سىنىپتار, كىتاپحانا, پسيحولوگ پەن لوگوپەد ماماندارىنىڭ كابينەتتەرى, سپورت جانە اكت زالدارى, اسحانا, فيزيكا, بيولوگيا, حيميا, ينفورماتيكا كابينەتتەرى بار, ءتورت ينتەراكتيۆتى تاقتامەن, مۋلتيمەديالىق جابدىقتارمەن, تەحنولوگيا ساباقتارىنا ارنالعان تىگىن ماشيناسى مەن ءتۇرلى تەحنولوگيالارعا ارنالعان ستانوكتارى بار شەبەرحانالارمەن جاراقتانعان.
مەكتەپ اۋلاسىندا بالالاردى فيزيكالىق تۇرعىدان دامىتۋعا ارنالعان جاقسى سپورتتىق بازا جاسالعان: فۋتبول الاڭى مەن جۇگىرۋ جولدارى بار ستاديون, ۆولەيبول, باسكەتبول الاڭى, بالالارعا ارنالعان ويىن الاڭى, دەمالىس ايماعى قاراستىرىلعان.
ىرگەسى 1969 جىلى قالانعان اۋىل مەكتەبىنىڭ ەسكى عيماراتى اپاتتىق جاعدايدا دەپ تانىلىپ, بالالار ونىڭ جارتى بولىگىندە وقۋعا ءماجبۇر بولدى.
اشىلۋ سالتاناتىندا ءسوز سويلەگەن وبلىس اكىمى بەردىبەك ساپارباەۆ ايتقانداي ءاربىر ەل دامىعان مەملەكەتكە اينالۋى ءۇشىن ەڭ الدىمەن, بولاشاق ۇرپاقتىڭ دەنى ساۋ, مىقتى بولىپ, لايىقتى ءبىلىم مەن تاربيە الۋىن ويلاستىرۋى ءتيىس.
- پرەزيدەنتىمىز نۇرسۇلتان ءابىش ۇلى نازارباەۆتىڭ باسشىلىعىمەن قازاقستاندا 26 جىلدا, اسىرەسە, ءبىلىم بەرۋ, دەنساۋلىق ساقتاۋ, مادەنيەت پەن سپورت سالاسىندا كوپتەگەن يگى جۇمىستار جاسالدى. ءبىز بارلىعىمىز بۇعان كۋامىز. بيىلدىڭ وزىندە اقتوبەدە 32 مەكتەپ سالىنىپ, ونىڭ 15-ءى تاپسىرىلدى, سونىڭ ىشىندە ءسىزدىڭ مەكتەپ تە بار,-دەپ اتاپ ءوتتى ءوڭىر باسشىسى. - جاڭا جىل قارساڭىندا وبلىس باسشىلىعىنىڭ اتىنان بارلىعىڭىزدى كەلە جاتقان جاڭا 2018 جىلمەن قۇتتىقتايمىن. بارلىعىڭىزعا دەنماۋلىق پەن امانشىلىق تىلەيمىن. جاڭا جىلدارىڭىز بەن جاڭا مەكتەپ قۇتتى بولسىن!
بۇل كۇنى اۋىلدا مەملەكەتتىك - جەكەمەنشىك ارىپتەستىك اياسىندا سالىنعان جاڭا دارىگەرلىك امبۋلاتوريا دا تۇرعىندارعا قىزمەت كورسەتە باستادى. اۋماعى 400 شارشى مەتردى قۇرايتىن امبۋلاتوريا بارلىق ستاندارتتارعا ساي جابدىقتالعان. مۇندا كۇنىنە 50 ادام مەديتسينالىق كومەك الا الادى. زاماناۋي مەديتسينالىق مەكەمەدە دارىگەرگە دەيىنگى قابىلداۋ, ەم-شارا, ەكپە, اكۋشەرلىك, زارارسىزداندىرۋ, تىركەۋ, مەدمۇراعات كابينەتتەرى جانە ءدارىحانا مەن ءتورت ورىندىق كۇندىزگى ستاتسيونار ورنالاستىرىلعان. جوبا قۇنى 95 ميلليون تەڭگە.
