فوتو: ەرلان وماروۆ, "ەگەمەن قازاقستان"
ەنەرگيا ۇنەمدەۋ تۋرالى ماسەلەلەر استانا اكىمدىگىنىڭ باستى نازارىندا. «جىلۋ اعىندارىن باسقارۋ» باعدارلاماسىن جوبالاۋ باستالدى جانە 2017 جىلى «اقىلدى جارىق» باعدارلاماسى ىسكە قوسىلدى.
ءمجا تەتىگى ەسەبىنەن جانە امەريكاندىق تۇك قاتىسۋىمەن «اقىلدى» ينتەرنەت قۇرا وتىرىپ شەتەلدىك ينۆەستيتسيالاردى تارتۋ ارقىلى 30 مىڭنان استام شامدى اۋىستىرۋ جوسپارلانۋدا. بۇل ەلەكتر ەنەرگياسىن تۇتىنۋدى ەكى ەسەگە تومەندەتەدى نەمەسە جىلىنا 600 ميلليون تەڭگە ۇنەمدەۋگە مۇمكىندىك بەرەدى
«2017 جىلى «بايتەرەك», «جاڭاجول» جانە «تۇران» قوسالقى ستانتسياسىن سالۋ ىسكە قوسىلعان, ولار جاڭا تەمىر جول ۆوكزالىن, دوستىق اۋىلىن, ۇلتتىق عىلىمي ونكولوگيالىق ورتالىعىن, نازارباەۆ ۋنيۆەرسيتەتىن, ەكسپو اۋماعىن, تەاتر, بوتانيكالىق باقتى, قالالىق سوتتى, «جاسىل ورام» تك, اپاتتى جاعدايداعى ۇيلەردى ءسۇرۋ باعدارلاماسى بويىنشا سالىنعان ۇيلەردى, «باتىعاي» اۋدانىن, بىرقاتار الەۋمەتتىك نىسانداردى ەلەكتر قۋاتىمەن قامتاماسىز ەتىپ وتىر», - دەپ حابارلادى استانا اكىمدىگى.
سونداي-اق, قالالىق بيلىكتىڭ اقپاراتى بويىنشا, «اۋەجاي – سول جاعالاۋ», استانانىڭ جاڭا كوممۋنالدىق بازارى جوبالارىن ىسكە اسىرۋ بويىنشا ەنەرگيامەن جابدىقتاۋ, «قازبەك» جانە «سامال» قوسالقى ستانتسياسىن سالۋ جۇرەدى.
