– وزدەرىنىڭ قاربالاس جۇمىستارىنا قاراماستان, پوليتسيا قىزمەتكەرلەرى بالالارعا تاماشا كوڭىل-كۇي سىيلاۋدا, - دەدى سەمەي قالالىق ءىىب مەملەكەتتىك ءتىلدى دامىتۋ جانە ناسيحات ءبولىمىنىڭ باستىعى ەلۋبەك وسپانوۆ,-ەرتەڭگىلىككە قىزمەتتىك مىندەتتەرىن اتقارۋ كەزىندە قازا بولعان قىزمەتكەرلەردىڭ بالالارى دا شاقىرىلىپ, ولارعا ەرەكشە كوڭىل ءبولىندى. جاڭا جىل كەشىندە پوليتسيا قىزمەتكەرلەرى قالا كوشەلەرىندە قوعامدىق ءتارتىپتى كۇزەتەتىندىكتەن, ولاردىڭ بالالارى جاڭا جىلدى اتا-انالارىنسىز قارسى الادى. مەرەكەنى ۇيىمداستىرۋشىلار بالالارعا اتا-انالارىنىڭ كاسىپتەرىنىڭ جاۋاپكەرشىلىگى مەن ماڭىزىلىعىن جەتكىزۋگە تىرىستى.
وسىلايشا ءىىب ۇلكەن ءماجىلىس زالى جاڭا جىل مەرەكەسىنە ساي اسەم بەزەندىرىلىپ, سيقىرلى الەمگە اينالدى, ال ەرەسەكتەر بالالارعا مەرەكەلىك كوڭىل-كۇي سىيلاۋ ءۇشىن ەرتەگى كەيىپكەرلەرىن سومدادى.
جاڭا جىلدىق ەرتەڭگىلىكتە ارنايى ءسوز العان سەمەي قالالىق ءىىب باستىعىنىڭ ورىنباسارى پوليتسيا پولكوۆنيگى م.قۇلجاباەۆ بالالاردى جاڭا جىل مەرەكەسىمەن قۇتتىقتادى. بالالار ەرتەگى كەيىپكەرلەرىن قۋانىشپەن قارسى الدى. اياز اتا مەن اقشاقار بالالارمەن بىرگە شىرشانى اينالىپ, ءان شىرقاپ, بي بيلەدى, ءارتۇرلى سايىستار ۇيىمداستىرىلدى. بالالار ۋاقىتتارىن وتە قىزىقتى وتكىزىپ, جاڭا دوستار تاۋىپ, مەرەكە قارساڭىندا قۋانىش سەزىمىنە بولەندى. ءىس-شارا بويى زالدا بالالاردىڭ سىڭعىرلاعان باقىتتى كۇلكىلەرى ەستىلىپ, ولار سىيقىرلى, عاجايىپ الەمگە ەنگەندەي بولدى.
مەرەكە سوڭىندا قىزمەت اتقارۋ كەزىندە قايتىس بولعان قىزمەتكەرلەردىڭ جۇبايلارى مەن بالالارى وسىنداي ءىس-شارا ۇيىمداستىرىپ, مەيىربان كوڭىلمەن قام كوڭىلدەرىن اۋلاعان پوليتسيا قىزمەتكەلەرىنە العىستارىن ايتتى. وسىنداي مەرەكەلىك ءىس-شارا ءىىب اۋماقتىق پوليتسيا بولىمدەرىندە دە ءوتتى.
راۋشان نۇعمانبەكوۆا,
سەمەي
سۋرەتتەر اۆتوردىكى.
